സിദ്ദിഖിനെ സായി കുമാര്‍ എന്ന് വിളിക്കുന്നവരുണ്ട്! നെവര്‍ ഹാവ് ഐ എവറില്‍ മുകേഷും സിദ്ദിഖും പറയുന്നു

ഇഷ്ടപ്പെടാത്ത സിനിമയെ പുകഴ്ത്തി പറഞ്ഞിട്ടുണ്ടോ?

ഇഷ്ടപ്പെടാത്ത സിനിമയെ പുകഴ്ത്തി പറഞ്ഞിട്ടുണ്ടോ എന്ന ചോദ്യത്തിന് ഇല്ലെന്നായിരുന്നു രണ്ട് പേരുടെയും ഉത്തരം. ഇഷ്ടപ്പെട്ട സിനിമയെ കുറിച്ച് പോലും പറഞ്ഞിട്ടില്ലെന്നാണ് സിദ്ദിഖ് പറയുന്നത്. താനും ഒന്നും പറഞ്ഞിട്ടില്ലെന്നാണ് മുകേഷ് പറയുന്നത്. അയാള്‍ ദുഖിച്ചിരിക്കുമ്പോള്‍ ഒരു വകയ്ക്ക് കൊള്ളാത്ത സാധനമെന്ന് പറഞ്ഞിട്ടെന്തിനാന്നും താരം ചോദിക്കുന്നു.

ഏതെങ്കിലും സിനിമയില്‍ അഭിനയിച്ചതില്‍ ഖേദം തോന്നിയിട്ടുണ്ടോ?

ഈ ചോദ്യത്തിന് ഉണ്ടെന്നാണ് മുകേഷ് പറയുന്നത്. ഇല്ലെന്നാണ് സിദ്ദിഖിന്റെ അഭിപ്രായം. എന്റെ ഒരു സിനിമ അത് വിചാരിച്ച് കണക്കിന് വിജയിച്ചില്ല. ആ സമയത്ത് ഞാന്‍ മമ്മൂക്കയെ കണ്ടിരുന്നു. അപ്പോള്‍ മമ്മൂക്ക മുറിയില്‍ വെച്ച് നീ എന്തിനാണ് ആ സിനിമ ചെയ്തത്. വളരെ മോശം അഭിപ്രായമാണതിന് എന്ന് പറഞ്ഞിട്ടുണ്ട്. ഞാന്‍ അന്നേരം എനിക്ക് ഒരു രണ്ട് മൂന്ന് മിനുറ്റ് തരുമോന്ന് ചോദിച്ചു. എന്നിട്ട് ആ സിനിമയുടെ കഥ എന്നോട് പറഞ്ഞ് രീതിയില്‍ ഞാന്‍ അങ്ങോട്ട് പറഞ്ഞ് കൊടുത്തു. ഇങ്ങനെ കഥ പറഞ്ഞാല്‍ ഈ സിനിമ ഞാനും ചെയ്യുമെന്നാണ് മമ്മൂക്ക പറഞ്ഞത്.

ആര്‍ക്കെങ്കിലും തെറ്റായ ഫോണ്‍ നമ്പര്‍ കൊടുത്തിട്ടുണ്ടോ?

എന്നോട് അങ്ങനെ ആരും ചോദിക്കാറ് പോലുമില്ലെന്നാണ് സിദ്ദിഖ് പറയുന്നത്. ഞാന്‍ അങ്ങനെ നമ്പര്‍ കൊടുത്തിട്ടില്ല പക്ഷെ ഞാനൊരിക്കല്‍ ഫോണിന് അപേക്ഷ കൊടുത്തിട്ടുണ്ട്. കണക്ഷന്‍ കിട്ടി കഴിഞ്ഞാല്‍ പറയാമെന്ന് പറഞ്ഞിട്ടുണ്ടെന്നാണ് മുകേഷ് പറയുന്നത്. അത് അപ്പോള്‍ തന്നെ വിശ്വസിച്ച് പോയിട്ടുണ്ടെന്നും താരം പറയുന്നു.

മറ്റൊരു നടന് ഒരു റോള്‍ കിട്ടിയതില്‍ അസൂയ തോന്നിയിട്ടുണ്ടോ?

