ഹോം

ടെലിവിഷൻ

ടെലിവിഷന്‍ പ്രേക്ഷകരുടെ പ്രിയപ്പെട്ട പരമ്പരകളിലൊന്നാണ് മഞ്ഞില്‍ വിരിഞ്ഞ പൂവ്. മികച്ച സ്വീകാര്യതയും പിന്തുണയുമായി മുന്നേറുകയാണ് ഈ പരമ്പര. സീരിയലിനായി അണിനിരക്കുന്ന താരങ്ങളെല്ലാം പ്രേക്ഷകര്‍ക്ക് പരിചിതരായി മാറിയവരാണ്. മനുവിന്റെയും അഞ്ജനയുടേയും ജീവിതത്തിലെ അപ്രതീക്ഷിത സംഭവങ്ങളിലൂടെയായി മുന്നേറുകയാണ് പരമ്പര.

മഞ്ജു വാര്യര്‍ക്കൊപ്പം സംയുക്ത വര്‍മ്മ, അന്നേ സുഹൃത്തുക്കളായി മാറിയ നായികമാര്‍, ചിത്രം വൈറല്‍

രേഖ രതീഷ്, ജിസ്മി, ശാലു മേനോന്‍, യുവ കൃഷ്ണ തുടങ്ങി നിരവധി താരങ്ങളാണ് സീരിയലിനായി അണിനിരന്നിട്ടുള്ളത്. പരമ്പരയിലെ താരങ്ങളുടെ വിശേഷങ്ങളെല്ലാം വൈറലായി മാറാറുണ്ട്. സോനയെന്ന കഥാപാത്രത്തെയാണ് ജിസ്മി അവതരിപ്പിക്കുന്നത്.നിലവിളക്ക്, ഭാഗ്യദേവത, സ്ത്രീധനം തുടങ്ങിയ സീരിയലുകളിലും ജിസ്മി അഭിനയിച്ചിരുന്നു.

നെഗറ്റീവ് ടച്ചുള്ള കഥാപാത്രമാണെങ്കിലും ജിസ്മിക്കും മികച്ച പിന്തുണയാണ് ലഭിച്ചുകൊണ്ടിരിക്കുന്നത്. മനുവിനെ സ്വന്തമാക്കണമെന്ന ലക്ഷ്യവുമായാണ് സോന സഞ്ചരിക്കുന്നത്. മനുവിനേയും അഞ്ജനയേയും അകറ്റാനായുള്ള കാര്യങ്ങളും സോന ചെയ്തിരുന്നു. സീരിയല്‍ വിശേഷങ്ങള്‍ മാത്രമല്ല വ്യക്തി ജീവിതത്തിലെ വിശേഷങ്ങളെക്കുറിച്ച് പറഞ്ഞും താരമെത്താറുണ്ട്. പ്രിയതമന് പിറന്നാളാശംസ നേര്‍ന്നെത്തിയിരിക്കുകയാണ് താരം ഇപ്പോള്‍.

മേഘ്ന ഗര്‍ഭിണിയാണെന്നറിഞ്ഞപ്പോള്‍ ചിരു നല്‍കിയ സമ്മാനം, പ്രിയതമന്‍റെ സര്‍പ്രൈസില്‍ ഞെട്ടിയ താരം

ക്യാമറമാനായ ഷിന്‍ജിനാണ് ജിസ്മിയെ ജീവിതസഖിയാക്കിയത്. വിവാഹ ശേഷവും അഭിനയം തുടരുമെന്ന് താരം നേരത്തെ വ്യക്തമാക്കിയിരുന്നു. ജിസ്മിയുടെ സേവ് ദി ഡേറ്റ് വീഡിയോയും വിവാഹ വീഡിയോയുമെല്ലാം സോഷ്യല്‍ മീഡിയയിലൂടെ വൈറലായി മാറിയിരുന്നു. മഞ്ഞില്‍ വിരിഞ്ഞ പൂവിലെ താരങ്ങളും അണിയറപ്രവര്‍ത്തകരുമൊക്കെ വിവാഹത്തില്‍ പങ്കെടുത്തിരുന്നു.

ഇന്ന് നിങ്ങളുടെ ജന്മദിനമാണ്. ഏറ്റവും മികച്ചത് നേരുന്നുവെന്ന് പറഞ്ഞായിരുന്നു ജിസ്മി എത്തിയത്. ജീവിതത്തിലെ ഏറ്റവും മികച്ച കാര്യമാണ് നിങ്ങളെ കണ്ടെത്തിയത്. നിങ്ങളുടെ എല്ലാ കുറവുകളും തെറ്റുകളും ബലഹീനതയും അറിയുന്ന ഒരാളെ കണ്ടെത്തുന്നു, എന്നിട്ടും നിങ്ങൾ പൂർണ്ണമായും അത്ഭുതകരമാണെന്ന് കരുതുന്നു ഹാപ്പി ബർത്ത്ഡേ ,ഈ സമ്മാനം ഇഷ്ടമാണെന്ന് എനിക്കറിയാമെന്നുമായിരുന്നു താരം കുറിച്ചത്.

രാജകുമാരികളെപ്പോലെ മീനാക്ഷി ദിലീപും നമിത പ്രമോദും, ആയിഷയുടെ വിവാഹനിശ്ചയ വീഡിയോ വൈറല്‍