twitter
    For Quick Alerts
    ALLOW NOTIFICATIONS  
    For Daily Alerts

    ഞങ്ങള്‍ക്ക് വേണ്ടി ഇനി നിങ്ങള്‍ ചോദിക്കണം; തിരുവനന്തപുരം മേയര്‍ അടക്കമുള്ളവര്‍ക്ക് ആശംസകളുമായി മഞ്ജു വാര്യര്‍

    |

    ഇക്കഴിഞ്ഞ തെരഞ്ഞെടുപ്പിലൂടെ ഏറ്റവും പ്രായം കുറഞ്ഞ മേയറും പഞ്ചായത്ത് പ്രസിഡന്റുമെല്ലാം കേരളത്തിന് ലഭിച്ചിരിക്കുകയാണ്. 21 വയസുകാരിയായ ആര്യയാണ് തിരുവനന്തപുരം മേയറായി അധികാരത്തിലെത്തിയത്. കൈരളി ചാനലില്‍ സംപ്രേക്ഷണം ചെയ്യുന്ന ജെബി ജംഗഷന്‍ പരിപാടിയില്‍ ഇലക്ഷന് ജയിച്ച പ്രായം കുറഞ്ഞ വനിത സാരഥികളായിരുന്നു അതിഥികളായി വന്നത്. നടി മഞ്ജു വാര്യരും ഇവര്‍ക്ക് ആശംസകളുമായി എത്തിയിരിക്കുകയാണ്.

    'സ്ത്രീ എന്ന നിലയില്‍ എനിക്ക് അങ്ങേയറ്റം അഭിമാനം തോന്നുന്നു. എല്ലാ രംഗങ്ങളിലും സ്ത്രീകളുടെ ഒരു മുന്നേറ്റത്തിന് സാക്ഷിയായി കൊണ്ടിരിക്കുന്ന കാലഘട്ടത്തിലൂടെയാണ് കടന്ന് പോയികൊണ്ടിരിക്കുന്നത്. പ്രത്യേകിച്ച് ഭരണരംഗത്ത്. ഇത്രയും ചെറുപ്പത്തില്‍ തന്നെ വളരെ ഉര്‍ജ്ജസ്വലരായി ഭരണ രംഗത്തേക്ക് പ്രവേശിച്ചിരിക്കുന്ന ആര്യ, രേഷ്മ, ചാരുതി, പ്രിയങ്ക, എന്നീ മിടുക്കികള്‍ക്ക് എന്റെ സ്‌നേഹം നേരിട്ട് അറിയിക്കുന്നു.

    arya-manju

    അതിനുള്ള അവസരം തന്നതിന് നന്ദി. അവരോട് ചോദിക്കാന്‍ എനിക്ക് ചോദ്യങ്ങളൊന്നുമില്ല. ഇനി ഞങ്ങളെയൊക്കെ പ്രതിനിധികരിച്ച് കൊണ്ട് ഞങ്ങള്‍ക്ക് വേണ്ടി ചോദ്യങ്ങള്‍ ചോദിക്കേണ്ടത് ഇവരൊക്കെയാണെന്നാണ് ഞാന്‍ വിശ്വസിക്കുന്നത്. ഹൃദയം നിറഞ്ഞ ആശംസകളും അഭിനന്ദനങ്ങളും നേരുകയാണെന്ന് മഞ്ജു വാര്യര്‍ പറയുന്നു.

    മഞ്ജു വാര്യര്‍ ഏതെങ്കിലും കഥാപാത്രമായിട്ടോ അല്ലെങ്കില്‍ നിത്യജീവിതത്തിലെ ഏതെങ്കിലും വാര്‍ത്തയായോ വന്നിട്ടുണ്ടോ എന്നായിരുന്നു അടുത്ത ചോദ്യം. 'ഹൗ ഓള്‍ഡ് ആര്‍ യു' എന്ന സിനിമയിലെ കഥാപാത്രത്തെ കുറിച്ചായിരുന്നു രേഷ്മ പറഞ്ഞത്. നമുക്ക് മാതൃകയാക്കാവുന്ന വേഷമായിരുന്നു മഞ്ജു ചേച്ചിയുടേത്.

    മഞ്ജുവിന്റെ നിശ്ചയദാര്‍ഢ്യമായിരിക്കും കൂടുതല്‍ ഇഷ്ടപ്പെട്ടിട്ടുണ്ടാവുക എന്ന ചോദ്യത്തിന് അതേ എന്നായിരുന്നു തിരുവനന്തപുരം മേയറായി ചാര്‍ജെടുത്ത ആര്യ പറഞ്ഞത്. ഹൗ ഓള്‍ഡ് ആര്‍ യൂ സിനിമയിലെ കഥാപാത്രം ഏത് പ്രായത്തിലുള്ള സ്ത്രീയ്ക്കും ഇഷ്ടപ്പെടുന്നതാണ്. അതുപോലെ ഉദ്ദാഹരണം സുജാത എന്ന സിനിമയും.

    Recommended Video

    'മമ്മൂക്കയുടെയും ലാലേട്ടന്റെയും സിനിമകളിലേക്ക് അന്ന് മനപൂര്‍വ്വം വരാതിരുന്നതാണ്'

    ചിത്രത്തില്‍ മഞ്ജു ചേച്ചി അവതരിപ്പിച്ച സുജാത എന്ന അമ്മയുടെ കരുതലാണ് സ്വാധീനിച്ചിട്ടുള്ളത്. മഞ്ജു ചേച്ചി എടുക്കുന്ന തീരുമാനങ്ങളും അവരുടെ നിലപാടുകളും എപ്പോഴാണെങ്കിലും തുറന്ന് ശ്രമിക്കാറുണ്ട്. പെണ്‍കുട്ടികള്‍ നോ പറയില്ലെന്ന് വിചാരിക്കുന്നവര്‍ക്ക് മുന്നില്‍ സിനിമാ രംഗത്താണെങ്കില്‍ പോലും നോ പറയാന്‍ മടിയില്ലാത്ത വ്യക്തി മഞ്ജു ചേച്ചിയായിരിക്കുമെന്നും ആര്യ പറയുന്നു.

    English summary
    Manju Warrier Is An Inspiration Revealed Thiruvananthapuram Mayor Arya Rajendran
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X