മുകേഷിന് ഉണ്ടെന്നും സിദ്ദിഖിന് ഇല്ലെന്നുമായിരുന്നു ഉത്തരം. എനിക്ക് ഒരുപാട് നല്ല കഥാപാത്രങ്ങള്‍ കിട്ടിയിട്ടുള്ളതിനാല്‍ അങ്ങനെ അസൂയ തോന്നിയിട്ടില്ലെന്നാണ് സിദ്ദിഖ് പറയുന്നത്. പല സിനിമകള്‍ കാണുമ്പോള്‍ ആ സിനിമയില്‍ ഞാന്‍ ഉണ്ടായിരുന്നെങ്കില്‍ എന്ന് വിചാരിച്ചിട്ടുണ്ടെന്നും താരം പറയുന്നു. എനിക്ക് പറഞ്ഞ് വെച്ചിരുന്ന ഞാന്‍ ചെയ്യണമെന്ന് പറഞ്ഞിരുന്ന സിനിമ അവര് സമയം മാറ്റുകയോ മറ്റോ ചെയ്യുമ്പോള്‍ എനിക്ക് മിസ് ആയിട്ടുണ്ട്. അതേ കഥാപാത്രം വേറെ ആളുകള്‍ ചെയ്തിട്ടുണ്ട്. അന്നേരം അത് കാണുമ്പോള്‍ അതില്‍ സങ്കടം തോന്നിയിട്ടുണ്ടെന്നാണ് മുകേഷ് പറയുന്നത്.

മറ്റൊരു അഭിനേതാവായി മാറി പോയിട്ടുണ്ടോ?

ഉണ്ടെന്നായിരുന്നു രണ്ട് പേരുടെയും ഉത്തരം. എന്നെ ഒരുപാട് കാലം സായി കുമാറല്ലെന്ന്് ചോദിച്ചിട്ടുണ്ട്. ദേ സായി കുമാര്‍ പോവുന്നു എന്നൊക്കെ പറയാറുണ്ടായിരുന്നു. അപ്പോള്‍ ഞാനിത് മണിയന്‍പിള്ള രാജുവിനോട് പറഞ്ഞിട്ടുണ്ടെന്നും സിദ്ദിഖ് പറയുന്നു. എന്നെ കൂടുതല്‍ പ്രാവിശ്യം തെറ്റി പോയൊരു നടനുണ്ട്. അയാളുടെ പേര് പറയില്ലെന്നാണ് മുകേഷ് പറയുന്നത്. പക്ഷെ ഞാന്‍ വിളിക്കുന്ന ആളുടെ അടുത്ത് പറയും. ഒരു പ്രാവിശ്യം കൂടി വിളിച്ചാല്‍ അടികൊള്ളുമെന്ന് എന്നും മുകേഷ്.

പ്രായം കുറച്ച് പറഞ്ഞിട്ടുണ്ടോ?

ഇല്ലെന്നാണ് സിദ്ദിഖ്, ഉണ്ടെന്നും ഇല്ലെന്നും മുകേഷ് വ്യക്തമാക്കി. ഞാന്‍ പറയാറില്ല. പക്ഷെ ഒരിക്കല്‍ ഒരു നായിക നടി എന്നോട് ചോദിച്ചു എത്ര വയസായി. അന്ന് 49 ആയി എന്ന് പറഞ്ഞു. ആ കുട്ടി പറഞ്ഞു. 49 എന്റെ അച്ഛന്റെ വയസാണ്. അപ്പോള്‍ ഞാന്‍ നീ നിന്റെ അച്ഛനെ പോലെ എന്നെ ബഹുമാനിക്കാന്‍ പറഞ്ഞു. ആണിനെ സംബന്ധിച്ചിടത്തോളം പ്രായം എന്ന് പറയുന്നത് ഒരു നമ്പറാണെന്നാണ് സിദ്ദിഖ് പറയുന്നത്. ആരും എന്നോട് പ്രായം ചോദിച്ചിട്ടില്ലെന്ന് മുകേഷ് പറയുന്നു. ഇലക്ഷന് നിന്നപ്പോള്‍ എല്ലാം പുറത്ത് വന്നെന്നും താരം പറയുന്നു. ഇനിയിപ്പോ പറഞ്ഞാലെന്ത് ഇല്ലെങ്കിലെന്ത്..?

ഇന്റര്‍വ്യൂസില്‍ നുണ പറഞ്ഞിട്ടുണ്ടോ?

രണ്ട് പേരും ഇല്ലെന്ന് പറയുന്നു. എന്താണെന്ന് വെച്ചാല്‍ ഞാന്‍ കള്ളം പറയേണ്ടതായിട്ടുള്ള ചോദ്യം ആരും ചോദിച്ചിട്ടില്ലെന്നാണ് സിദ്ദിഖ് പറയുന്നത്. എനിക്കും നുണ പറയേണ്ടതായി വന്നിട്ടില്ലെന്ന് മുകേഷും പറയുന്നു. പക്ഷെ മറ്റുള്ള ആളുകള്‍ക്ക് അത് സന്തോഷമാവുകയാണെങ്കില്‍ നമ്മുടെ കള്ളവും സത്യവും അവിടെ പ്രശ്‌നമില്ലെന്നും താരം വ്യക്തമാക്കുന്നു.