'നിങ്ങളെന്തൊരു സെൽഫിഷാണ് ബേബി.....'; ബഷീറിനോട് മഷൂറ പറഞ്ഞത്, സോനുവിനെ കൂട്ടുപിടിച്ച് മറുപടി നൽകി ബഷീർ!

ബഷീറിന്റേയും മഷൂറയുടേയും കുടുംബാം​​ഗങ്ങളെല്ലാം പങ്കെടുത്ത ​ഗ്രാന്റ് പാർട്ടിയായിരുന്നു ബേബി ഷവർ. ബഷീറിന്റെ നിർബന്ധത്തിനാണ് ബേബി ഷവർ സംഘടിപ്പിച്ചിരുന്നതെന്നും മഷൂറ പറഞ്ഞു.

താൻ പ്രസവിച്ച് സുഹാനയുടെ കൈയ്യിലേക്ക് കുഞ്ഞിനെ കൊടുക്കുമെന്നും പിന്നെ കുഞ്ഞിന്റെ ഉത്തരവാദിത്വം മുഴുവൻ ഞാൻ സോനുവിന് നൽകുമെന്നും നേരത്തെ ബേബി ഷവർ ചടങ്ങിനിടെ സംസാരിക്കവെ മഷൂറ പറഞ്ഞിരുന്നു. ആദ്യത്തെ കൺമണിയായതിനാൽ മഷൂറയുടെ വീട്ടുകാർ മഷൂറയുടെ സ്വന്തം സ്ഥലമായ മാം​ഗ്ലൂരിൽ സീമന്തം ചടങ്ങും സംഘടിപ്പിക്കുന്നുണ്ട്.

ഈ മാസം അവസാനത്തോടയൊണ് സീമന്തം ചടങ്ങ് മഷൂറയ്ക്കായി വീട്ടുകാർ സംഘടിപ്പിക്കുന്നത്. അതിനായി വൈകാതെ ബഷീറും കുടുംബവും മം​ഗലാപുരത്തേക്ക് പോകും. അതേസമയം സീമന്തം ചടങ്ങുകൾ മനോഹരമായി നടത്താനുള്ള ഷോപ്പിങിലും മറ്റുമാണ് മഷൂറയും സോനുവും ബഷീറുമെല്ലാം.

സീമന്തത്തിന് സാരിയാണ് താൻ ധരിക്കുകയെന്നും സാരി ധരിക്കാത്തതിനെ കുറച്ച് പലരും തന്നോട് ചോദിച്ചിരുന്നുവെന്നും മമ്മയ്ക്കും താൻ സാരി ഉടുത്ത് കാണാനാണ് താൽപര്യമെന്നും മഷൂറ തന്റെ സീമന്തം ചടങ്ങിന് മുന്നോടിയായുള്ള ഷോപ്പിങ് വീഡിയോയിൽ പറയുന്നുണ്ട്.

എല്ലാവരുടേയും ആഗ്രഹം പോലെയായി പച്ച നിറത്തിലുള്ള സാരി തന്നെ വാങ്ങിക്കുമെന്നും മഷൂറ വീഡിയോയിൽ പറയുന്നുണ്ട്. അതേസമയം എന്റെ വ്ലോഗാണെങ്കില്‍ മാത്രമെ ഞാന്‍ സംസാരിക്കൂയെന്ന് ബഷീർ പറഞ്ഞപ്പോള്‍ ബേബി എന്തൊരു സെല്‍ഫിഷാണെന്നായിരുന്നു മഷൂറ ചോദിച്ചത്. 'ഷോപ്പിലേക്ക് വന്ന സമയത്ത് ബേബി നല്ല തിരക്കിലായിരുന്നു. മാറി ഇരിക്കുകയായിരുന്നു.'

'പെട്ടെന്ന് വന്ന് ഇതൊന്ന് ഉടുത്ത് നോക്കെന്ന് പറഞ്ഞ് ഒരു സാരി തന്നു. എടുത്ത് തന്നപ്പോള്‍ എനിക്ക് ഇഷ്ടമായിരുന്നില്ല. ഉടുത്തപ്പോള്‍ നല്ല ഭംഗിയുണ്ടായിരുന്നു. ഗോള്‍ഡൊന്നും ഇടാതെ തന്നെ നല്ല ബ്രൈറ്റ് ലുക്കുണ്ട് എനിക്ക് ആ സാരി ധരിക്കുമ്പോൾ.'

നിങ്ങള്‍ സെലക്ട് ചെയ്യുന്നതൊക്കെ എങ്ങനെയാവുമെന്ന് എനിക്കറിയാമല്ലോ... അതാണ് ഞാന്‍ തന്നെ ഇതെടുത്തതെന്നായിരുന്നു' സാരി സെലക്ട് ചെയ്ത് കൊടുത്ത ശേഷം ബഷീറിന്റെ കമന്റ്. പുതിയ വീഡിയോയും വൈറലായതോടെ നിരവധി പേർ കമന്റുമായി എത്തി.

കമന്റുകളിലേറെയും സീമന്തം ചടങ്ങിന്റെ വിശേഷങ്ങൾ ചോദിച്ചുള്ളതാണ്. 'സാരി ഏതാണ് സെലക്റ്റ് ചെയ്തതെന്ന് കാണിച്ചില്ലല്ലോ, മാംഗ്ലൂരിലെ ചടങ്ങുകള്‍ കാണാനായി കാത്തിരിക്കുകയാണ്. സുഹാനയുടെ സാരി കൊള്ളാം' തുടങ്ങി നിരവധി കമന്റുകളാണ് വീഡിയോയ്ക്ക് താഴെയുള്ളത്.

ബഷീറിന്റെ മക്കളായ സൈ​ഗുവും സുനുവുമെല്ലാം മഷൂറയുടെ കുഞ്ഞിനെ കാണാനുള്ള കാത്തിരിപ്പിലാണ്. മഷൂറ ​ഗർഭിണിയാണെന്ന് അറിഞ്ഞപ്പോൾ സുനു കരയുന്ന വീഡിയോയും മുമ്പ് വൈറലായിരുന്നു.

തന്റെ സ്വന്തം മക്കളെപ്പോലെ തന്നെയാണ് മഷൂറ സുഹാനയുടെ മക്കളേയും സ്നേഹിക്കുന്നതും പരിചരിക്കുന്നതും. ഇവരുടെ കുടുംബത്തിന്റെ ഐക്യം വീഡിയോ കാണുന്ന എല്ലാവർക്കും എപ്പോഴും അത്ഭുതമാണ്.