മഞ്ഞില്‍വിരിഞ്ഞ പൂവിലെ മനുവിനെകുറിച്ച് അധികമാര്‍ക്കും അറിയാത്തൊരു കാര്യമുണ്ട്,തുറന്നുപറഞ്ഞ് മാളവിക

കൊറോണക്കാലം തുടങ്ങിയ ശേഷമുളള രണ്ടാം ഷെഡ്യൂള്‍ അവസാനിക്കുന്നതിന്റെ തിരക്കുകള്‍ക്കിടയില്‍ ഇരുന്നാണ് തങ്ങളുടെ സൗഹൃദത്തെ കുറിച്ച് ഇരുവരും സംസാരിച്ചത്. മഞ്ഞില്‍ വിരിഞ്ഞ പൂവ് സമയത്താണ് മാളവികയും യുവകൃഷ്ണയും പരിചയപ്പെട്ടത്. മാളവിക വളരെ ഡൗണ്‍ ടു എര്‍ത്തായ പേഴ്‌സണാണെന്ന് യുവ പറയുന്നു.

നമ്മളീ പ്രോജക്ടിലെത്തുമ്പോള്‍ പുളളിക്കാരി ഒരു സെലിബ്രിറ്റിയാണ് നമ്മളൊരു ഫ്രഷറും, എങ്ങനെ കമ്മ്യൂണിക്കേറ്റ് ചെയ്യുമെന്നൊരു ഇന്‍ഹിബിഷന്‍ സത്യത്തിലുണ്ടായിരുന്നു. പക്ഷേ സംസാരിച്ചു വന്നപ്പോള്‍ വളരെ ഡൗണ്‍ ടു എര്‍ത്തായ പേഴ്‌സണാണ്. ഭയങ്കര ഫ്രണ്ട്‌ലി ടോക്കറ്റീവാണ്. പക്ഷേ ഫ്രണ്ടാവാന്‍ ആദ്യമൊരു കണ്‍ഫ്യൂഷനുളള കൂട്ടത്തിലാണ് കേട്ടോ. യുവ പറയുന്നു.

ഞാനൊരാളെ നല്ല അനലൈസ് ചെയ്തിട്ടെ ഫ്രണ്ടാക്കാറുളളൂ എന്ന് മാളവികയും പറയുന്നു. എന്റെ ഫ്രണ്ട് ലിസ്റ്റില്‍ വരണമെങ്കില്‍ ഇത്തിരി ബുദ്ധിമുട്ടാണ്. പക്ഷേ വന്നുകഴിഞ്ഞാല്‍ കംഫര്‍ട്ടബിളാണ് ആ ലിസ്റ്റില്‍ ഉണ്ടാവും. വളരെ ചെറിയ ഫ്രണ്ട് ലിസ്റ്റുളള ഒരാളാണ്. സത്യം പറഞ്ഞാല്‍ ഷൂട്ട് തുടങ്ങി ഏകദേശം ആറ് മാസം കഴിഞ്ഞാണ് ഞങ്ങള്‍ മിണ്ടാനൊക്കെ തുടങ്ങിയത്.

ആദ്യം ഈ മുടിയും രൂപവുമൊക്കെ കണ്ടപ്പോ ഒരു ഫ്രീക്കന്‍ ടൈപ്പൊരു ആളായിരിക്കുമെന്നാ കരുതിയത്. അതോണ്ട് തന്നെ മിണ്ടാന്‍ തോന്നിയില്ല. മിണ്ടിതുടങ്ങാന്‍ വേറൊരു കാര്യം കൂടിയുണ്ട് കേട്ടോ. യുവ പറയുന്നു. അത് ഞാന്‍ പറയാമെന്ന് മാളവിക പറഞ്ഞു. അധികമാര്‍ക്കും അറിയാത്തൊരു കാര്യമുണ്ട് ഉണ്ണി ഒരു മെന്റലിസ്റ്റാണ്. നമ്മള്‍ ബലം പിടിച്ച് മിണ്ടാതിരുന്നാലും ആള് കാര്യങ്ങളൊക്കെ പിടിച്ചെടുക്കുമോയെന്നൊരു പേടി സത്യത്തിലുണ്ടായിരുന്നു.

ആദ്യമൊക്കെ കവറപ്പ് ചെയ്യാന്‍ നോക്കിയെങ്കിലും നമ്മളെല്ലാം കണ്ടുപിടിച്ചു കേട്ടോ. അതുകൊണ്ട് സൗഹൃദത്തില്‍ പോകുന്നതാ നല്ലതെന്ന് മാളുവിന് തോന്നി. നമ്മള്‍ മാറിനിന്നാലും നമ്മുടെ സൈക്കോളജി അറിഞ്ഞ് എല്ലാം മനസിലാക്കില്ലേ അതുകൊണ്ട് ഫ്രണ്ട്‌സായി. മാളവിക പറയുന്നു. സത്യം പറഞ്ഞാല്‍ കാണുമ്പോള്‍ ആദ്യം തോന്നുന്ന ഉണ്ണിയല്ല. ആള് ഒരു പാവം മനുഷ്യനാണ്.

വളരെ സിമ്പിളാണ് ഭയങ്കര സെന്‍സിറ്റിവാണ്. എന്നും യുവയെ കുറിച്ച് മാളവിക പറഞ്ഞു. സത്യത്തില്‍ ഒരു വിഷയമുണ്ടായാല്‍ എന്റെ മുഖത്ത് വലുതായി റിഫ്‌ളക്ട് ചെയ്യും പക്ഷേ മൈന്റില്‍ അത് പത്ത് ശതമാനമേ ഉണ്ടാവൂ എന്ന് യുവ പറഞ്ഞപാടെ തന്നെ എന്റെ പൊന്നോ. ഇങ്ങനെ പറയല്ലെ മുഖം മനസ്സിന്റെ കണ്ണാടിയാണെന്നാ പറയാറെന്ന് മാളവികയും ഇടപെട്ടു. എന്തായാലും ഇപ്പോള്‍ ഞങ്ങള്‍ നല്ല കൂട്ടാണ്.യാതൊരു ഇന്‍ഹിബിഷന്‍സും ഇല്ല, കൂളാണ്.