ദുഃഖപുത്രി അല്ലാതെ പ്രേക്ഷകരുടെ മുന്നിൽ എത്തിയിട്ടില്ല; തത്കാലം സീരിയല്‍ ചെയ്യുന്നില്ലെന്ന് പറഞ്ഞ് നടി ഷെല്ലി

'ദുഃഖപുത്രിമാര്‍ അല്ലാത്ത എന്റെ കഥാപാത്രങ്ങളൊന്നും പ്രേക്ഷകരില്‍ എത്തിയിട്ടില്ലെന്നാണ് ഷെല്ലി പറയുന്നത്. എവിടെയെങ്കിലും ദുഃഖവും കുറച്ച് കരച്ചിലും ഉണ്ടാകും. ദുഃഖപുത്രിമാരായ നായികമാരെയാണ് എല്ലാ വീടുകളിലും ആറ് മണി മുതല്‍ പത്ത് മണി വരെ ആളുകള്‍ കണ്ടുകൊണ്ടിരിക്കുന്നത്. സീരിയലിന്റെ കഥാഘടന മാറിയാല്‍ മാത്രമേ ദുഃഖപുത്രിമാര്‍ക്ക് മോചനം ലഭിക്കുകയുള്ളു. ആണുങ്ങള്‍ എല്ലാം വില്ലന്മാരും സ്ത്രീകള്‍ എല്ലാം കരഞ്ഞ് കൊണ്ടിരിക്കുന്നവരുമല്ല, തിരിച്ചും സംഭവിക്കുന്നുണ്ട്.

മിന്നല്‍ മുരളിയുടെ ഷൂട്ടിങ്ങിന് കേരള-കര്‍ണാടക അതിര്‍ത്തിയില്‍ പോയപ്പോള്‍ കുങ്കുമപ്പൂവിലെ ശാലിനി എന്നും സ്ത്രീപദത്തിലെ ബാല എന്നും ആളുകള്‍ വിളിച്ചു. ജീവിതയാത്രയില്‍ സന്തോഷവും ദുഃഖവും വരാറുണ്ട്. എല്ലാം നേരിട്ട് മുന്നോട്ട് പോവുകയാണ് രീതി. തമാശകള്‍ പറയുകയും നന്നായി ആസ്വദിക്കുകയും ചെയ്യുന്ന എന്നെ അടുപ്പമുള്ളവര്‍ക്ക് അറിയാം. ആ വലയത്തില്‍ എത്തിയാല്‍ അതുവരെയുള്ള ചട്ടക്കൂട് മാറ്റി വേറൊരു വ്യക്തിയായി മാറും. ഒരു ലൊക്കേഷനില്‍ പോയാല്‍ മൂഡ് ഓഫ് ആണെന്ന് എന്നെ പറ്റി പറയുന്നത് കേള്‍ക്കാം. കുറച്ച് സമയം എടുക്കും മിംഗിള്‍ ആവാന്‍. അല്ലാതെ ഉള്‍ വലിയുന്ന സ്വഭാവം തനിക്കില്ലെന്നാണ് ഷെല്ലി പറയുന്നത്.

മിന്നല്‍ മുരളിയ്ക്ക് ശേഷം ചില സിനിമകളില്‍ നിന്നും വിളി വന്നിരുന്നു. തത്കാലം കുറച്ച് നാളത്തേക്ക് സീരിയല്‍ വേണ്ടെന്ന തീരുമാനത്തിലാണ്. അതുകൊണ്ട് ജോലിയില്‍ പ്രവേശിക്കുകയും ചെയ്തു. സിനിമ പോലയല്ലല്ലോ സീരിയല്‍. രാവിലെ ആറ് മുതല്‍ രാത്രി വരെ ചിത്രീകരണം ഉണ്ടാകും. സീരിയല്‍ ചെയ്താല്‍ ജോലിയും ഒപ്പം കൊണ്ട് പോകാന്‍ സാധിച്ചേക്കില്ല. എന്നും ഷെല്ലി' സൂചിപ്പിച്ചു.

ഏഷ്യാനെറ്റിലെ ഹിറ്റ് സീരിയലായിരുന്നു കുങ്കുമപൂവ്. അതിലെ നായിക കഥാപാത്രമാണ് ഷെല്ലി ചെയ്തിരുന്നത്. സ്ത്രീപദം, എന്റെ മാതാവ് തുടങ്ങി നിരവധി സീരിയലുകളില്‍ നടി അഭിനയിച്ചിരുന്നു. ഇതിനൊപ്പം സിനിമകളിലും ചെറുതും വലുതുമായ നിരവധി കഥാപാത്രങ്ങള്‍ അവതരിപ്പിക്കുകയും ചെയ്തു.