സുമിത്രയെ തകർക്കാനുള്ള പുതിയ തന്ത്രവുമായി വേദിക, ഇക്കുറി കാലിടറുമോ, കുടുംബവിളക്ക് എപ്പിസോഡ്

സുമിത്രയുടേയും വേദികയുടേയും കഥയാണ് കുടുംബവിളക്ക്. ഇരുവരേയും ചുറ്റിപ്പറ്റിയാണ് സീരിയൽ മുന്നോട്ട് പോകുന്നത്. സുമിത്രയെ തോൽപ്പിക്കുക എന്നതാണ് വേദികയുടെ ആഗ്രഹം. ഇതിനായി ഏതറ്റം വരെ പോകനും വേദികയ്ക്ക് മടിയില്ല. സുമിത്രയെ പരാജയപ്പെടുത്തുക എന്ന ഉദ്ദ്യേശത്തോടെയാണ് സിദ്ധാർത്ഥിനെ വേദിക വിവാഹം കഴിക്കുന്നത്. എന്നാൽ വിവാഹശേഷം വേദികയുടെ പദ്ധതികൾ മാറുകയായിരുന്നു. വിവാഹ ശേഷമാണ് വേദികയുടെ യഥാർത്ഥ സ്വഭാവം സിദ്ധാർത്ഥിന് മനസ്സിലാവുന്നത്. ഇതോടെ ചെയ്തത് തെറ്റാണെന്ന് ബോധ്യപ്പെടുകയായിരുന്നു.

സിദ്ധാർത്ഥുമായുള്ള വിവാഹമോചനത്തിന് ശേഷമാണ് സുമിത്ര സ്വന്തം കാലിൽ നിൽക്കാൻ തുടങ്ങിയത്. സ്വന്തമായി ബിസിനസ് തുടങ്ങുകയായിരുന്നു. ആദ്യത്തെ സംരംഭം വിജയിക്കുകയും ചെയ്തിരുന്നു. എന്നാൽ ഇത് വേദികയ്ക്ക് സഹിക്കാൻ കഴിഞ്ഞിരുന്നില്ല. സുമിത്രയെ തകർക്കാനുള്ള സകല വഴികളും വേദിക നോക്കിയിരുന്നു. കുടുംബം ശിഥിലമാക്കിയത് പോലെ എളുപ്പമായിരുന്നില്ല സുമിത്രയുടെ ബസിനസ് തകർക്കുക എന്നുള്ളത്. ഇതിനായി പഠിച്ച പണി പതിനെട്ടും വേദിക നേക്കിയിട്ടും നടന്നില്ല. സുമിത്ര ബിസിനസിൽ വിജയം നേടുകയായിരുന്നു.

ഇപ്പോഴിത സുമിത്രയെ തകർക്കാനുള്ള പുതിയ വഴി നോക്കുകയാണ് വേദിക. രാമകൃഷ്ണനെ കരുവാക്കിയാണ് വേദിക പുതിയ തന്ത്രം മെനയുന്നത്. സുമിത്രയോട് പ്രതികാരത്തിന് ഇല്ലെന്ന് രാമകൃഷ്ണൻ നേരത്തെ പറഞ്ഞിരുന്നു. ഇത് വേദികയ്ക്ക് കിട്ടിയ വലിയ തിരിച്ചടി ആയിരുന്നു. വേദികയെ കൂടാതെ സുമിത്രയുടെ ഏറ്റവും വലിയ ശത്രുവാണ് രാമകൃഷ്ണനും. രണ്ടാമത്തെ മരുമകൾ സഞ്ജനയുടെ പിതാവാണ് രാമകൃഷ്ണൻ.പ്രതീഷ് സഞ്ജനയെ വിവാഹം കഴിച്ചതോടെയാണ് രാമകൃഷ്ണനവ്‍ സുമിത്രയുടെ ശത്രുപാളയത്തിലായത്. നിരവധി തവണ ഇയാൾ സുമിത്രയെ വെല്ലുവിളിച്ച് രംഗത്ത് എത്തുകയും ചെയ്തിരുന്നു. എന്നാൽ രാമകൃഷ്ണന്റെ പുതിയ തീരുമാനം സുമിത്ര അറിഞ്ഞിട്ടില്ല..

Recommended Video

സഞ്ജനയ്ക്കും അനന്യയ്ക്കും പ്രതീഷിനും പറയാനുള്ളതെന്ത്

വേദികയുടെ സുമിത്രയെ തകർക്കാനുള്ള ഒരു പ്ലാനും നടക്കില്ല അവസാനം വിജയം സുമിത്രക്കൊപ്പം തന്നെയായിരിക്കുമെന്നാണ് ആരാധകർ പറയുന്നത്. വേദിക ആന്റി നവീന്റെ സഹായ പ്രകാരം സുമിത്രയേ കുടുക്കാനുള്ള പുതിയ പ്ലാനുമായി കളത്തിൽ ഇറങ്ങിക്കഴിഞ്ഞു.."വേദികയുടെ തൊലിക്കട്ടി അപാരം തന്നെ,തോൽക്കുമെന്ന് ഉറപ്പുള്ള കളിക്കാണ് വേദിക വീണ്ടും ഇറങ്ങുന്നത്... "ലേ വേദിക ആന്റി: പരാജയം എന്റെയൊരു വീക്നെസ് ആയിപ്പോയി സുമിത്രേ,ഇത്തവണ സുമിത്ര മാത്രമല്ല ഒറിജിനൽ രാമകൃഷ്ണനും വേദികയെ ഭിത്തിയിൽ ഓടിക്കാൻ സാധ്യതയുണ്ട്.... രാമകൃഷ്ണനും കൂടി സുമിത്രയുടെ കൂടിയാൽ ആ സൈഡ് ഒന്നൂടെ സ്‌ട്രോങ് ആവും,വെറുതെ ഇരിക്കുന്ന രാമകൃഷ്ണനെയും ആപ്പിലാക്കാൻ പ്ലാൻ ഇടുന്നു വേദിക ഇവർക്ക് വേറേ പണിയൊന്നുമില്ലേ നവിനിനും ആൾമാറാട്ടത്തിന് ശിക്ഷ വാങ്ങി കൊടുക്കും ഇവൾ ആകെ ജഗപൊക എന്നിങ്ങനെയുള്ള കമന്റുകളാണ് ലഭിക്കുന്നത്.