കുടുംബവിളക്കിലെ പ്രതീഷ് വിവാഹിതനാവുന്നു, മൂന്നാല് മാസത്തിനുള്ളിൽ വിവാഹമുണ്ട്; വധു ഡോക്ടറാണെന്ന് നുബിൻ

എന്നെ കണ്ടാല്‍ ഷൈന്‍ ടോം ചാക്കോയെ പോലെയുണ്ടെന്ന് കുറേ പേര്‍ പറഞ്ഞിട്ടുണ്ട്. ലൊക്കേഷനില്‍ വന്നപ്പോഴും അങ്ങനെ പറയുന്നവരുണ്ട്. പക്ഷേ എനിക്ക് അങ്ങനെ തോന്നിയിട്ടില്ല. സൂര്യയിലാണ് ഞാന്‍ ആദ്യമായിട്ടൊരു വര്‍ക്ക് ചെയ്യുന്നത്. ബോബന്‍ ചേട്ടന്റെ അനിയനായി ഒരാളെ വേണം. എന്റെ ഭാഗ്യത്തിന് അവിടെ ആരും ഉണ്ടായിരുന്നില്ല. അവര്‍ക്ക് വേറെ നിവൃത്തി ഇല്ലാത്തത് കൊണ്ട് എന്നെ എടുക്കേണ്ടി വന്നു. ഉച്ച കഴിഞ്ഞപ്പോഴെക്കും വേറൊരുത്തന്‍ വന്നു. അവന്‍ ആണെങ്കില്‍ ഒടുക്കത്തെ അഭിനയവും.

ഞാന്‍ ആണെങ്കില്‍ റോബര്‍ട്ട് നില്‍ക്കുന്നത് പോലെ ഒരു അനക്കവുമില്ലാതെ നില്‍ക്കും. ഒറ്റയടിക്ക് നിര്‍ത്താതെ ഡയലോഗ് പറഞ്ഞ് തീര്‍ക്കും. ഡയലോഗ് കാണുമ്പോള്‍ നെഞ്ചിലൊരു വിങ്ങലായിരുന്നു. പിന്നെ അവര്‍ പഠിപ്പിച്ച് എല്ലാം ശരിയായി. ഇപ്പോള്‍ ഡയലോഗ് ഇല്ലെങ്കില്‍ ആണ് വിഷമം. അത്രയും നേരം സ്‌ക്രീനില്‍ ഉണ്ടാവുമല്ലോ എന്നും നുബിന്‍ പറയുന്നു. അതേ സമയം നാല് വര്‍ഷത്തെ പ്രണയം എവിടെ വരെ എത്തി എന്ന് ചോദിച്ച സ്വാസികയുടെ ചോദ്യത്തിന് വിവാഹം വൈകാതെ ഉണ്ടാവുമെന്നാണ് താരം വ്യക്തമാക്കുന്നത്.

'എന്റെ പ്രണയം ഏകദേശം മൂന്നാല് മാസങ്ങള്‍ക്ക് ശേഷം വിവാഹമായേക്കും. കോട്ടയത്താണ് പെണ്‍കുട്ടിയുടെ വീട്. ആന്റിയുടെ വീടിന്റെ അടുത്താണ് അവളുടെയും വീട്. വെക്കേഷന് പോയപ്പോള്‍ കണ്ടുമുട്ടിയതാണ്. പുള്ളിക്കാരിയാണ് ഇപ്പോള്‍ എനിക്ക് ഏറ്റവും വലിയ സപ്പോര്‍ട്ട് തരുന്നത്. ഒരു സിനിമ ചെയ്യണമെന്നൊക്കെയുള്ളത് എന്നെക്കാളും അവളുടെ ആഗ്രഹമാണ്. അങ്ങനെ ചെയ്യൂ, ഇങ്ങനെ ചെയ്യൂ എന്നെല്ലാം എപ്പോഴും പറയും. അഭിനയത്തിലേക്ക് വരുന്നതിന് മുന്‍പ് തന്നെ പ്രണയിച്ച് തുടങ്ങിയവരാണ് ഞങ്ങള്‍. എംബിബിഎസ് കഴിഞ്ഞ് നില്‍ക്കുന്ന പുള്ളിക്കാരി ഒരു ഡോക്ടറാണ്.

Recommended Video

അപ്സരയുടെ വിവാഹ റിസപ്ഷൻ ആഘോഷമാക്കി താരങ്ങൾ

താന്‍ എല്‍എല്‍ബി പഠിക്കാന്‍ പോയ കഥയും നുബിന്‍ പങ്കുവെച്ചിരുന്നു. പഠിക്കാന്‍ പോയതേ ഉള്ളു. പഠനം കഴിഞ്ഞിട്ടില്ല. ഡിസ്റ്റന്‍സ് ആയിട്ടാണ് പഠിച്ചത്. പരീക്ഷ വരുമ്പോള്‍ സീരിയലിന്റെ ഷൂട്ടിങ്ങുമൊക്കെ ആയി മുടങ്ങി പോവും. മുന്നോട്ട് പഠിച്ച് തീര്‍ക്കണമെന്നാണ് ആഗ്രഹം. ശരിക്കും ഞങ്ങള്‍ മൂന്നാല് കൂട്ടുകാര്‍ ചേര്‍ന്ന് ഒരു രസത്തിന് പഠിക്കാന്‍ ുേപായതാണ്. ബാംഗ്ലൂര്‍ പോയി അടിച്ച് പൊളിച്ച് നടക്കാമെന്ന് കരുതി പോയതാണ്. കൂടെ ഒരു എല്‍എല്‍ബി കിട്ടുമോന്ന് നോക്കാമെന്നും വിചാരിച്ചു. ഇനി എന്തായാലും അത് എഴുതി എടുക്കണമെന്ന് തന്നെയാണ് നുബിന്‍ പറയുന്നത്.