Don't Miss!
- News ആന്ധപ്രദേശ് മുഖ്യമന്ത്രിയുടെ സമ്പത്തില് വന് വര്ധന; ജഗന് മോഹന് റെഡ്ഡിയുടെ ആസ്തി എത്രയെന്നറിയുമോ?
- Sports IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള്
- Lifestyle വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള്
- Automobiles കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ
- Technology ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ്
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
'അമല മോൾക്കിനി മുത്തച്ഛനില്ല... ഓർമകളിൽ എന്നും അങ്ങ് ഉണ്ടാകും'; ജി.കെ പിള്ളയെ കുറിച്ച് നടി അശ്വതി
മലയാള സിനിമയിലും സിരീയലിലും വില്ലൻ വേഷങ്ങളിലൂടെയും കാരണവർ വേഷങ്ങളിലൂടെയും തിളങ്ങിയ പ്രതിഭയായിരുന്നു നടൻ ജി.കെ പിള്ള. 325ൽ അധികം സിനിമകളിൽ അഭിനയിച്ചിട്ടുള്ള കലാകാരന്റെ വേർപാടിലാണ് കലാകേരളം. തിരുവനന്തപുരം ജില്ലയിലെ വർക്കലയിൽ ഇടവയ്ക്കടുത്ത് മാന്തറവീട്ടിൽ പെരുംപാട്ടത്തിൽ ഗോവിന്ദ പിള്ളയുടെയും സരസ്വതിയമ്മയുടെയും മകനായി 1924ലാണ് ജി.കേശവപിള്ള എന്ന ജി.കെ പിള്ള ജനിച്ചത്. പതിഞ്ചാമത്തെ വയസിൽ പട്ടാളത്തിൽ ചേർന്നു. പന്ത്രണ്ട് വർഷം അവിടെ ജോലി ചെയ്തു. അതിനിടെ പ്രേംനസീറുമായി പരിചയപ്പെട്ടതോടെയാണ് ജി.കെ പിള്ളയെ സിനിമയിലെത്തിയത്.
1954ൽ പുറത്തിറങ്ങിയ സ്നേഹസീമയാണ് ജി.കെ പിള്ളയുടെ ആദ്യ ചിത്രം. പിന്നീട് വില്ലൻ വേഷങ്ങളിലൂടെ അദ്ദേഹം സിനിമയിൽ തൻറേതായ ഇടം കണ്ടെത്തി. ഹരിശ്ചന്ദ്ര, മന്ത്രവാദി, സ്നാപക യോഹന്നാൻ, പട്ടാഭിഷേകം, നായരു പിടിച്ച പുലിവാൽ, കൂടപ്പിറപ്പ്, കണ്ണൂർ ഡീലക്സ്, സ്ഥാനാർഥി സാറാമ്മ, ലോട്ടറി ടിക്കറ്റ്, കോട്ടയം കൊലക്കേസ്, കൊച്ചിൻ എക്സ്പ്രസ്, അശ്വമേധം, ആരോമലുണ്ണി, ചൂള, ആനക്കളരി തുടങ്ങി കാര്യസ്ഥൻ വരെ ഒട്ടേറെ സിനിമകളിൽ ശ്രദ്ധേയ വേഷങ്ങൾ ചെയ്തു. കൂടാതെ മലയാള സീരിയലുകളിലും വേഷമിട്ടു.
'ഷിബുവിനെപോലെ എനിക്കും ഉണ്ടായിട്ടുണ്ട്'; പ്രണയ നഷ്ടങ്ങളെ കുറിച്ച് മിന്നലിലെ വില്ലൻ!
2005 മുതലാണ് ടെലിവിഷൻ പരമ്പരകളിൽ ജി.കെ പിള്ള അഭിനയിച്ച് തുടങ്ങിയത്. കടമറ്റത്ത് കത്തനാർ, കുങ്കുമപ്പൂവ് തുടങ്ങിയ സീരിയലുകളിലെ കഥാപാത്രങ്ങൾ ഏറെ ശ്രദ്ധിക്കപ്പെട്ടിരുന്നു. കുങ്കുമപ്പൂവിലെ ജി.കെ പിള്ളയുടെ കഥാപാത്രം സീരിയൽ അവസാനിച്ച് വർഷങ്ങൾ കഴിഞ്ഞിട്ടും മലയാളിക്ക് പ്രിയപ്പെട്ടതാണ്. പ്രൊഫസർ ജയന്തിയുടെ അച്ഛൻ കേണൽ ജഗന്നാഥ വർമയായാണ് ജി.കെ.പിളള കുങ്കുമപ്പൂവിൽ അഭിനയിച്ചത്. ആശാ ശരത്തായിരുന്നു സീരിയലിൽ നായിക. അശ്വതി, ഷെല്ലി എന്നിവരാണ് സീരിയലിൽ മറ്റ് പ്രധാന കഥാപാത്രങ്ങളെ അവതരിപ്പിച്ചത്. ജി.കെ പിള്ളയുടെ നിര്യാണത്തിൽ അനുശോചനം രേഖപ്പെടുത്തി സീരിയൽ നടി അശ്വതി പങ്കുവെച്ച കുറിപ്പാണ് ശ്രദ്ധ നേടുന്നത്.
