ഫ്രീടൈം ആഘോഷമാക്കി ഇന്ദ്രജയും അനിരുദ്ധും, വീട്ടിൽ പ്രശ്നങ്ങൾ രൂക്ഷമാവുമ്പോൾ സെൽഫി വൈറലാവുന്നു...

സോഷ്യൽ മീഡിയയിൽ സജീവമാണ് ആനന്ദ്. സീരിയൽ വിശേഷവും തന്റെ സന്തോഷവും പങ്കുവെച്ച് നടൻ എത്താറുണ്ട്. ആനന്ദിന്റെ വീഡിയോകൾക്ക് മികച്ച പ്രേക്ഷക സ്വീകാര്യതായണ് ലഭിക്കുന്നത്. സീരിയലിൽ ആനിരുദ്ധ് എത്രയും വേഗം നന്നായാൽ മതിയായിരുന്നു എന്നാണ് പ്രേക്ഷകർ പറയുന്നത്. നടൻ ശ്രീജിത്ത് വിജയ്ക്ക് പകരമാണ് ആനന്ദ് എത്തുന്നത്. വളരെ വേഗം തന്നെ നടനെ പ്രേക്ഷകർ അനിയായി അംഗീകരിക്കുതയായിരുന്നു,

ഇപ്പോഴിത സോഷ്യൽ മീഡിയയിൽ വൈറലാവുന്നത് നടന്റെ ഇൻസ്റ്റഗ്രാം പോസ്റ്റാണ്. സഹതാരമായ അമൃതയ്ക്കൊപ്പമുള്ള ചിത്രമാണ് താരം പങ്കുവെച്ചിരിക്കുന്നത്. അമൃത എന്ന പേരിനെക്കാളും പ്രേക്ഷകരുടെ ഇടയിൽ നടി അറിയപ്പെടുന്നത് ഡോക്ടർ ഇന്ദ്രജ എന്ന പേരിലാണ്. നെഗറ്റിവ് കഥാപാത്രത്തെ തന്നെയാണ് താരവും അവതരിരപ്പിക്കുന്നത്. വേദികയെ പോലെ തന്നെ കുടുംബവിളക്കിൽ പ്രേക്ഷകർ വെറുക്കുന്ന ഒരു കഥാപാത്രമാണിത്. ആനന്ദിന്റെ ഇൻസ്റ്റഗ്രാം പോസ്റ്റ് സോഷ്യൽ മീഡിയയിൽ വൈറലായിട്ടുണ്ട്. ബ്രേക്ക് ടൈമിൽ എടുത്ത ചിത്രമാണിത്. അമൃതയെ ടാഗ് ചെയ്തു കൊണ്ടാണ് ചിത്രം പോസ്റ്റ് ചെയ്തിരിക്കുന്നത്.

ആനന്ദിന്റെ പുതിയ പോസ്റ്റ് കുടുംബവിളക്ക് പ്രേക്ഷകരുടെ ഇടയിൽ ചർച്ചയായിട്ടുണ്ട്. നല്ല കമന്റുകളാണ് ലഭിക്കുന്നത് കഥാപാത്രത്തെ കഥാപാത്രമായിട്ടാണ് പ്രേക്ഷകർ കണ്ടിരിക്കുന്നത്. രണ്ടും പേരുടേയും അഭിനയം പൊളിയാണെന്നാണ് ആരാധകരിൽ അധികം പേരും പറയുന്നത്. രണ്ടു പേർക്കും ആശംസയും നേരുന്നുണ്ട്. അനിരുദ്ധും ഇന്ദ്രജയും തമ്മിലുള്ള ബന്ധം സുമിത്രയും കുടുംബാംഗങ്ങളും അറിഞ്ഞിരിക്കുകയാണ്. ഇതിന്റെ പേരിൽ ശ്രീനിലയത്തിൽ പൊട്ടിത്തെറികൾ നടക്കുമ്പോഴാണ് ഇന്ദ്രജയുമായുള്ള ചിത്രം അനിരുദ്ധ് പങ്കുവെച്ചിരിക്കുന്നത്. ഇന്ദ്രജയുടെ പദ്ധതി പൊളിച്ച് കൊടുക്കമമെന്നാണ് പ്രേക്ഷകർ പറയുന്നത്. കൂടാതെ അനന്യയെ ബോൾഡ് ആക്കണമെന്നും പ്രേക്ഷകർ പറയുന്നുണ്ട്.

സഹതാരങ്ങളുമായി വളരെ അടുത്ത ബന്ധമാണ് ആനന്ദിനുള്ളത്. മുൻപ് ഒരിക്കൽ ആനന്ദിന്റെ യൂട്യൂബ് ചാനലിലൂടെ വിശേഷം പങ്കുവെച്ച് അമൃത എത്തിയിരുന്നു. അ വീഡിയോയിൽ സീരിയലിൽ കണ്ട അമൃതയെ ആയിരുന്നില്ല പ്രേക്ഷകർ കണ്ടത്. ഇത്രയും പാവം ആയിരുന്നോ എന്നായിരുന്നു പ്രേക്ഷകർ ചോദിച്ചത്. ഡോക്ടർ ഇന്ദ്രജയുമായി തനിക്ക് യാതൊരു വിധ ബന്ധവും ഇല്ലെന്നാണ് അമൃത തുറന്ന് പറഞ്ഞിരുന്നു, കാസർഗോഡ് സ്വദേശിയാണ് താരം. 'തിങ്കൾകലമാൻ' എന്ന സീരിയൽ ചെയ്ത് കൊണ്ടിരിക്കുമ്പോഴാണ് കുടുംബവിളക്കിൽ നിന്ന് വിളി വരുന്നത്. അമൃതയ്ക്ക് മുൻപ് ഷഹ്നു ആയിരുന്നു ഇന്ദ്രജ എന്ന കഥാപാത്രത്തെ അവതരിപ്പിച്ചത്.

