പുത്തന്‍ കാറില്‍ പറന്ന് വന്ന് സുമിത്ര, കുശുമ്പും അസൂയയും സഹിക്കാനാവാതെ വേദികയും സരസ്വതിയമ്മയും

സുമിത്രയ്ക്ക് കാര്‍ വാങ്ങി കൊടുക്കണമെന്നത് സിദ്ധാര്‍ഥിന്റെ അച്ഛന്റെ നിര്‍ബന്ധമായിരുന്നു. ഡ്രൈവിങ് പഠിച്ചെടുത്തതിന് പിന്നാലെ സുമിത്ര പുത്തന്‍ സ്‌കൂട്ടര്‍ വാങ്ങിയിരുന്നു. ബിസിനസ് ആവശ്യങ്ങള്‍ക്കെല്ലാം സ്‌കൂട്ടറില്‍ പോവുന്നത് കണ്ടതോടെയാണ് കാര്‍ വാങ്ങിയാലോ എന്ന ആലോചന തുടങ്ങുന്നത്. നേരത്തെ പറഞ്ഞ് ഉറപ്പിച്ചിരുന്നത് പോലെ പുതിയ കാറില്‍ സുമിത്രയും അച്ഛനും കൂടി വീട്ടിലെത്തി. ഇതേ സമയം വേദികയും സരസ്വതിയമ്മയും അവരുടെ വീട്ടില്‍ നിന്ന് ഇതെല്ലാം കാണുന്നുണ്ട്.

സ്ഥിരമായി സുമിത്രയ്ക്ക് മാത്രം വിജയങ്ങളും വേദികയ്ക്ക് പരാജയവും ഏറ്റുവാങ്ങേണ്ട സ്ഥിതിയാണ്. സുമിത്രയ്ക്ക് മുന്‍പേ താന്‍ കാര്‍ വാങ്ങുമെന്ന് വേദിക പറഞ്ഞിരുന്നെങ്കിലും സിദ്ധാര്‍ഥിന്റെ ബാധ്യതകള്‍ കാരണം അതിന് സാധിക്കാതെ വരികയായിരുന്നു. സാമ്പത്തിക പ്രതിസന്ധികള്‍ക്കിടയില്‍ കാറിന്റെ ലോണ്‍ അടക്കാന്‍ പറ്റാതെ വന്ന സിദ്ധാര്‍ഥ് ഇപ്പോള്‍ കുടുങ്ങിയിരിക്കുകയാണ്. ഒരു ലക്ഷത്തിന് മുകളില്‍ അടച്ചില്ലെങ്കില്‍ ഉള്ള കാര്‍ പോലും നഷ്ടപ്പെടുമെന്ന സ്ഥിതിയില്‍ എത്തിയിരിക്കുകയാണ്. വേദികയുടെ സ്വര്‍ണം പണയം വെച്ച് ലോണ്‍ അടക്കാനുള്ള ശ്രമങ്ങളാണ് ഇനി നടക്കുന്നത്.

അതേ സമയം പുത്തന്‍ കാറില്‍ സുമിത്ര വന്നിറങ്ങുമ്പോഴുള്ള ബിജിഎം പൊളിച്ചു. ഈ സീരിയലിന്റെ ഹൈലൈറ്റ് എന്താണെന്നു വെച്ചാല്‍ സുമിത്രയുടെ ഓരോ നേട്ടത്തിനും ഇവര്‍ കൊടുക്കുന്ന കറക്ട് ബാക്ഗ്രൗണ്ട് മ്യൂസിക് ആണെന്നുള്ളതാണെന്ന് പറയുകയാണ് ആരാധകര്‍. സുമിത്ര ഓരോ ദിവസം കഴിയുന്തോറും നന്നായി വരുന്നുണ്ട്. ഇന്നത്തെ ലുക്ക് ഒരു രക്ഷയുമില്ല. വീട്ടമ്മയായിരുന്ന സുമിത്ര ഇപ്പോള്‍ ഉയര്‍ച്ചയിലും ഉയരത്തില്‍ നിന്നിരുന്ന വേദിക ഇപ്പോള്‍ വീട്ടമ്മയും ആയി മാറി. സിദ്ധാര്‍ഥിനെ വിവാഹം കഴിച്ചതോടെ വേദികയുടെ പരാജയത്തിന്റെ തുടക്കമാവുകയായിരുന്നു.

വേദികയെ കണ്ടപ്പോള്‍ സുമിത്രയോടുള്ള ഇഷ്ടം കുറഞ്ഞെങ്കിലും സുമിത്രയായിരുന്നു ശരി എന്ന് സിദ്ധാര്‍ഥിന് മുന്നില്‍ കാലം തെളിയിക്കുകയാണ്. സുമിത്രയുടെ ഈ നേട്ടങ്ങളില്‍ സിദ്ധു ഉള്ളു കൊണ്ടു സന്തോഷിക്കുന്നുണ്ട്. ഇനി സരസ്വതിയമ്മയ്ക്കും വേദികക്കും ഇതുപോലെ അപ്പുറത്തെ വീട്ടിലെ കാര്യങ്ങളും, സുമിത്ര ഉയരുന്നതും നോക്കി വെള്ളമിറക്കി ഇരിക്കാം. സുമിത്ര വളരുന്നതില്‍ വേദികയെക്കാളും അസൂയ അമ്മയ്ക്കാണെന്ന് തോന്നും. അത്രയും വെറുപ്പ് കാണിക്കേണ്ട ആവശ്യമുണ്ടോ.

Recommended Video

ബഷീർ ബഷിയുടെ ഭാര്യമാർ തമ്മിൽ വഴക്കിടാറുണ്ടോ. രണ്ടാം ഭാര്യയുടെ മറുപടി

മക്കള്‍ക്കും, അതോടൊപ്പം മരുമക്കള്‍ക്കും ആത്മവിശ്വാസം പകര്‍ന്നു നല്‍കുന്ന സുമിത്ര ഒരു രക്ഷയുമില്ല. ഇതുപോലൊരു അമ്മയെ കിട്ടിയത് അവരുടെ ഭാഗ്യമാണ്. ഇതെല്ലാം കൂട്ടി ചേര്‍ത്ത് കേരളത്തില്‍ ഏറ്റവും മുമ്പില്‍ നില്‍ക്കുന്ന സീരിയലായി കുടുംബ വിളക്ക് മാറിയെന്നാണ് ആരാധകര്‍ക്ക് പറയാനുള്ളത്. ഓരോ ദിവസം കഴിയുന്നതിന് അനുസരിച്ചും കഥ നല്ല രീതിയില്‍ ആണ് പോവുന്നതെന്നും പ്രേക്ഷകര്‍ പറയുന്നു.