ലാലേട്ടന് മുന്നിൽ ചോദ്യവും ജനങ്ങൾ!! അറിയേണ്ടത് ബിഗ് ബോസിന്റെ തിരക്കഥ‌? താരത്തിന്റെ മറുപടി കാണൂ

ജനങ്ങളുടെ മനസിലുളള ചോദ്യങ്ങൾ

ആദ്യ കാലങ്ങളിൽ ഷോയുടെ കുതിപ്പിന്റെ വേഗത കുറഞ്ഞുവെങ്കിലും പിന്നീട് ബിഗ് ബോസ് റിയാലിറ്റി വൻ മുന്നേറ്റമാണ് നടത്തി കൊണ്ടിരിക്കുന്നത്. ബിഗ് ബോസ് ഹൗസിൽ നടക്കുന്ന പലകാര്യങ്ങളും വിശ്വസിക്കാൻ കഴിയാത്തതാണ്. ഇതിനെ തുടർന്ന് നിരവധി സംശയങ്ങൾ പ്രേക്ഷകരുടെ മനസിൽ എത്തുന്നുണ്ട്. അത് സാഷ്യൽ മീഡിയയിലൂടേയും മറ്റും ജനങ്ങൾ പ്രകടിപ്പിക്കുന്നു.

പ്രേക്ഷകർക്ക് മറുപടിയുമായി ലാലേട്ടൻ

ബിഗ് ബോസിനെ കുറിച്ച് ഉയരുന്ന പ്രേക്ഷകരുടെ ചോദ്യത്തിന് മറുപടിയുമായി മോഹൻലാൽ തന്നെ രംഗത്തെത്തിയിരിക്കുകയാണ്. ലൈവിൽ എത്തിയാണ് ലാലേട്ടൻ പ്രേക്ഷകർക്ക് മറുപടി നൽകിയത്. ഇതിനു മുൻപും പ്രേക്ഷകരുടെ ചോദ്യങ്ങൾക്ക് മറുപടിയുമായി ലാലേട്ടൻ എത്തിയിരുന്നു.

ബിഗ് ബോസിന്റെ തിരക്കഥ‌

ബിഗ് ബോസ് ഹൗസിൽ നടക്കുന്ന സംഭവവികാസങ്ങളുടെ പശ്ചാത്തലത്തിൽ എല്ലാവരും ചോദിക്കുന്നത് ബിഗ്ബോസ് തിരക്കഥയുടെ അടിസ്ഥാനത്തിലാണോ നടക്കുന്നതെന്നാണ്. എന്നാൽ ഇതിന് വ്യക്തമായ മറുപടി ലാലേട്ടൻ നൽകിയിട്ടുണ്ട്. ബിഗ് ബോസ് ഷോ സ്ക്രിപ്റ്റഡ് അല്ലെന്നും മത്സരാർഥികളുടെ കയ്യിലാണ് ഷോ.

മത്സരാർഥികളുടെ കയ്യിലാണ് ഷോ

ബിഗ് ബോസ് ഷോയിലെ മത്സരാർഥികളുടെ കയ്യിലാണെന്നും അത് അനുസരിച്ചാണ് താനും മുന്നോട്ട പോകുന്നതെന്നും ലാലേട്ടൻ പറഞ്ഞു. അവരുടെ മറുപടിയ്ക്കനുസരിച്ചാണ് കാര്യങ്ങളുടെ പോക്കെന്നും അദ്ദേഹം മറുപടി പറഞ്ഞു. ചോദ്യങ്ങൾക്ക് വളറെ ശ്രദ്ധ പൂർവ്വമാണ് ലാലേട്ടൻ മറുപടി നൽകിയത്.

എലിമിനേഷനെ കുറിച്ച്

മത്സരാർഥികളുടെ വേർപാട് വേദനാജനകമാണെന്നും ലാലേട്ടൻ പറ‍ഞ്ഞു. പുറത്തു പോകുന്നവരിൽ ഭൂരിഭാഗം പറയുന്നത് തങ്ങളെ ബിഗ് ബോസ് മനസിലാക്കിയില്ല എന്നാണ്. പുറത്തു പോകുന്നവർ കരയുമ്പോൽ തനിയ്ക്കും സങ്കടം വരാറുണ്ട്. പക്ഷെ എന്‍റെ സങ്കടത്തിന് ഇവിടെ സ്ഥാനമില്ലെന്നും ലാലേട്ടൻ പറ‍ഞ്ഞു

ബിഗ് ബോസിലെ ഓണം

ബിഗ് ബോസില്‍ ഓണമുണ്ടാകുമോ എന്ന ചോദ്യത്തിന് തീര്‍ച്ചയായും ഉണ്ടാകും. കൂടാതെ അവരെ തേടി വലിയ വലിയ സര്‍പ്രൈസുകള്‍ അവരെ കാത്തിരിക്കുന്നുണ്ടെന്നും മോഹന്‍ലാല്‍ പറഞ്ഞു. മനസിന്‍റെ ശുദ്ധീകരണായി മാറുന്ന ഷോയാണിതെന്നും മോഹന്‍ലാല്‍ പറഞ്ഞു.