ഏറെ ടെൻഷനോടെയാണ് കുടുംബവിളക്കിൽ അഭിനയിക്കാൻ എത്തിയതെന്നും അമൃത അന്ന് പറഞ്ഞിരുന്നു. പ്രേക്ഷകരുടെ ഇടയിൽ ശ്രദ്ധിക്കപ്പെട്ട ഒരു കഥാപാത്രമാണ് ഡോക്ടർ ഇന്ദ്രജ. താൻ വന്ന് ചെയ്താൽ കുളമാവുമോ എന്ന് പേടിയുണ്ടായിരുന്നു. ആദ്യ ദിവസം നല്ല ടെൻഷൻ ഉണ്ടായിരുന്നതായി അമൃത പറയുന്നു. ടെൻഷൻ കാരണം ആദ്യ ദിവസം ചെറുതായി കരഞ്ഞുവെന്നും അമൃത കൂട്ടിച്ചേർത്തു. ആനന്ദുമായി വളരെ അടുത്ത സൗഹൃദമാണ് അമൃതയ്ക്കുള്ളത്.

Recommended Video

Kurup Box Office Day 1 Collections: The Dulquer Salmaan Starrer Sets Multiple Records

അന്ന് പ്രണയത്തെ കുറിച്ചും അമൃത പറഞ്ഞിരുന്നു. ഇപ്പോൾ പ്രണയമില്ലെന്നും എന്നാൽ ഉണ്ടായിരുന്നു എന്നുമായിരുന്നു അമൃത പറഞ്ഞത്. ആദ്യ പ്രണയം ആറാം ക്ലാസിൽ പഠിക്കുമ്പോഴായിരുന്നു വെന്നും ഇപ്പോൾ അയാൾ തന്റെ ബെസ്റ്റ് ഫ്രണ്ട് ആണെന്നും അമൃത പറഞ്ഞു. സീരിയസായ പ്രണയത്തെ കുറിച്ചും നടി പറഞ്ഞിരുന്നു. ഡിഗ്രിക്ക് പഠിക്കുമ്പോഴായിരുന്നു . നാല് വർഷം നീണ്ടു നിന്ന ബന്ധമായിരുന്നു അത്. വീട്ടിലൊക്കെ ഇതിനെ കുറിച്ച് താൻ പറഞ്ഞിരുന്നു. എന്നാൽ അത് പിന്നെ വേർപിരിയുകയായിരുന്നു. ആൾ ഭയങ്കര പൊസസീവ് ആയിരുന്നു. നമ്മുടെ കരിയറിലേയ്ക്ക് അടുത്ത ചുവട് വയ്ക്കാൻ പറ്റാതെ വന്നപ്പോൾ രണ്ട് പേരും പരസ്പരം പറഞ്ഞ് പിരിയുകയായിരുന്നു. നോർത്തിന്ത്യൻ ആയിരുന്നുവെന്നും പ്രണയകഥ പങ്കുവെച്ച് കൊണ്ട് പറഞ്ഞു

തിങ്കൾ കലമാനിലൂടെയാണ് നടി മിനിസ്ക്രീനിൽ എത്തിയത്. ഇത് ശ്രദ്ധിക്കപ്പെടുകയും ചെയ്തിരുന്നു. സോഷ്യൽ മീഡിയയൽ സജീവമാണ് അമൃത. തന്റെ ചിത്രങ്ങൾ നടി സമൂഹമാധ്യമങ്ങളിൽ പങ്കുവെയ്ക്കാറുണ്ട്. മികച്ച പ്രേക്ഷക സ്വീകാര്യതയാണ് താരത്തിന്റെ ലഭിക്കുന്നത്. അധികവും സ്റ്റൈലീഷ് ചിത്രങ്ങളാണ് താരം പങ്കുവെയ്ക്കുന്നത്. അമൃതയുടെ ചിത്രങ്ങൾ പ്രേക്ഷകരുടെ ഇടയിൽ ചർച്ചയാവാറുണ്ട്.

കുടുംബവിളക്കിൽ നിന്ന് ഒരു അമൃത പോയ സമയത്താണ് അമൃത ഗണേശ് എത്തുന്നത്. ഇത് പ്രേക്ഷകരുടെ ഇടയിൽ ചർച്ചയായിരുന്നു. ഒരു അമൃത പോയപ്പോൾ മറ്റൊരു അമൃത എത്തിയോ എന്നാണ് ആരാധകർ അന്ന് ചോദിച്ചത് . സിദ്ധുവിന്റേയും സുമിത്രയുടേയും മകളായ ശീതൾ എന്ന കഥാപാത്രത്തെ അമൃത നായർ ആയിരുന്നു അവതരിപ്പിച്ചിരുന്നത്. പ്രേക്ഷകരുടെ പ്രിയങ്കരിയായിരുന്നു താരം. ഈ അടുത്ത ഇടയ്ക്കാണ് നടി സീരിയലിൽ നിന്ന് മാറിയത്. പാർവതി വിജയ് ആയിരുന്നു ആദ്യം ഈ കഥാപാത്രത്തെ അവതരിപ്പിച്ചത് നടി മാറിയതോടെയാണ് അമൃത ഈ കഥാപാത്രത്തിലെത്തിയത്. അമൃതയ്ക്ക് പകരം ശ്രീലക്ഷ്മി ഈ കഥാപത്രത്തിൽ എത്തിയിട്ടുണ്ട്.