വേദികയുടെ കുതന്ത്രം പൊളിച്ചു, റേറ്റിങ്ങില്‍ വന്‍കുതിപ്പ് നടത്തി കുടുംബവിളക്ക്; മത്സരിച്ച് മറ്റ് സീരിയലുകള്‍

പോയ വാരത്തില്‍ ഏഷ്യാനെറ്റിലെ ജനപ്രിയ പരമ്പരകള്‍ നേടിയ റേറ്റിംഗ് എങ്ങനെ ആണെന്നതാണ് പുറത്തു വന്നിരിക്കുന്നത്. ഇത്തവണയും ഒന്നാം സ്ഥാനത്ത് കുടുംബവിളക്ക് തന്നെയാണ്. 18.50 എന്ന റേറ്റിംഗാണ് സീരിയലിന് ലഭിച്ചിരിക്കുന്നത്. ശ്രീനിലയം കുടുംബത്തിലെ ആധാരം കാണാതെ പോകുന്നതും വില്ലത്തി വേദികയുടെ കുതന്ത്രങ്ങള്‍ മറ്റുള്ളവര്‍ കണ്ടുപിടിക്കാന്‍ ശ്രമിക്കുന്നതും തുടങ്ങി സംഭവബഹുലമായ കാര്യങ്ങളാണ് സീരിയലില്‍ നടന്നു കൊണ്ടിരിക്കുന്നത്. റേറ്റിംഗില്‍ ഒന്നാം സ്ഥാനത്തെത്താന്‍ സീരിയലിനു സഹായിച്ചതും ഇതുതന്നെയാണ്.

മാസങ്ങളോളം റേറ്റിങ്ങില്‍ ഒന്നാം സ്ഥാനത്തുണ്ടായിരുന്ന പരമ്പരയാണ് സാന്ത്വനം. കുടുംബവിളക്ക് ജൈത്രയാത്ര നടത്തിയതോടെ സാന്ത്വനം രണ്ടാം സ്ഥാനത്തേക്ക് പിന്തള്ളപ്പെട്ടിരിക്കുകയാണ്. 17.60 എന്നതാണ് സാന്ത്വനത്തിന്റെ റേറ്റിംഗ്. കഴിഞ്ഞ കുറച്ചു നാളുകളായി സീരിയലിന്റെ കഥയില്‍ പുതുമ ഇല്ലാതാവുന്നതാണ് റേറ്റിംഗില്‍ പിന്നോട്ട് പോവാന്‍ കാരണം എന്നാണ് ആരാധകര്‍ ചൂണ്ടി കാണിക്കുന്നത്. ശിവന്‍ പോലീസ് സ്റ്റേഷനില്‍ പോകുന്നതും പിന്നീട് അതുമായി ബന്ധപ്പെട്ട നടക്കുന്ന സംഭവങ്ങളുമാണ് സീരിയലില്‍ ഇപ്പോള്‍ നടക്കുന്നത്. ശിവാഞ്ജലി പ്രണയം കാണാന്‍ വരുന്ന പ്രേക്ഷകര്‍ക്ക് കഥ വലിച്ച് നീട്ടുന്നത് പ്രശ്‌നമായി തുടങ്ങി. കഥയില്‍ മാറ്റം വരുകയാണെങ്കില്‍ റേറ്റിംഗിലും മാറ്റം ഉണ്ടാവുമെന്നാണ് നിഗമനം. മാത്രമല്ല ശിവാഞ്ജലിമാരുടെ റൊമാന്റിക് രംഗം കാണിക്കാനുള്ള ആവശ്യവും ശക്തമാവുകയാണ്.

പതിവു പോലെ മൂന്നാംസ്ഥാനത്താണ് അമ്മയറിയാതെ. നേരത്തെ വിവാഹിതരായ വിനീതും അപര്‍ണയും തമ്മിലുള്ള പ്രണയം വീണ്ടും ശക്തമാകുന്നു എന്നതാണ് ഇപ്പോള്‍ സീരിയല്‍ നടക്കുന്നത്. താല്‍പര്യമില്ലാതെ വിവാഹം കഴിച്ച ഇരുവരും വഴക്ക് കൂടുന്നതും വേര്‍പിരിയല്‍ വരെ എത്തി. ഇതിനിടയിലാണ് വീണ്ടും പ്രണയം തുടങ്ങിയത്. മാറ്റമില്ലാതെ കഥ വലിച്ച് നീട്ടുന്നതിനെതിരെ അമ്മയറിയാതെ ആരാധകരും നിരാശയിലാണ്. അതേ സമയം സീരിയലിലെ മറ്റൊരു നായകനായ അമ്പാടിയെ കാണിച്ചത് കൊണ്ടാണ് റേറ്റിങ് കൂടിയതെന്നാണ് ചിലര്‍ പറയുന്നത്. അതിന്റെ ക്രെഡിറ്റ് ആരും എടുക്കേണ്ടതില്ല.

നാലാം സ്ഥാനത്ത് മൗനരാഗം ആണ്, അഞ്ചാം സ്ഥാനത്ത് കൂടെവിടെ, ആറാമത് പളുങ്ക്, ഏഴാം സ്ഥാനത്ത് സസ്‌നേഹം, എട്ടാം സ്ഥാനത്ത് പാടാത്ത പൈങ്കിളി, ഒന്‍പതാം സ്ഥാനത്ത് ത്രില്ലര്‍ പരമ്പരയായ തൂവല്‍സ്പര്‍ശം, പത്താം സ്ഥാനത്താണ് ദയ.. എത്തി നില്‍ക്കുന്നത്. ലിസ്റ്റിൽ അങ്ങോട്ടും ഇങ്ങോട്ടും മാറ്റങ്ങൾ ഉണ്ടാക്കി കൊണ്ടാണ് സീരിയലുകൾ പോവുന്നത്. അതേ സമയം എല്ലാ സീരിയലുകളിലും കുറച്ചെങ്കിലും മാറ്റം വരുത്തി തുടങ്ങിയാൽ റേറ്റിങ്ങിൽ വലിയ വ്യത്യാസം ഉണ്ടാവുമെന്നാണ് ചിലർ ചൂണ്ടി കാണിക്കുന്നത്. മറ്റ് ചാനലുകളിലെ സീരിയലുകളുടെ ടൈംമിങ് അവർക്ക് ഗുണമായി വരുന്നത് എങ്ങനെയാണെന്നുമൊക്കെ ആരാധകർ പറയുന്നുണ്ട്.