അദ്ദേഹത്തിൽ നിന്ന് ഒരുപാട് പ്രതീക്ഷിച്ചു!! അതെല്ലാം തകർത്തു,ബിഗ്ബോസിലെ സുഹൃത്തിനെ കുറിച്ച് രഞ്ജിനി

പക്ഷാപാതപരമായി പെരുമാറി

അനൂപ് ബിഗ് ബോസിലെ ചില അംഗങ്ങളോട് മാത്ര പക്ഷാപാതപരമായി പെരുമാറുന്നുവെന്ന് ഭൂരിഭാഗം അംഗങ്ങളും അഭിപ്രായപ്പെട്ടു. അനൂപ് ക്യാപ്റ്റനായി ഇരുന്ന സമയത്ത് ബഷീറിന് കൂടുതൽ പരിഗണന നൽകിയെന്നായിരുന്നു രഞ്ജിനിയുടെ വാദം. കാരണവരെ ചൂണ്ടിക്കാട്ടിയായിരുന്നു രഞ്ജിനി പ്രതികരിച്ചത്. അതേസമയം അനൂപിന്റെ ക്യാപ്റ്റൻസിയിൽ നിന്ന് കൂടുതൽ പ്രതീക്ഷിച്ചിരുന്നു എന്നും ര‍ഞ്ജിനി പറഞ്ഞു. ഇതു തന്നെയായിരുന്നു പേളിയും അവർത്തിച്ചത്.
അനൂപിനെ കുറിച്ച് നല്ല അഭിപ്രായമാണെന്നും എന്നാൽ കഴിഞ്ഞ ആഴ്ച ബിഗ് ബോസ് ഹൗസിൽ ഒന്നിൽ കൂടുതൽ കാരണവർ ഉണ്ടായിരുന്നെന്നും പേളി പറഞഞു. സാബുവിനോട് കൂടി ആലോചിച്ച ശേഷമായിരുന്നു അനൂപ് ഓരോ കാര്യങ്ങൾ ചെയ്തിരുന്നതെന്നും പേളി പറഞ്ഞു.

അനൂപുമായിട്ടുളള വഴക്ക്

കഴിഞ്ഞ ആഴ്ച ബിഗ്ബോസ് ഹൗസിൽ പ്രശ്നമുണ്ടായത് ദോശയുടെ പേരിലായിരുന്നു. ഷിയാസ് അധികം ഒരു ദേശ ചോദിച്ചതിനെ ചൊല്ലിയായിരുന്നു വഴക്ക്‌. ഇതിനെ കുറിച്ചും മോഹൻലാൽ ഷിയാസിനോട് ചോദിച്ചിരുന്നു. അനൂപിന്റെ ക്യാപ്റ്റൻസിയിൽ തനിയ്ക്ക് ഒരു കുഴപ്പവുമില്ലായിരുന്നു. എന്നാൽ അദ്ദേഹത്തിന് ഭരണവും കൽപ്പിക്കലും കുറച്ചു കൂടുതൽ ആയിരുന്നുവെന്നും ഷിയാസ് പറഞ്ഞു. തന്നെ ഒരു തവണ കരയിപ്പിച്ചുവെന്നും പിന്നീട് കരയിപ്പിക്കാൻ താൻ നിന്നു കൊടുത്തില്ലെന്നു ഷിയാസ് പറഞ്ഞു. അനൂപ് ക്യാപ്റ്റനായി കാണാൻ ഒരുപാട് ആഗ്രഹിച്ചിരുന്നുവെന്നും ഷിയാസ് ആദ്യമേ തന്നെ വ്യക്തമാക്കിയിരുന്നു. അനൂപ് പക്ഷാപാതപരമായി പെരുമാറിയെന്ന് ഹിമയും പറഞ്ഞു.

ക്യാപ്റ്റൻസിയിലെ പ്രശ്നം

അനൂപിന്റെ ക്യാപ്റ്റൻസിയിൽ കുറച്ചു പ്രശ്നമുണ്ടായിരുന്നുവെന്ന് അർച്ചനയും പറഞ്ഞു. അദ്ദേഹം ഫുൾടൈം ഉറക്കമായിരുന്നുവെന്ന് അർച്ചന തമാശ രൂപേണേ പറഞ്ഞു. അദ്ദേഹത്തിന്റെ അസുഖം ക്യാപ്റ്റൻസിയിൽ നന്നായി ബാധിച്ചിരുന്നുവെന്ന് അർച്ചന കൂട്ടിച്ചേർത്തു. ശ്രീനീഷും ബിഗ്ബോസ് ഹൗസിലുണ്ടായ വഴക്കിനെ കുറിച്ചായിരുന്നു പറഞ്ഞത്. അനൂപിന്റെ ക്യാപ്റ്റൻസി ആഴ്ചയിൽ ബിഗ്ബോസ് ഹൗസിൽ വലിയ വഴക്കു നടന്നുവെന്നും ശ്രീനീഷ് പറഞ്ഞു.

ക്യാപ്റ്റൻസി കുഴപ്പമില്ലായിരുന്നു.

അനൂപിൻരെ ക്യാപ്റ്റൻസിയ്ക്ക് അത്ര കുഴപ്പമില്ലായിരുന്നുവെന്ന് അരിസ്റ്റോ സുരേഷ് പറഞ്ഞു. അനൂപ് ആരോടും പക്ഷാപാതപരമായി പെരുമാറിയിട്ടില്ലെന്നും സുരേഷ് പറഞ്ഞു. ഇതേ അഭിപ്രായമായിരുന്നു ബഷീർ. അനൂപേട്ടൻ അങ്ങനെ ചെയ്തിട്ടില്ലെന്നും താൻ ഒരിക്കലും അത് അംഗീകരിക്കില്ലെന്നും ബഷീർ പറഞ്ഞു. കൂടാതെ ഇതേ അവസരത്തിൽ തന്നെ അനൂപിനോടുളള സൗഹൃദത്തിനെ കുറിച്ചും ബഷീർ വ്യക്തമാക്കി.

വീട് ഭരിക്കാൻ ബുദ്ധിമുട്ട്

ഒരു നാട് ഭരിക്കാൻ വളരെ എളുപ്പമാണ് എന്നാൽ ഒരു വീട് ഭരിക്കാൻ നല്ല പ്രയാസമാണെന്ന് അനൂപ് പറഞ്ഞു. ഇപ്പോഴാണ് വീട് നടത്തി കൊണ്ട് പോകുന്നതിന്റെ ബുദ്ധിമുട്ടിനെ കുറിച്ച് മനസ്സിലയത്. വീട് ഭരിക്കുന്ന എല്ലാ ഗൃഹനാഥന്മാർക്കും ഗൃഹനാഥകൾക്കും തന്റെ അഭിനന്തനം അറിയിക്കുന്നുവെന്നും അനൂപ് പറഞ്ഞു.