അച്ഛന്‌റെ അസുഖത്തെ കുറിച്ച് പറഞ്ഞ് കണ്ണ് നിറഞ്ഞ് നയന്‍താര, വികാരധീനയായി നടി പറഞ്ഞത്‌

അതേസമയം നെട്രികണ്‍ വിശേഷങ്ങള്‍ പങ്കുവെച്ച് അവതാരക ദിവ്യദര്‍ശിനി അവതരിപ്പിച്ച പരിപാടിയില്‍ നയന്‍താര പങ്കെടുത്തിരുന്നു. സ്റ്റാര്‍ വിജയ് ചാനലിലാണ് പരിപാടി സംപ്രേക്ഷണം ചെയ്തത്‌. ഒന്നര മണിക്കൂര്‍ നീണ്ടുനിന്ന പ്രോഗ്രാമിലാണ് ലേഡീ സൂപ്പര്‍സ്റ്റാര്‍ എത്തിയത്. ഷോയുടെ പ്രൊമോ വീഡിയോ ദിവസങ്ങള്‍ക്ക് മുന്‍പ് തന്നെ സോഷ്യല്‍ മീഡിയയില്‍ വൈറലായതാണ്. തന്‌റെ പ്രണയത്തെ കുറിച്ചും വിവാഹത്തെ കുറിച്ചുമെല്ലാം സംസാരിച്ച നയന്‍ അച്ഛനെയും അമ്മയെയും കുറിച്ചും ആദ്യമായി മനസുതുറന്നു.

ടൈംമെഷീന്‍ കൈയ്യില്‍ വന്നാല്‍ എന്താണ് ആദ്യം ചെയ്യുക എന്നാണ് അവതാരക നടിയോട് ചോദിച്ചത്. ഇതിന് മറുപടിയായാണ് പിതാവിനെ കുറിച്ച് നടി മനസുതുറന്നത്. അച്ഛന്‌റെ അസുഖത്തെ കുറിച്ച് പറയുമ്പോള്‍ വികാരധീനയാവുകയായിരുന്നു താരം. അച്ഛന്‍ എയര്‍ഫോഴ്‌സ് ഉദ്യോഗസ്ഥനായിരുന്നു എന്ന് നയന്‍താര പറയുന്നു. പത്ത് വര്‍ഷത്തിലധികമായി അദ്ദേഹത്തിന് സുഖമില്ലാതെ ആയിട്ട്. ഒരു കൊച്ചുകുട്ടിയെ പോലെ അച്ഛനെ ശ്രദ്ധിക്കണം. ഞാന്‍ ഇക്കാര്യം എവിടെയും ഇതുവരെ പറഞ്ഞിട്ടില്ല.

ഇത് വളരെ സ്വകാര്യവും ഇമോഷണലുമായ ഒരു വിഷയമാണ്, നടി പറയുന്നു. അച്ഛന്‍ എന്നും എന്റെ ഹീറോയാണ്. ഇന്ന് എന്റെ ജീവിതത്തില്‍ ഒരു ചിട്ടയുണ്ടെങ്കില്‍, അധ്വാനിക്കാനുളള ആര്‍ജ്ജവമുണ്ടെങ്കില്‍, കൃത്യനിഷ്ടയുണ്ടെങ്കില്‍ അതെല്ലാം അച്ഛനില്‍ നിന്നും കിട്ടിയതാണ്. എന്നെ ഞാന്‍ ആക്കുന്നതില്‍ അദ്ദേഹത്തിന് വലിയ പങ്കുണ്ട്. അച്ഛനോടൊപ്പം അമ്മയ്ക്കും പങ്കുണ്ട്. എപ്പോഴും വളരെ പെര്‍ഫക്ടായിട്ട് മാത്രമേ അച്ഛനെ കണ്ടിട്ടുളളൂ എന്നും നടി പറയുന്നു.

അച്ഛനെ കുറിച്ച് ഇന്നും ഓര്‍മ്മയിലുളളത് എന്താണെന്നും നടി പറഞ്ഞു. മുടക്കമില്ലാതെ ജോലിയ്ക്ക് പോകാന്‍ യൂണിഫോം ധരിച്ച് എത്തുന്ന അച്ഛന്‍ ഇന്നും ഓര്‍മ്മയിലുണ്ട്‌. അദ്ദേഹത്തെ കുറിച്ച് നല്ലത് മാത്രമേ കേട്ടിട്ടുളളൂ. അങ്ങനെയുളള ഒരാള്‍ പെട്ടെന്ന് രോഗബാധിതനായി. ഞാന്‍ സിനിമയില്‍ എത്തി രണ്ട് മൂന്ന് വര്‍ഷം ആയ സമയത്ത് തന്നെ അച്ഛന് വയ്യാതെയായി എന്നും നയന്‍താര ഓര്‍ത്തെടുത്തു.

Recommended Video

ചിമ്പു, പ്രഭുദേവ, വിഘ്നേശ് ... ഇത്തവണ അത് നടക്കുമോ? | filmibeat Malayalam

അമ്മയാണ് അച്ഛന്‌റെ കാര്യങ്ങളെല്ലാം നോക്കുന്നത്. ഇത്രയും കാലം അമ്മ അച്ഛനെ പരിപാലിച്ചത് പോലെ വേറെ ആര്‍ക്കും അങ്ങനെ സാധിക്കില്ല. ഏകദേശം സമപ്രായക്കാരാണ് അവര്‍. അച്ഛന് ഇപ്പോള്‍ അസുഖം കൂടുതലാണെന്നും നിറകണ്ണുകളോടെ നടി പറഞ്ഞു. ആശുപത്രിയില്‍ ആണുളളത്. തീരെ വയ്യ. അച്ഛന്‌റെ അസുഖം മാറ്റിയെടുത്ത് അദ്ദേഹത്തെ പഴയ പോലെ കാണാന്‍ ആഗ്രഹമെന്നാണ് നയന്‍താര പറഞ്ഞത്.