'കല്യാണിയെ മലർത്തിയടിച്ച് വിക്രം', ആ പാവത്തിനോട് ഇങ്ങനെയൊക്കെ ചെയ്യാമോയെന്ന് ആരാധകർ

പ്രകാശന്റേയും ദീപയുടേയും രണ്ടാമത്തെ മകളാണ് കല്യാണി. പെൺകുട്ടികളെ വെറുപ്പായ പ്രകാശന് അപ്രതീക്ഷിതമായിട്ടാണ് കല്യാണി ജനിക്കുന്നത്. സംസാര ശേഷിയില്ലാത്ത കല്യാണിയെ ഇയാൾ കൂടുതൽ വെറുക്കുകയായിരുന്നു. സ്വന്തം മകളാണെന്നുള്ള പരിഗണന പോലും കല്യാണിയ്ക്ക് നൽകിയിരുന്നില്ല. സ്കൂളിൽ പോലും വിടാതെ വീട്ടിൽ തളച്ച് ഇടുകയായിരുന്നു. വേലക്കാരിയ്ക്ക് സമാനമായിട്ടായിരുന്നു കല്യാണിയെ കണ്ടിരുന്നത്. കല്യാണിക്ക് ശേഷം പ്രകാശനും ദീപയ്ക്കും വിക്രമാദിത്യൻ എന്നൊരു മകൻ ജനിക്കുന്നു. പ്രകാശന്റെ ആഗ്രഹം പോലെ ജനിച്ച മകനെ വളരെ കാര്യമായിട്ടായിരുന്നു വളർത്തിയത്. മകൻ വിക്രമിന് കൊടുത്ത സ്നേഹത്തിന്റെ ഒരു തരിപോലും പാവം കല്യാണിക്ക് പ്രകാശൻ നൽകിയില്ല. അച്ഛനെ പോലെ തന്നെ മകനും അഹങ്കാരിയായി മാറുകയായിരുന്നു.

കല്യാണിയുടെ ജീവിതത്തിൽ കിരൺ എത്തുന്നതോടെയാണ് സീരിയലിന്റെ കഥ മാറുന്നത്. കല്യാണിയോടുള്ള കിരണിന്‌റെ അടുപ്പം പ്രകാശനേയും മകനേയും ചൊടിപ്പിച്ചിരുന്നു. മകളുടെ പതനം കാണാൻ ആഗ്രഹിക്കുന്ന അച്ഛനാണ് പ്രകാശൻ. തന്റെ മകനേക്കാളും നല്ല ജീവിതം കല്യാണിക്ക് ലഭിക്കരുതെന്നാണ് ഇയാളുടെ ആഗ്രഹം. അതിനായി ആ പാവം പെൺകുട്ടിയെ ഇയാൾ കൊല്ലാൻ വരെ നേക്കുന്നുണ്ട്. എന്നാൽ എല്ലാ ദുരന്തങ്ങളിൽ നിന്നും കിരൺ കല്യാണിയെ രക്ഷിക്കുകയായിരുന്നു. കിരണിന്റെ സഹോദരി സോണിയെ ആണ് വിക്രം വിവാഹം കഴിച്ചിരിക്കുന്നത്. ചതിയിലൂടെയാണ് സോണിയെ വിവാഹം കഴിച്ചത്. വിവാഹത്തിന് ശേഷം സോണി വിക്രമിന്റെ യഥാർത്ഥ സ്വാഭാവം മനസ്സിലാക്കുന്നു.

തുടക്കത്തിൽ കൊടിയ പീഡനങ്ങളാണ് കല്യാണിക്ക് വീട്ടിൽ നിന്ന് അനുഭവിക്കേണ്ടി വന്നത്. ആദ്യമൊക്കെ മൗനം പാലിച്ച കല്യാണി പിന്നീട് ഇവരോട് ശക്തമായി പ്രതികരിക്കുകയായിരുന്നു. കിരൺ ജീവിതത്തിൽ എത്തിയതോടെയാണ് ഈ മാറ്റം വന്നത്. വീട്ടിലെ അടുക്കളയിൽ തളച്ചിട്ടിരുന്ന കല്യാണിയെ കിരൺ പുറം ലോകത്തേയ്ക്ക് കൂട്ടിക്കൊണ്ട് വരുകയായിരുന്നു. മാന്യമായ ഉയർന്ന ശമ്പളമുള്ള ജോലി വാങ്ങി കൊടുക്കുകയും ചെയ്തു. കല്യാണിയുടെ വളർച്ച പ്രകാശനേയും മകൻ വിക്രമിനേയും ചൊടിപ്പിച്ചിരുന്നു. കല്യാണിയെ തകർക്കാനുള്ള സകല പ്ലാനും ഇവർ നോക്കിയിരുന്നു, അതൊക്കെ പിന്നീട് ഈ അച്ഛനും മകനും പാരയാവുകയായിരുന്നു. കല്യാണിയെ വകവരുത്താൻ നോക്കിയ പ്ലാനിൽ വിക്രം പെട്ട് സൗണ്ട് നഷ്ടപ്പെട്ടിരിക്കുകയാണ്. എന്നിട്ടും ഈ അച്ഛനും മകനും ആ പാവം പെൺകുട്ടിയോടുള്ള ശത്രുത മാറിയിട്ടില്ല.

ഇപ്പോൾ സോഷ്യൽ മീഡിയയിൽ വൈറലാവുന്നത് കല്യാണിയെ മലർത്തി അടിക്കുന്ന വിക്രമിന്റെ വിഡിയോയാണ്. ഇത് സീരിയലിൽ ഉള്ളതല്ല. താരങ്ങളുടെ ഓഫ് സ്ക്രീൻ വീഡിയോ സോഷ്യൽ മീഡിയയിൽ വൈറലായിട്ടുണ്ട് ഐശ്വര്യയാണ് രസകരമായ വീഡിയോ ഇൻസ്റ്റഗ്രാമിൽ പങ്കുവെച്ചിരിക്കുന്നത്. ഇതാണ് അണ്ണൻ തങ്കച്ചി പാസം എന്ന കുറിപ്പോടെയാണ് വീഡിയോ ഷെയർ ചെയ്തിരിക്കുന്നത്. ഐശ്വര്യയെ കയ്യിൽ കോരിയെടുത്ത് ഗുസ്‍തിയിലെന്ന പോലെ മലർത്തിയടിക്കുകയാണ് കല്യാൺ. വീഡിയോയുടെ പശ്ചാത്തലത്തി ഗുസ്‍തിയുടെ കമന്ററിയും കേൾക്കാം. രസകരമായ കമന്റുകളാണ് വീഡിയോയ്ക്ക് ലഭിക്കുന്നത്. എന്നാലും ഇങ്ങനെയൊക്കെ ചെയ്യാമോയെന്നാണ് ആരാധകർ ചോദിക്കുന്നത്. ആ പാവത്തിന്റെ നടു ഒടിച്ചോയെന്നും കല്യാണി ഫാൻസ് ചോദിക്കുന്നു.