മഞ്ഞില്‍ വിരിഞ്ഞ പൂവിലെ വില്ലത്തി, നടി ജിസ്മി വിവാഹിതയായി! ചിത്രങ്ങള്‍ വൈറലാവുന്നു!

വിവാഹ ശേഷവും അഭിനയം തുടരുമെന്ന് താരം നേരത്തെ വ്യക്തമാക്കിയിരുന്നു. വിവാഹത്തോടെ അഭിനയത്തില്‍ നിന്നും പിന്‍വാങ്ങുന്ന താരങ്ങളുടെ കൂട്ടത്തിലേക്കായിരിക്കുമോ താരവും ഇടം നേടുന്നതെന്നായിരുന്നു അവരുടെ ചോദ്യം. ക്യാമറമാനായ ഷിന്‍ജിനാണ് ജിസ്മിയെ ജീവിതസഖിയാക്കിയത്. വിവാഹത്തിന് മുന്നോടിയായി ചിത്രീകരിച്ച സേവ് ദി ഡേറ്റ് വീഡിയോ തംരഗമായി മാറിയിരുന്നു. മഞ്ഞില്‍ വിരിഞ്ഞ പൂവിലെ താരങ്ങളും അണിയറപ്രവര്‍ത്തകരുമൊക്കെ നവദമ്പതികളെ അനുഗ്രഹിക്കാനായി എത്തിയിരുന്നു.

നേരത്തെ പോസിറ്റീവ് കഥാപാത്രങ്ങളായിരുന്നു ജിസ്മിക്ക് ലഭിച്ചിരുന്നത്. നെഗറ്റീവ് കഥാപാത്രങ്ങളെ ഏറ്റെടുക്കാന്‍ പലരും വിമുഖത പ്രകടിപ്പിച്ചിരുന്ന സമയത്താണ് താരം സോനയെ ഏറ്റെടുത്തത്. പുറമെ ചിരിച്ച് കളിച്ച് തന്റെ ലക്ഷ്യം നേടാനായി നീങ്ങുന്ന സോനയായി തകര്‍ക്ക് അഭിനയിക്കുകയാണ് താരം. മനുവിനെ സ്വന്തമാക്കാന്‍ ഏതറ്റവും പോവുമെന്ന് സോന നേരത്തെ വ്യക്തമാക്കിയിരുന്നു. അഞ്ജനയെക്കുറിച്ച് മനുവിനെ തെറ്റിദ്ധരിപ്പിക്കുന്നതിലൂടെ ആ ലക്ഷ്യം നേടുമോ സോനയെന്നറിയാനായി കാത്തിരിക്കുകയാണ് പ്രേക്ഷകര്‍.

ജിസ്മിയുടെ സേവ് ദി ഡേറ്റ് വീഡിയോയിരുന്നു നേരത്തെ തരംഗമായി മാറിയിരുന്നത്. വിവാഹത്തിന് ശേഷമുള്ള ചിത്രങ്ങളും വീഡിയോയുമാണ് ഇപ്പോള്‍ തരംഗമായിക്കൊണ്ടിരിക്കുന്നത്. അതീവ സുന്ദരിയായാണ് താരം എത്തിയത്. വിവാഹത്തിന്റെ പുടവ സാരിയണിഞ്ഞുള്ള ചിത്രം പങ്കുവെച്ചും താരം എത്തിയിരുന്നു. ഇന്‍സ്റ്റഗ്രാമിലൂടെയായിരുന്നു ജിസ്മി ചിത്രങ്ങള്‍ പങ്കുവെച്ചത്.

ജിസ്മിയുടെ വിവാഹ വീഡിയോ കാണാം