അനിയത്തി അമ്മയായി, നോര്‍മല്‍ ഡെലിവറി ആയിരുന്നു; കുഞ്ഞിന് പേര് കണ്ടുവെച്ചിട്ടുണ്ടെന്നും നടി മൃദുല വിജയ്

അങ്ങനെ ഞാനൊരു വല്യമ്മയായി. അതിന്റെ സന്തോഷത്തിലാണ് ഞങ്ങളെന്നാണ് നടി പറയുന്നത്. പാര്‍വതിയുടേത് നോര്‍മല്‍ ഡെലിവറി ആയിരുന്നു. ഇന്ന് അമ്മയും കുഞ്ഞും വീട്ടിലെത്തും. കുഞ്ഞിനിടാനുള്ള പേര് കണ്ടെത്തിയിട്ടുണ്ട്. 28 കഴിഞ്ഞ എല്ലാവരോടും പറയാം എന്നാണ് തീരുമാനിച്ചിരിക്കുന്നതെന്നും മൃദുല പറയുന്നു. അതേസമയം താനും അമ്മയാവാന്‍ പോവുന്നതിന്റെ സന്തോഷം കൂടി നടി പങ്കുവെച്ചിരുന്നു.

താനിപ്പോള്‍ മൂന്ന് മാസം ഗര്‍ഭിണിയാണ്. ചേച്ചിയും അനിയത്തിയും ഒരു വീട്ടില്‍ ഗര്‍ഭിണിയായ ദിവസങ്ങള്‍ വളരെ രസകരമായിരുന്നു. യാദൃശ്ചികമായി അങ്ങനെ വന്നപ്പോള്‍ എല്ലാവര്‍ക്കും വലിയ കൗതുകമായി. ഒരാള്‍ എത്തി, ഇനി അടുത്ത ആള്‍ക്ക് വേണ്ടിയുള്ള കാത്തിരിപ്പിലാണ് എല്ലാവരും. അതേസമയം മൃദുലയും പാര്‍വതിയും ചേര്‍ന്ന് നിറവയറില്‍ ഡാന്‍സ് കളിക്കുന്ന വീഡിയോ അടുത്തിടെ പുറത്തു വന്നിരുന്നു. താരസഹോദരിമാരുടെ വീഡിയോയ്ക്ക് വന്‍ പ്രേക്ഷക പിന്തുണ ലഭിച്ചു. എന്നാല്‍ ചിലര്‍ ഇതിനെതിരെ വ്യാപക വിമര്‍ശനങ്ങളുമായി വരികയും ചെയ്തു.

'വിമര്‍ശനങ്ങള്‍ എന്തായാലും ഉണ്ടാകുമെന്ന് ഉറപ്പായിരുന്നു. നെഗറ്റീവ് കമന്റുകള്‍ എത്തുമ്പോഴാണ് കൂടുതല്‍ ആളുകളിലേക്ക് എത്തുന്നതെന്ന് മനസ്സിലായി. അത്രയേറെ റീച്ച് അതിന് കിട്ടിയിരുന്നു. നമ്മളെക്കാള്‍ അസ്വസ്ഥതയാണ് കണ്ടുന ില്‍ക്കുന്നവര്‍ക്ക് നമുക്ക് കുഴപ്പമൊന്നുമില്ല. അവര്‍ക്കാണ് പ്രശ്‌നമെന്നും മൃദുല പറയുന്നു. നിലവില്‍ ഗര്‍ഭിണിയായതോടെ തല്‍ക്കാലം സീരിയലുകളില്‍ നിന്നും മാറി നില്‍ക്കാമെന്ന് തീരുമാനത്തിലായിരുന്നു നടി.

അതേസമയം ടെലിവിഷനിലെ മറ്റു പ്രോഗ്രാമുകളില്‍ പങ്കെടുക്കാമെന്നുള്ള തീരുമാനവും ഉണ്ടെന്ന് മൃദുല വ്യക്തമാക്കുന്നു. ഇനി പ്രസവത്തിന് ശേഷം ആയിരിക്കും അഭിനയത്തില്‍ സജീവം ആവുകയുള്ളൂ. പാര്‍വ്വതിയും ഇപ്പോള്‍ സീരിയലില്‍ നിന്നും മാറി നില്‍ക്കുകയാണ്. വിവാഹം കഴിഞ്ഞതോട് കൂടി മാറി നിന്ന നടി രണ്ട് വര്‍ഷത്തോളമായി അഭിനയം വിട്ടിട്ട്. എങ്കിലും സീരിയലില്‍ നിന്നും നല്ല വേഷങ്ങള്‍ കിട്ടിയാല്‍ തിരിച്ചു വന്നേക്കും എന്നാണ് മൃദുല പറയുന്നത്. പാര്‍വതിയുടെ ഭര്‍ത്താവ് സീരിയല്‍ ക്യാമറാമാന്‍ ആയതിനാല്‍ പാര്‍വതിക്കും സീരിയലില്‍ തന്നെ അവസരം കിട്ടുന്നത് ആയിരിക്കും നല്ലത് എന്നാണ് മൃദുല പറയുന്നത്.

Recommended Video

നയൻതാരയെ ചെറുപ്പത്തിൽ വിളിച്ച് പറ്റിച്ച കഥ പറഞ്ഞ് Dhyan Sreenivasan | FilmiBeat Malayalam

കുടുംബവിളക്ക് സീരിയലിലെ ശീതള്‍ എന്ന കഥാപാത്രത്തിലൂടെയാണ് പാര്‍വതി വിജയ് അഭിനയിക്കുന്നത്. ആദ്യ സീരിയലിലെ കഥാപാത്രം ശ്രദ്ധിക്കപ്പെട്ടെങ്കിലും ലൊക്കേഷനില്‍ നിന്നും ക്യാമറമാനുമായി ഇഷ്ടത്തിലായി. ഇരുവരും പെട്ടെന്ന് വിവാഹം കഴിച്ചതോട് കൂടിയാണ് അതില്‍ നിന്നും പിന്മാറുന്നത്. നടി മൃദുല തുമ്പപ്പൂ എന്ന സീരിയലില്‍ അഭിനയിച്ച് കൊണ്ടിരിക്കുകയായിരുന്നു. ഗര്‍ഭിണിയായതോട് കൂടി അതും നടി ഉപേക്ഷിച്ചു.