രണ്ടാമതും കല്യാണം കഴിച്ചത് ശൂന്യത ഒഴിവാക്കാൻ; വേദിക ഗര്‍ഭിണിയായപ്പോൾ സിദ്ധുവിനെ ന്യായീകരിക്കേണ്ടെന്ന് ആരാധകർ

ഭാര്യയും ഭര്‍ത്താവുമായി ഒന്നിച്ച് ജീവിച്ച് തുടങ്ങിയതോട് കൂടിയാണ് സിദ്ധാര്‍ഥിന് വേദികയുടെ തനി സ്വഭാവം മനസിലായത്. സ്വസ്ഥമായൊരു ജീവിതം തനിക്ക് വേണമെങ്കില്‍ വേദിക കൂടെ ഉണ്ടാവാതെ ഇരിക്കുന്നതാണ് നല്ലതെന്ന് അദ്ദേഹം മനസിലാക്കി കഴിഞ്ഞു. ഇപ്പോള്‍ ഗര്‍ഭിണിയാണെന്ന് വരെ അറിഞ്ഞിട്ടും നിലപാടില്‍ മാറ്റം വരുത്താതെ തുടരുകയാണ് സിദ്ധു. അതേ സമയം വേദികയുടെ കള്ളത്തരങ്ങള്‍ ഏകദേശം പൊളിയാന്‍ പോവുകയാണെന്നാണ് പുതിയ പ്രൊമോ വീഡിയോയില്‍ നിന്നും വ്യക്തമാവുന്നത്.

സിദ്ധുവിന്റെ കുടുംബത്തെ വിളിച്ച് താന്‍ ഗര്‍ഭിണിയാണെന്ന വിവരം വേദിക പറഞ്ഞെങ്കിലും സ്വന്തം വീട്ടിലോ അമ്മയോടോ പറഞ്ഞിരുന്നില്ല. ഇതിനിടയില്‍ വേദികയെ കാണാന്‍ വേണ്ടി സരസ്വതിയമ്മയും ശരണ്യയും വീട്ടിലേക്ക് വരികയാണ്. തനിക്ക് തലക്കറക്കവും ഛര്‍ദ്ദിയും ആണെന്ന് വേദിക എല്ലാവരോടും പറഞ്ഞെങ്കിലും കൂടെ താമസിക്കുന്ന സ്വന്തം അമ്മ പോലും ഇക്കാര്യം അറിഞ്ഞില്ല. ഒടുവില്‍ സരസ്വതിയമ്മ പറഞ്ഞാണ് എല്ലാ കാര്യങ്ങളും വേദികയുടെ വീട്ടുകാര്‍ അറിയുന്നത്. തന്റെ കള്ളത്തരം എല്ലാവരും തിരിച്ചറിയുമോ എന്ന ആശങ്കയില്‍ വേദിക നില്‍ക്കുന്നതോടെ ഇന്നത്തെ എപ്പിസോഡ് തീരും.

കഥയില്‍ ഒരു ട്വിസ്റ്റ് വരുത്തി വേദികയുടെ ഇല്ലാത്ത ഗര്‍ഭകഥ പുറംലോകം അറിയുമെന്ന് തന്നെയാണ് പ്രേക്ഷകര്‍ പറയുന്നതും. ആദ്യ ഭര്‍ത്താവായ സമ്പത്തായിരിക്കും ഈ കള്ളത്തരം പുറത്ത് കൊണ്ട് വരുന്നതെന്നും മുന്‍പ് വന്ന പ്രൊമോ വീഡിയോയില്‍ നിന്നും വ്യക്തമാവുന്നു. അതേ സമയം വീണ്ടുമൊരു കുഞ്ഞിക്കാല്‍ കാണാനല്ല വിവാഹം കഴിച്ചത്. തുടങ്ങി വേദികയോട് കലക്കന്‍ മറുപടി പറഞ്ഞ് സിദ്ധുവേട്ടന്‍ കലക്കിയെന്നാണ് വീഡിയോയ്ക്ക് താഴെ വരുന്ന കമന്റുകളില്‍ ആരാധകര്‍ പറയുന്നത്. വേദികയുടെ ഈ നാടകം പൊളിയുന്നത് കാണാന്‍ കാത്തിരിക്കുകയാണ്.

Recommended Video

രാജാവിന്റെ മകന്‍ മോഹന്‍ലാലിനെ സൂപ്പര്‍സ്റ്റാര്‍ ആക്കിയ പോലെ കുറുപ്പ് ദുല്‍ഖറിനും ഗുണകരമാകും

എന്നാല്‍ സിദ്ധു ഇപ്പോള്‍ വല്യ പുണ്യാളന്‍ ആവാന്‍ ശ്രമിക്കുകയാണോന്ന് ചോദിക്കുകയാണ് ആരാധകര്‍. വാര്‍ധക്യത്തിലെ ശൂന്യത മാറ്റാന്‍ കല്യാണം കഴിച്ചിരിക്കുന്നു. ഒരു ഭാര്യയും 3 മക്കളും ഉള്ള അയാള്‍ക്ക് വേദിക ഉണ്ടായാലേ ശൂന്യത മാറു എന്നാണോ? ഡയറക്ടര്‍ സാര്‍ സിദ്ധുവിനെ അധികം വെളുപ്പിക്കേണ്ട. ഇനി കഥയുടെ അവസാനം വേദികയും സമ്പത്തും അവരുടെ മകനും, സിദ്ധാര്‍ഥും സുമിത്രയും മക്കളും ഒന്നിക്കണം എന്നുള്ള ആഗ്രഹവും ചിലര്‍ പങ്കുവെക്കുന്നുണ്ട്. കഥയിങ്ങനെ നീണ്ട് പോയിക്കൊണ്ടിരിക്കാതെ പെട്ടെന്ന് കാര്യങ്ങളില്‍ ഒരു തീരുമാനം ഉണ്ടാവണം. എന്നാലേ കാണുന്നവര്‍ക്കും അതൊരു ആവേശമാക്കാന്‍ സാധിക്കുകയുള്ളു എന്നിങ്ങനെ നൂറ് കണക്കിന് കമന്റുകളാണ് പ്രൊമോയ്ക്ക് താഴെ വരുന്നത്.