സാബു - പേളി ആര്‍മി ഗ്രൂപ്പുകള്‍ ഉണ്ടായത് ഇങ്ങനെ!! മോഹന്‍ലാല്‍ വെളിപ്പെടുത്തുന്നു...

വിമർശനങ്ങൾ

ബിഗ്ബോസ് ഷോയെ കുറിച്ചുള്ള പ്രഖ്യാപനത്തിനു ശേഷം സമൂഹത്തിന്റെ വിവിധ ഭാഗത്ത് നിന്ന് വിമർശനങ്ങളായിരുന്നു ഉയർന്നത്. മറ്റുളള ഭാഷകളിലെ ബിഗ്ബോസ് ഷോയെ കുറിച്ചുളള വിവാദങ്ങളും ഇതിലെ മത്സരാർഥികളെ കുറിച്ചും ആരോപണങ്ങളും വൻ വിമർശനത്തിനു വഴിവെച്ചിരുന്നു. ഇത് ഷോയെ ആദ്യകാലങ്ങളിൽ ബാധിക്കുകയും ചെയ്തിരുന്നു. എന്നാൽ ഷോയുടെ ഘടനരീതിയും പാറ്റേണും മനസ്സിലാക്കിയ പ്രേക്ഷകർ ഷോയ്ക്ക് തങ്ങളുടെ സ്വീകരണ മുറിയിൽ സ്ഥാനം കൊടുക്കുകയായിരുന്നു.

വലിയ ചർച്ചയായി

ബിഗ്ബോസ് ഷോയുടെ വിജയം എന്റർടെയ്ൻമെന്റ് ഇൻസ്ട്രിയുടെ മാജിക്കായിരുന്നു എന്നാണ് മോഹൻലാൽ പറഞ്ഞത്. പ്രേക്ഷകർ അത്രയധികം ഷോയുമായി ഇഴുകി ചേർന്നിരുന്നു. ഷോയെ കുറിച്ച് മനസ്സിലാക്കാൻ പ്രേക്ഷകർ കുറച്ചു സമയം എടുത്തിരുന്നു. പിന്നീട് നമ്മൾ തന്നെ അറിയാതെ അവരുടെ സ്വീകരണ മുറികളിൽ ബിഗ്ബോസ് ഒരു ചർച്ചയായി മാറുകയായിരുന്നു.

ബിഗ്ബോസിന്റെ വിജയം

ഒരു സിനിമ കാണുമ്പോൾ ഇങ്ങനെയൊരാളെ എനിയ്ക്ക് അറിയാമല്ലോ അല്ലെങ്കിൽ ഇങ്ങനെ ഒരു സംഭവം വീട്ടിനുള്ളിൽ ഉണ്ടായി എന്നൊക്കെ നമുക്ക് മനസ്സിലാക്കാൻ സാധിക്കും. അതു പോലെ പ്രേക്ഷകർക്കും ഇത്തരത്തിലുളള പല സംഭവങ്ങളും ബിഗ്ബോസ് വീട്ടിനുളളിൽ നിന്ന റിലേറ്റ് ചെയ്യാൻ പറ്റിയാൽ അതാണ് ആ ഷോയുടെ വിജയമെന്നും മോഹൻലാൽ പറഞ്ഞു.

ബിഗ്ബോസ് ആർമികൾ

തനിയ്ക്ക് ചെയ്യാൻ പറ്റാത്ത കാര്യങ്ങൾ മറ്റൊരാൾ ചെയ്യുമ്പോൾ കണ്ടു നിൽക്കുന്നവർ അതിൽ ആകൃഷ്ടിതരാകും. അപ്പോൾ അവിടെ ഒരു ഹീറോയിസം ഉണ്ടാകും. അങ്ങനെയാണ് ഫാൻസ് ഉണ്ടാകുന്നത്. ഇങ്ങനെ ഒന്നിലധികം ആളുകൾ ചേരുമ്പോൾ ആർമികൾ രൂപപ്പെടും. ഈ ആർമി എന്നുള്ള പേര് പുതിയ വാക്കാണ്. ബിഗ്ബോസ് എന്നത് ഒരു ഗെയിം ആണ്. കളിയെ കളിയായി എടുക്കുമ്പോൾ തന്നെ ഒരു സ്പേർട്സ്മാൻ സ്പിരിറ്റ് ഉണ്ടാകുമെന്നും ലാലേട്ടൻ പറയുന്നുണ്ട്.

മാറ്റം

ബിഗ് ബോസ് നമ്മളിലേയ്ക്ക് തന്നെ തിരിച്ച് വെച്ചിരിക്കുന്ന ഒരു കണ്ണാടിയാണ്. നമ്മളെ തന്നെ മനസിലാക്കി തരുന്ന ഒരു കണ്ണാടിയാണ് ബിഗ് ബോസ്. ഷോ കഴിഞ്ഞ് പുറത്തിറങ്ങുമ്പോൾ അവരിൽ മെന്റാലായും സ്പിരിച്ച്യുലായും ആ മാറ്റം പ്രകടമാകുക തന്നെ ചെയ്യും. ഹൗസിലുണ്ടായിരുന്ന പല വ്യക്തികളും അവർക്ക് ലൈഫിൽ മാറ്റമുണ്ടായി എന്നാണ് പറയുന്നത്. ഇവർ ഒന്നുകൂടി ഈ ഷോ കാണുമ്പോൾ നമ്മൾ ഇങ്ങനെയായിരുന്നോ എന്ന് മനസിലാക്കും.