'തുമ്പീ തുമ്പീ വാ... വാ.. ഈ തുമ്പ ചോട്ടിൽ വാ... വാ.. തുമ്പ ചോട്ടിൽ വാ വാ.. കുങ്കുമപ്പൂവിന്റെ ഷൂട്ടിനിടയിൽ ഞാൻ ഇടയ്ക്ക് ഒന്ന് തുടക്കമിട്ട് കൊടുത്താൽ മുഴുവൻ പാടി തന്നിട്ടേ അടുത്ത ഷോട്ട് ന് കേറുമാരുന്നുള്ളു... അമലമോൾക്കിനി ഈ പാട്ട് പാടി തരാൻ മുത്തശ്ശനില്ല....' എന്നാണ് അശ്വതി ജി.കെ പിള്ളയ്ക്കൊപ്പമുള്ള ചിത്രം പങ്കുവെച്ചുകൊണ്ട് സോഷ്യൽമീഡിയയിൽ കുറിച്ചത്. അശ്വതിയുടെ പോസ്റ്റ് പ്രത്യക്ഷപ്പെട്ടതോടെ നിരവധി പേർ അതുല്യ പ്രതിഭയുടെ നിര്യാണത്തിൽ അനുശോചനം നേർന്നു. അമല എന്ന കഥാപാത്രത്തെയാണ് അശ്വതി കുങ്കുമപ്പൂവ് എന്ന സീരിയലിൽ അവതരിപ്പിച്ചിരുന്നത്. ഇതുവരെ മലയാളത്തിൽ സംപ്രേഷണം ചെയ്തിട്ടുള്ള മെഗാ സീരിയലുകളിൽ ഏറ്റവും വിജയം നേടിയ സീരിയലായിരുന്നു കുങ്കുമപ്പൂവ്.
2011ൽ ആരംഭിച്ച കുങ്കുമപ്പൂവ് സീരിയൽ നാല് വർത്തോളം സീരിയലിൽ സംപ്രേഷണം ചെയ്തു. 2014ൽ ആണ് സീരിയലിന്റെ അവസാന ഭാഗം സംപ്രേഷണം ചെയ്തത്. കുങ്കുമപ്പൂവിലെ അഭിനയമാണ് ആശാ ശരത്ത് എന്ന നടിയുടെ ജീവിതത്തിലും വഴിത്തിരിവായത്. സാജൻ സൂര്യ, ഷാനവാസ് ഷാനു തുടങ്ങിയവരാണ് മറ്റ് പ്രധാന കഥാപാത്രങ്ങളായി കുങ്കുമപ്പൂവിൽ എത്തിയത്. ഏഷ്യാനെറ്റിലെ ഹിറ്റ് സീരിയലായ അൽഫോൺസാമ്മയിലൂടെയും കുങ്കുമപൂവിലൂടെയും ശ്രദ്ധേയായ നടിയാണ് അശ്വതി. നിരവധി സീരിയലുകളിൽ നായികയായും വില്ലത്തിയായിട്ടുമൊക്കെ അഭിനയിച്ചിട്ടുള്ള അശ്വതി ഇപ്പോൾ അഭിനയത്തിൽ നിന്നും വിട്ടുനിൽക്കുകയാണ്. പക്ഷെ വിദേശത്ത് താമസമാക്കിയ അശ്വതി തന്റെ വിശേഷങ്ങളെല്ലാം സോഷ്യൽ മീഡിയ പേജുകളിൽ പങ്കുവെക്കാറുണ്ട്. അടുത്തിടെ ശരീര ഭാരം കുറച്ചുള്ള മേക്കോവർ ചിത്രങ്ങൾ അശ്വതി പങ്കുവെച്ചപ്പോൾ വൈറലായിരുന്നു.
Recommended Video
'ഒരു സൂചന തരാമായിരുന്നു, സർപ്രൈസ് ആയിപ്പോയി', പേർളിയുടെ ജീവിതത്തിലെ പുതിയ സന്തോഷം ഇതാണ്!
-
'അവനങ്ങനെ പലതും പറയാറുണ്ട്... അതുകൊണ്ട് തമാശയാണെന്ന് കരുതി, അൽഫോൺസിന് ഒരുപാട് പ്ലാനിങ്ങുണ്ട്'
-
ടോയ്ലെറ്റ് കഴുകേണ്ടി വരെ വന്നു, സാമ്പത്തിക പ്രശ്നമുണ്ടായപ്പോഴത്തെ ജീവിതത്തെ പറ്റി നടന് അബ്ബാസ് പറഞ്ഞത്
-
ദാരിദ്ര്യം മാറ്റാന് ടൂത്ത് പേസ്റ്റ് കവര് വരെ സൂക്ഷിച്ച് വെച്ച് വിറ്റു; ഇന്ന് രാജ്യത്തെ സമ്പന്നയായ നടി