ഭാര്യയുടെ കള്ളത്തരം മനസിലാക്കി സിദ്ധാര്‍ഥ്; കുടുംബവിളക്ക് പ്രേക്ഷകര്‍ കാത്തിരുന്നത് പോലെ മറ്റൊരു ട്വിസറ്റ്

മുന്‍പ് സുമിത്രയെ കുടുക്കാന്‍ വഴി അന്വേഷിക്കുമ്പോഴാണ് വനിത സംരംഭകയുടെ കള്ളത്തരം പിടിച്ചെന്ന തരത്തിലൊരു വാര്‍ത്ത വേദിക കാണുന്നത്. ആ വഴിയിലൂടെ തന്നെ കള്ളക്കേസ് ഉണ്ടാക്കിയതാണ് ഇപ്പോഴത്തെ പ്രശ്‌നം. എന്നാല്‍ വേദിക ആ വാര്‍ത്ത എടുത്ത് വെച്ചത് കണ്ട സിദ്ധുവിന്റെ മനസിലേക്ക് ചില സംശയങ്ങള്‍ കടന്ന് വന്നു. ഇടയ്ക്ക് പാസ്‌പോര്‍ട്ട് ആവശ്യത്തിന് എന്ന് പറഞ്ഞ് ഡിസിപിയുടെ ഓഫീസിലേക്ക് വേദിക പോയതുമെല്ലാം കൂട്ടി വായിച്ചപ്പോള്‍ സിദ്ധാര്‍ഥിന് കാര്യങ്ങളില്‍ ചില വ്യക്തത വന്നു.

രാമകൃഷ്ണനൊപ്പം സുമിത്രയെ കുടുക്കിയതില്‍ വേദികയ്ക്ക് പങ്കുണ്ടോന്ന് അദ്ദേഹം സംശയിക്കുന്നുണ്ട്. ഇക്കാര്യം നേരിട്ട് ചോദിച്ചെങ്കിലും വേദിക സമ്മതിച്ചില്ല. എന്നാല്‍ അങ്ങനൊരു തെറ്റ് ചെയ്തിട്ടുണ്ടെങ്കില്‍ തനിക്കത് ഒരിക്കലും ക്ഷമിക്കാന്‍ പറ്റിയെന്ന് വരില്ലെന്ന മുന്നറിയിപ്പ് കൂടി സിദ്ധു നല്‍കി കഴിഞ്ഞു. ഇതോടെ വേദിക പ്രതിസന്ധിയിലായി. നടന്ന കാര്യങ്ങളിലെ സത്യാവസ്ഥ സിദ്ധു മനസിലാക്കി കഴിഞ്ഞാല്‍ തന്റെ കാര്യത്തിലൊരു തീരുമാനം ആവുമെന്നത് വേദിക മനസ്സിലാക്കി. ഇതിന്റെ ഭയവും അവര്‍ക്കുണ്ട്.

അതേ സമയം സിദ്ധാര്‍ഥും വേദികയെ സംശയിച്ച് തുടങ്ങിയതിന്റെ സന്തോഷത്തിലാണ് ആരാധകര്‍. സത്യം സിദ്ധു അറിയുന്ന ആ നിമിഷത്തിന് വേണ്ടിയാണ് ഇനി കാത്തിരുന്നത്. സുമിത്രയെ വഞ്ചിച്ച വേദിക ഇനി കുറച്ച് അനുഭവിക്കട്ടെ. താന്‍ കുഴിച്ച കുഴിയില്‍ താന്‍ തന്നെ വീഴും എന്ന് പറഞ്ഞ പോലെ വേദിക, സുമിത്രയ്ക്ക് വേണ്ടി ഒരുക്കിയ കെണിയില്‍ വേദിക തന്നെ വീഴുന്നത് കാണാന്‍ കാത്തിരിക്കുകയാണ്. ചെയ്യാത്ത കുറ്റത്തിന് സുമിത്ര ജയിലില്‍ കിടന്നപ്പോള്‍ തന്നെ സുമിത്ര വേദികയുടെ മുമ്പില്‍ തോറ്റു. ഇവിടെ കഥയില്‍ ട്വിസ്റ്റ് കൊണ്ട് വരണമെന്നാണ് പ്രൊമോ വീഡിയോയുടെ താഴെയുള്ള കമന്റുകളില്‍ ആരാധകര്‍ ആവശ്യപ്പെടുന്നത്.

Recommended Video

Monson deceived actor Mohanlal with fake antiques

എത്രയും പെട്ടന്ന് സുമിത്രയുടെ നിരപരാധിത്വം തെളിയണം. അല്‍പ്പം വൈകി ആണെങ്കില്‍ പോലും സിദ്ധുവിന് നല്ല ബുദ്ധി ഉദിച്ചത് നല്ല ലക്ഷണമാണ്. തന്റെ കുടുംബത്തിന് മാനഹാനി വരുത്തുകയും അച്ഛനെ ആശുപത്രിയില്‍ വരെ എത്തിച്ചതിന് പിന്നില്‍ വേദികയാണെന്ന് അറിഞ്ഞാല്‍ സിദ്ധുവിന് അത് പൊറുക്കാന്‍ പറ്റിയെന്ന് വരില്ല. രണ്ട് ദിവസം മുന്‍പ് പുറത്ത് വന്ന പ്രൊമോയില്‍ വേദിക വീട് വിട്ട് ഇറങ്ങി പോവുന്നത് കാണിച്ചിരുന്നു. അത് സിദ്ധു ഇറക്കി വിട്ടതായിരിക്കുമെന്നാണ് ചിലര്‍ പറയുന്നത്. എന്തായാലും സുമിത്രയുടെ തിരിച്ച് വരവിനാണ് ഏവരും കാത്തിരിക്കുന്നത്.