ഇവനെ വിശ്വസിക്കരുത്, ചതിയനാണ്, ഒരു മുത്തശ്ശി ഭാര്യയോട് പറഞ്ഞു, സംഭവം പങ്കുവെച്ച് കുടുംബവിളക്കിലെ സിദ്ധു

കൃഷ്ണ കുമാർ മേനോന് പ്രേക്ഷകരിൽ നിന്ന് നേരിടേണ്ടി വന്ന ഒരു രസകരമായ സംഭവം വെളിപ്പെടുത്തുകയാണ് പ്രതീഷ് . ''ഒരിക്കൽ കെ. കെയും ഞാനും അദ്ദേഹത്തിന്റെ ഭാര്യയും രണ്ട് മക്കളും കൂടി ഇവിടെ ഒരു മാളിൽ പോയി. അപ്പോൾ അവിടെ ഒരു ഫാമിലി എത്തിയിരുന്നു. അതിൽ ഒരു മുത്തശ്ശയും ഉണ്ടായിരുന്നു. ആ മുത്തശ്ശി എന്നെ കണ്ടതും ഓടി വന്ന വിശേഷം ചോദിച്ചു. എന്നിട്ട് കെകെയുടെ ഭാര്യയോട് അദ്ദേഹത്തെ വിശ്വസിക്കരുത് ചീത്തയാണ് എന്നൊക്കെ പറഞ്ഞു. എന്നാൽ അത് സീരിയലാണ് അഭിനയമാണ് എന്നൊക്കെ പറഞ്ഞിട്ടും വിശ്വസിക്കാൻ തയ്യാറായില്ല. അവരുടെ മക്കൾ പോലും പറഞ്ഞത് മുത്തശ്ശി വശ്വസിച്ചില്ല. ബാക്കിയെല്ലാവരും എന്റെ അടുത്ത് നിന്ന് ഫോട്ടോ എടുത്തു എന്നാൽ പുള്ളിക്കാരത്തി മാത്രം ഫോട്ടോ എടുത്തില്ലെന്നും നൂപിൻ പറഞ്ഞതിന് തുടർച്ചയായി കൃഷ്ണകുമാർ മേനോൻ പറഞ്ഞു.

ഇത്തരത്തിലുളള മറ്റൊരു സംഭവവും കെ കെ പറയുന്നുണ്ട്. വിളക്ക് കാത്തിച്ചിട്ട് ഓരോ അമ്മൂമ്മമാർ തന്നെ ശപിക്കാറുണ്ടെന്നാണ് താരം പറയുന്നത്. ഇതിന്റെ വീഡിയോ തനിക്ക് സുഹൃത്തുക്കൾ ഫേസ്ബുക്കിലൂടെ അയച്ചു തരാറുണ്ട്. ഇപ്പോഴും താൻ അത് ഫോണിൽ സൂക്ഷിച്ച് വെച്ചിട്ടുണ്ടെന്നും കെകെ മേനോൻ പറയുന്നുണ്ട്. എന്നാൽ ഇതു പോലത്തെ സംഭവം തനിക്കും ഉണ്ടായിട്ടുണ്ടെന്ന് ശരണ്യ ആനന്ദും പറഞ്ഞു. ഭർത്താവ് ഓണത്തിന് ഇങ്ങോട്ട് വന്നിരുന്നു. ഈ സമയം ഞങ്ങൾ ഒരു സ്ഥലത്ത് ഭക്ഷണം കഴിക്കാൻ പോയി. അപ്പോൾ ഓരാൾ കുറെ നേരമായി ഞങ്ങളെ നോക്കുന്നുണ്ടായിരുന്നു. അവസാനം അടുത്ത് വന്നിട്ടു പറഞ്ഞു. ഇതാണില്ലേ യത്ഥാർഥ ഭർത്താവ്. നല്ല ഭർത്താവ് ഉണ്ടായിട്ട് എന്തിനാ ഈ സിദ്ധാർത്ഥിന്റെ കൂടെ ഇങ്ങനെ നടക്കുന്നത്. ഭർത്താവ് തമാശയോടെയാണ് ഇക്കാര്യം കേട്ടതെന്നും ശരണ്യ പറയുന്നു,

സീരിയലിൽ നെഗറ്റീവ് കഥാപാത്രമാണെങ്കിലും മികച്ച പ്രേക്ഷക പ്രതികരണമാണ് ഇവർക്ക് ലഭിക്കുന്നത്. മലയാളി പ്രേക്ഷകരുടെ പ്രിയപ്പെട്ട വില്ലത്തിയാണ് വേദിക. സോഷ്യൽ മീഡിയയിലൂടെ മികച്ച പിന്തുണയാണ് നടിക്ക് ലഭിക്കുന്നത് . താരത്തിന്റെ അഭിനയത്തിന് മികച്ച അഭിപ്രായമാണ് ലഭിക്കുന്നത്. ഇത് പ്രേക്ഷക പങ്കുവെയ്ക്കാറുമുണ്ട്. അതുപോലെ സിദ്ധാർത്ഥ് പോസിറ്റീവ് കഥാപാത്രത്തിലേയ്ക്ക് വരുകയാണിപ്പോൾ. തുടക്കത്തിൽ നെഗറ്റീവ് ടച്ചുള്ള കഥാപാത്രമായിരുന്നു. എന്നാൽ വേദികയെ വിവാഹം കഴിച്ചതിന് ശേഷം സിദ്ധു പാവമായിരിക്കുകയാണ്. തെറ്റ് മനസ്സിലാക്കിയ സിദ്ധാർത്ഥ് ഇന്ന് ദുഃഖിക്കുന്നുണ്ട്. എന്നാൽ അത്ര വേഗം വേദികയിൽ നിനന് തിരിച്ച് വരാൻ സിദ്ധുവിന കഴിയില്ല. ഇപ്പോൾ യുട്യൂബിൽ നിന്ന് നല്ല കമന്റുകളാണ് ലഭിക്കുന്നത്.

400 എപ്പിസോഡുകൾ പൂർത്തിയാക്കിയിരിക്കുകയാണ് കുടുംബവിളക്ക്. റേറ്റിംഗിങ്ങിൽ ആദ്യസ്ഥാനം നേടി സീരിയൽ മുന്നോട്ട് പോവുകയാണ്. സുമുത്ര എന്ന വീട്ടമ്മയുടെ അതിജീവനത്തിന്റെ കഥയാണ് കുടുംബവിളക്ക്. ഭർത്താവ് ഉപേക്ഷിച്ച സുമിത്ര സ്വന്തം കാലിൽ നിന്ന് ജീവിതം വിജയം നേടുകയാണ്. സുമിത്രയെ തകർക്കനായി വേദിക പഠിച്ച പണി പതിനെട്ടും നോക്കിയിട്ടും അതെല്ലാം തനിക്ക് പണിയായി മാറുകയാണ്. വേദികയുമായുള്ള വിവാഹത്തോടെ സിദ്ധുവും മകൻ പ്രതീഷും തമ്മിലുള്ള പ്രശ്നങ്ങൾ അവസാനിക്കുകയാണ്. അമ്മ സുമിത്രയ്ക്ക് ഒപ്പം നിന്നിപ്രതീഷ് ഇപ്പോൾ അച്ഛനും തുണയായി മാറുകയാണ്. ഇപ്പോൾ മകനും മരുമകൾക്കും വിരുന്ന് ഒരുക്കുകയാണ് സിദ്ധു.