കുടുംബവിളക്ക്: വേദികയുടെ കള്ളിവെളിച്ചത്താക്കി അനന്യ, അനിരുദ്ധിനെ കൊല്ലരുതെന്ന് ആരാധകർ!

എന്നാൽ അതിൽ പങ്കെടുക്കാൻ ക്ഷണം ലഭിച്ച സിദ്ധാർഥിനെ തടയാനായി താൻ വീണുവെന്നും നടുവിന് പരിക്കേറ്റുവെന്നും പറ‍ഞ്ഞാണ് വേദിക പുതിയ അടവ് ഇറക്കിയത്. കൂടാതെ ആശുപത്രിയിൽ അഡിമിറ്റ് ആകണമെന്നെല്ലാം സിദ്ധാർഥിനോട് പറയുന്നുണ്ട് വേദിക. വേദികയുടെ സംസാരത്തിൽ കള്ളത്തരം മണത്ത സിദ്ധാർഥ് ശ്രീനിലയത്തിൽ പോയി അനന്യയെ കൂട്ടികൊണ്ട് വന്ന് പരിശോധിപ്പിക്കുകയാണ് ചെയ്തത്. അനന്യ വന്ന് പരിശോധിച്ചപ്പോൾ വേദികയുടേത് കെട്ടിച്ചമച്ച അസുഖമാണെന്ന് മനസിലാക്കി. സത്യം സിദ്ധാർഥിനോട് അനന്യ പറയുകയും ചെയ്തു. സീരിയലിന്റേതായി പുതിയതായി പുറത്തിറങ്ങിയ പ്രമോയിൽ അനന്യ കള്ളം പൊളിച്ചതിന്റെ ദേഷ്യത്തിലാണ് വേദിക.

സുമിത്രയുടെ പിറന്നാൾ ആഘോഷത്തിൽ നിന്ന് സിദ്ധാർഥിനെ അകറ്റാൻ പല പ്ലാനുകളും നേരത്തെ മുതൽ വേദിക അന്വേഷിക്കുന്നുണ്ടായിരുന്നു. വേദികയുടെ നടുവേദന കള്ളമാണെന്ന് തിരിച്ചറിഞ്ഞതോടെ സിദ്ധാർഥും വേദികയ്ക്ക് കണക്കിന് കൊടുക്കുന്നതും പുതിയ പ്രമോയിൽ കാണാം. അതേസമയം സുഹൃത്തിനെ കാണാനെന്ന് പറഞ്ഞ് വീട്ടിൽ നിന്നും പോയ അനിരുദ്ധ് മടങ്ങി വരാത്തത് അനന്യയെ മറ്റുള്ളവരേയും ആശങ്കയിലാക്കുന്നുണ്ട്. പിറന്നാൾ ആഘോഷങ്ങൾ തുടങ്ങാനായിട്ടും അനിരുദ്ധ് വീട്ടിലേക്ക് മടങ്ങിയെത്താത്തതിനാൽ അനന്യയും അനിരുദ്ധിനെ അന്വേഷിക്കുകയാണ്. പലതവണ ഫോൺ വിളിച്ചിട്ടും പ്രതികരിക്കാൻ അനിരുദ്ധ് തയ്യാറായിട്ടില്ല. മകൻ വന്ന ശേഷം പിറന്നാൾ ആ​ഘോഷിക്കാൻ കാത്തിരിക്കുകയാണ് സുമിത്ര. അവൻ സുഹൃത്തിനെ കാണാൻ പോയതാണെന്നും ഉടൻ വരുമെന്ന് തനിക്കറിയാമെന്നും സുമിത്ര ബന്ധുക്കളോട് പറയുന്നുമുണ്ട്.

Recommended Video

തിയറ്ററിലെത്തി 15 ദിവസങ്ങള്‍ക്ക് ശേഷം 'മരക്കാര്‍' ആമസോണ്‍ പ്രൈമിലേക്ക്

പുതിയ പ്രമോയിൽ കടൽക്കരയിൽ കുറ്റബോധത്തോടെ ആലോചിച്ച് കിടക്കുന്ന അനിരുദ്ധാണ് ഉള്ളത്. അമ്മയായ സുമിത്രയ്ക്കെതിരെ ഇന്ദ്രജയോടൊപ്പം ചേർന്ന് മോശമായ പ്രവൃത്തികൾ പലപ്പോഴായി ചെയ്യേണ്ടി വന്നതിലെ കുറ്റബോധം അനിരുദ്ധിനെ വേട്ടയാടുന്നുണ്ടായിരുന്നു. അനിരുദ്ധ് ആത്മഹത്യ ചെയ്യാൻ പോകുന്നതിന്റെ മുന്നോടിയായിട്ടാണോ ഇങ്ങനെ വീട്ടിൽ നിന്നും ഇറങ്ങിപ്പോയത് എന്നാണ് പുതിയ പ്രമോ കണ്ട ആരാധകർ കമന്റിലൂടെ ചോദിക്കുന്നത്. അനിരുദ്ധിനെ കൊല്ലരുതെന്നും ആരാധകർ ആവശ്യപ്പെടുന്നുണ്ട്. 'അനിരുദ്ധ നല്ല ബോൾഡ് ആയിട്ട് തിരിച്ചു വരണം എന്നിട്ട് ഇന്ദ്രജ ക്ക് നല്ല മറുപടിയും കൊടുക്കണം', 'അനി അങ്ങനെ ഒന്നും മരിക്കില്ല.... ഇത്തരം സാഹചര്യങ്ങളിൽ മനോവിഷമ താങ്ങാനാവാതെ ആത്മഹത്യയാണ് എല്ലാത്തിനും പരിഹാരം എന്ന് ചിന്തിക്കുന്നവരും അങ്ങനെ ചെയ്തവരും ഉണ്ട് അതിന് എതിരെ ഉള്ള നല്ലൊരു സന്ദേശം ആണ് നൽകേണ്ടത്.....', എന്നിങ്ങനെയൊക്കെയാണ് പുതിയ പ്രമോയ്ക്ക് ലഭിക്കുന്ന ആരാധകരുടെ പ്രതികരണങ്ങൾ.