സുമിത്രയ്ക്ക് കെട്ടിപ്പിടിച്ച് ഉമ്മ നൽകി കുടുംബവിളക്കിലെ വേദിക, നമ്മൾ ആരായെന്ന് ആരാധകർ

കുടുംബവിളക്ക് സീരിയലിന്റെ 300ാം എപ്പിസോഡിന്റെ ആഘോഷത്തിലെ വീഡിയോയാണ് ഇപ്പോൾ സമൂഹമാധ്യമങ്ങളിൽ വൈറലാകുന്നത്. പോയ ഏപ്രിൽ 23 ന് ആയിരുന്നു സീരിയലിന്റെ 300ാം എപ്പിസോഡ്. ലൊക്കേഷനിൽ ചെറിയ രീതിയിലുള്ള ആഘോഷങ്ങൾ സംഘടിപ്പിച്ചിരുന്നു. ഈ വീഡിയോയാണ് ഇപ്പോൾ വൈറലാകുന്നത്. സുമിത്രയ്ക്ക് കെട്ടിപ്പിടിച്ച് ഉമ്മ കൊടുക്കുന്ന വേദികയെയാണ് വീഡിയോയിൽ കാണുന്നത്. രസകരമായ കമന്റുകളാണ് ലഭിക്കുന്നത്.

തങ്ങൾ തമ്മിൽ വഴക്കും പ്രശ്നങ്ങളൊന്നുമില്ലെന്നും അടുത്ത സുഹൃത്തുക്കളാണെന്നും സുമിത്ര വീഡിയോയിൽ പറയുന്നുണ്ട്. എല്ലാവരും ചോദിക്കുന്നുണ്ട് എന്തിനാണ് സുമിത്രയെ വേദിനിപ്പിക്കുന്നത്. പാവം ആണ് എന്നും ശരണ്യ വീഡിയോയിൽ പറയുന്നു. ഇതിന് മറുപടിയായിട്ടാണ് മീര, തങ്ങൾ തമ്മിൽ പ്രശ്നങ്ങളൊന്നുമില്ലെന്ന് പറയുന്നത്. കെട്ടിപിടിച്ച ഉമ്മ നൽകാനും മീര പറയുന്നുണ്ട്. താരങ്ങളുടെ വീഡിയോ സോഷ്യൽ മീഡിയയിൽ വൈറലായിട്ടുണ്ട്. മികച്ച കമന്റുകളാണ് താരങ്ങളുടെ വീഡിയോയ്ക്ക് ലഭിക്കുന്നത്.

ഹാ... അപ്പോൾ സുമിത്രയും വേദികയും ഒന്നായോ.... കാണുന്ന നമ്മൾ ആരായി, സിദ്ധാർഥ് സമിത്രയ്ക്ക് കേക്ക് കൊടുക്കുന്നത് കണ്ടപ്പോൾ ഏറെ സന്തോഷം തോന്നി, വേദിക സുമിത്ര ഓഫ് സ്ക്രീൻ കോമ്പോ, സുമിത്രക്കു വേണ്ടി പ്രാർത്ഥിക്കുന്ന ജനങ്ങൾ ഇപ്പൊ ആരായി? നമ്മൾ ഇല്ലേ, എന്നും വേദികയെ ചീത്ത വിളിക്കുന്ന ഞാൻ,നല്ല ഒത്തൊരുമ ഈ ഒത്തൊരുമ സീരിയലിലും കൊണ്ടുവരണം എന്നാണ് എന്റെ ഒരു ഇത്...എന്നിങ്ങനെയുള്ള രസകരമായ കമന്റുകളാണ് വീഡിയോയ്ക്ക് ലഭിക്കുന്നത്.

ലോക്ക്ഡൗണിന് ശേഷം വീണ്ടും സീരിയിൽ ആരംഭിച്ചിട്ടുണ്ട്. തിങ്കൾ മുതൽ ശനിവരെ രാത്രി 8 മണിക്കാണ് പരമ്പര സംപ്രേക്ഷണം ചെയ്യുന്നത്. റേറ്റിങ്ങിൽ ആദ്യ സ്ഥാനത്ത് നിൽക്കുന്ന പരമ്പര ബംഗാളി സീരിയലായ ശ്രീമോയീയുടെറീമേക്കാണ്. ഹിന്ദി, തമിഴ് , തെലുങ്ക്, തമിഴ് ഭാഷകളിലും ഈ സീരിയൽ സംപ്രേക്ഷണം ചെയ്യുന്നുണ്ട്. പ്രേക്ഷകരുടെ പ്രിയപ്പെട്ട താരങ്ങളോടൊപ്പം യുവതാരങ്ങളും കുടുംബവിളക്കിൽപ്രധാന വേഷത്തിലെത്തുന്നുണ്ട്. നൂപിൻ, കെകെ മേനോൻ, ആതിര മാധവ്, അമൃത തുടങ്ങിയവരാണ് സീരിയലിൽ പ്രധാന വേഷത്തിലെത്തുന്നത്.