പേളിയെക്കുറിച്ച് കഥ മെനഞ്ഞവരെ കുടുക്കാന്‍ മോഹന്‍ലാല്‍! ആരാവും ആ വക്രബുദ്ധിയുടെ പിന്നില്‍?

മോഹന്‍ലാലിന്റെ ചോദ്യം

പരിപാടി തുടങ്ങിയപ്പോള്‍ മുതല്‍ അരിസ്‌റ്റോ സുരേഷും പേളിയും ശ്രിനിഷും അടുത്ത സുഹൃത്തുക്കളായതാണ്. ബിഗ് ഹൗസില്‍ നടക്കുന്ന കാര്യങ്ങളെക്കുറിച്ചും വ്യക്തി ജീവിതത്തിലെ കാര്യങ്ങളെക്കുറിച്ചുമൊക്കെ ഇവര്‍ സംസാരിക്കാറുണ്ട്്. അടുത്തിടെയാണ് സുരേഷും പേളിയും തമ്മില്‍ പ്രണയമാണെന്ന തരത്തിലുള്ള കഥകള്‍ പ്രചരിച്ചത്. ഈ സംഭവത്തെക്കുറിച്ചാണ് മോഹന്‍ലാല്‍ ചോദിച്ചത്. അദ്ദേഹത്തിന്റെ ചോദ്യത്തിന് മുന്നില്‍ പകച്ച് നില്‍ക്കുകയാണ് പലരും.

ആരാണ് ആ കഥ മെനഞ്ഞത്?

രഞ്ജിനിയും പേളിയും കൂടി ബിഗ് ബോസിനോട് പരാതിപ്പെട്ടിരുന്നു. സുരേഷിന്റെ ഇടപെടലുകള്‍ തനിക്ക് ഇഷ്ടപ്പെടുന്നില്ലെന്നും അദ്ദേഹം അമിത സ്വാതന്ത്ര്യം കാണിക്കുന്നുവെന്നുമൊക്കെയായിരുന്നു പേളി പറഞ്ഞത്. അദ്ദേഹത്തിന്റെ പൊസ്സസീവ്‌നെസ്സ് ഭാവിയില്‍ പേളിക്ക് വിനയായിത്തീരുമെന്ന് രഞ്ജിനി മുന്നറിയിപ്പ് നല്‍കിയിരുന്നു. ഇതൊക്കെ പ്രേക്ഷകര്‍ കണ്ടതാണ്. പേളി പരാതിപ്പെട്ടതിനെക്കുറിച്ച് താരം സുരേഷിനോടും പറഞ്ഞിരുന്നു. ആരാണ് ഈ കഥ മെനഞ്ഞതാണെന്നാണ് മോഹന്‍ലാല്‍ ചോദിച്ചിട്ടുള്ളത്.

സ്വന്തം ഭാഗവുമായി മത്സരാര്‍ത്ഥികള്‍

തങ്ങള്‍ പറഞ്ഞതിനെക്കുറിച്ചും അവരവരുടെ ഭാഗം ന്യായീകരിക്കാനുമായി പെടാപ്പാട് പെടുന്ന താരങ്ങളെയാണ് പരിപാടിയില്‍ കാണുന്നത്. രഞ്ജിനിയും അതിഥിയും സാബുവുമൊക്കെ ഇക്കാര്യത്തെക്കുറിച്ച് പറയുന്നുണ്ടായിരുന്നു. തങ്ങള്‍ക്ക് സംശയം തോന്നിയതും പറഞ്ഞതുമൊക്കെ എന്തൊക്കെ കാര്യങ്ങളാണെന്നാണ് ഓരോരുത്തരും ആലോചിക്കുന്നത്.

പൊട്ടിക്കരച്ചിലോടെ പേളി

മത്സരത്തില്‍ നിന്നും ഇടയ്ക്ക് പുറത്തേക്ക് പോവുന്നതിനെക്കുറിച്ച് ചിന്തിച്ചിരുന്നുവെന്നും ആകെ തകര്‍ന്നിരിക്കുന്ന അവസ്ഥയില്‍ താങ്ങായത് സുരേഷാണെന്നും അദ്ദേഹത്തെ തനിക്കൊരിക്കലും അവഗണിക്കാനാവില്ലെന്നും താരം പറഞ്ഞിരുന്നു. വീണ്ടും ഈ വിഷയം ചര്‍ച്ചയ്ക്ക് വന്നപ്പോള്‍ പേളി പൊട്ടിക്കരയുകയായിരുന്നു. താന്‍ പരിപാടിയില്‍ നിന്നും പിന്‍വാങ്ങുകയാണെന്നും താരം പറഞ്ഞിരുന്നു. പരിപാടിയുടെ ലേറ്റസ്റ്റ് പ്രമോയില്‍ ഇക്കാര്യം കാണാവുന്നതാണ്.

സുരേഷിന്റെ നിസ്സഹായത

പേളിക്ക് തന്നോട് പ്രണയമാണെന്നും അതേക്കുറിച്ച് മനസ്സിലാക്കിയപ്പോഴാണ് വീട്ടിലേക്ക് പോവാനായി ശ്രമിച്ചിരുന്നതെന്നും സുരേഷ് പറഞ്ഞിരുന്നു. ഞെട്ടലോടെയായിരുന്നു പേളി ഇക്കാര്യത്തെക്കുറിച്ച് കേട്ടത്. താരത്തെക്കുറിച്ച് മറ്റുള്ളവര്‍ നടത്തുന്ന ചര്‍ച്ചയും മോശമായി ചിത്രീകരിക്കാനുള്ള ശ്രമവും കണ്ടുനില്‍ക്കാനുള്ള കെല്‍പ്പ് തനിക്കില്ലെന്നും അതാണ് താന്‍ ആ വിഷയത്തില്‍ ഇടപെടുന്നതെന്നുമാണ് സുരേഷ് പറഞ്ഞത്.