ബാച്ചിലറായുളള അവസാന ഷൂട്ട്, വിവാഹത്തിനായി ബ്രേക്ക് എടുത്ത് മൃദുല വിജയ്, വീഡിയോ

സീരിയല്‍ ചിത്രീകരണത്തില്‍ നിന്നും താല്‍ക്കാലികമായി ബ്രേക്ക് എടുത്ത വിവരം അറിയിച്ചാണ് മൃദുല എത്തിയത്. ബാച്ചിലര്‍ ആയിട്ടുളള തന്‌റെ അവസാന ദിവസത്തെ ഷൂട്ട് കഴിഞ്ഞുവെന്നും എല്ലാവരോടും യാത്ര പറഞ്ഞുവെന്നും പുതിയ വീഡിയോയില്‍ മൃദുല പറയുന്നു. കൂടാതെ താന്‍ പോകുന്നതില്‍ ലൊക്കേഷനിലുളള പലര്‍ക്കും വിഷമമാണെന്നും ചിരിയോടെ വീഡിയോയില്‍ താരം പറയുന്നു.

പൂക്കാലം വരവായി സീരിയലിലൂടെയാണ് മൃദുല വിജയ് നിലവില്‍ പ്രേക്ഷകര്‍ക്ക് മുന്നിലെത്തുന്നത്. ഏറെക്കാലമായി മികച്ച പ്രതികരണം നേടി മുന്നേറുന്ന പരമ്പരയാണിത്. മഞ്ഞില്‍ വിരിഞ്ഞ പൂവിലൂടെ യുവകൃഷ്ണയും എല്ലാവരുടെയും ഇഷ്ടതാരമായി. നടി രേഖ രതീഷ് വഴി വന്ന ആലോചനയ്ക്ക് ശേഷമാണ് മൃദുലയും യുവയും ഒന്നാകാന്‍ തീരുമാനിച്ചത്.

അതേസമയം എന്‍ഗേജ്‌മെന്‌റിന് പിന്നാലെ നിരവധി ചാനല്‍ പരിപാടികളില്‍ അതിഥികളായി എത്തിയിരുന്നു യുവയും മൃദുലയും. സ്റ്റാര്‍ മാജിക്ക് ഉള്‍പ്പെടെയുളള ഷോയുടെ എപ്പിസോഡുകളില്‍ ഇരുവരും പങ്കെടുത്തു. കൂടാതെ യൂടൂബ് ചാനലിലൂടെയും വിശേഷങ്ങള്‍ പങ്കുവെച്ച് മൃദുലയും യുവയും എത്തി. മൃദ്‌വ എന്ന പേരിലാണ് താരജോഡി സോഷ്യല്‍ മീഡിയയില്‍ അറിയപ്പെടുന്നത്.

തന്‌റെ അച്ഛനും അമ്മയുമായി നല്ല കൂട്ടാണ് യുവയെന്ന് അടുത്തിടെ മൃദുല പറഞ്ഞിരുന്നു. മൃദുലയുടെ വീട്ടില്‍ ഡ്രോപ്പ് ചെയ്യാന്‍ പോയപ്പോഴാണ് വിവാഹം കഴിക്കാന്‍ ആഗ്രഹമുണ്ടെന്ന് മാതാപിതാക്കളെ അറിയിച്ചതെന്ന് യുവയും പറഞ്ഞു. മൃദുല തന്നെയാണ് വീട്ടില്‍ പറയണമെന്ന് പറഞ്ഞത്. മൃദുലയെ തനിക്ക് ഇഷ്ടമാണെന്നും വിവാഹം കഴിക്കാന്‍ താല്‍പര്യമുണ്ടെന്നും ആണ് അന്ന് യുവ അറിയിച്ചത്. തുടര്‍ന്ന് എന്‍ഗേജ്‌മെന്‌റ് നടക്കുകയായിരുന്നു. എന്‍ഗേജ്‌മെന്‌റിന് മുന്‍പ് പരസ്പരം എല്ലാ കാര്യങ്ങളും അങ്ങോട്ടും ഇങ്ങോട്ടും പറഞ്ഞിരുന്നു എന്നും യുവയും മൃദുലയും മുന്‍പ് പറഞ്ഞു.