സൂരജേട്ടന്‍ പിന്മാറിയത് നന്നായി, അദ്ദേഹത്തിന് ദൈവാനുഗ്രഹമുണ്ട്, പാടാത്ത പൈങ്കിളിയെ കുറിച്ച് ആരാധകര്‍

അതേസമയം സൂരജ് പിന്മാറിയതിന് ശേഷം നടന്‍ തിരിച്ചുവരണമെന്ന ആവശ്യവുമായി ആരാധകര്‍ എത്തിയിരുന്നു. പാടാത്ത പൈങ്കിളിയുടെതായി വരാറുളള വീഡിയോകള്‍ക്ക് താഴെയാണ് തങ്ങളുടെ ഇഷ്ടതാരത്തെ മടക്കികൊണ്ടുവരണമെന്ന് ആരാധകര്‍ ആവശ്യപ്പെടാറുളളത്. അതേസമയം പാടാത്ത പൈങ്കിളിയുടെ പുതിയ പ്രൊമോ വീഡിയോയ്ക്ക് താഴെയും കമന്റുകളുമായി സൂരജിന്‌റെ ആരാധകര്‍ എത്തിയിരുന്നു.

എന്നാല്‍ ഇത്തവണ പുതിയ വീഡിയോ കണ്ട് സൂരജേട്ടന്‍ പിന്മാറിയത് നല്ല തീരുമാനമായി എന്ന് ഒരാള്‍ കുറിച്ചു. പാടാത്ത പൈങ്കിളിയിലെ പുതിയ കഥാസന്ദര്‍ഭങ്ങള്‍ കണ്ടാണ് ഒരു ആരാധകന്‍ വീഡിയോയ്ക്ക് താഴെ യൂടൂബില്‍ ഇങ്ങനെ കുറിച്ചത്. 'ഇതിന്റെ പോക്ക് കണ്ടിട്ട് ഇതിലെ ആര്‍ട്ടിസ്റ്റുകള്‍ കഥ അറിയാണ്ട് ആട്ടം കാണുന്നവര്‍ ആണെന്ന് തോന്നുന്നു. സൂരജേട്ടന് നല്ല ദൈവാനുഗ്രഹമുണ്ട്. അതുകൊണ്ട് ദൈവം കറക്ട് ടൈമില്‍ അദ്ദേഹത്തെ ഈ ദുരന്തത്തില്‍ നിന്നു രക്ഷപ്പെടുത്തി' എന്നാണ് ഒരാള്‍ കുറിച്ചത്.

എന്നാല്‍ പുതിയ വീഡിയോയ്ക്ക് താഴെയും ഭൂരിഭാഗം പേരും സൂരജ് തിരിച്ചുവരണമെന്ന് വീണ്ടും ആവശ്യപ്പെടുകയാണ്. 'ഞങ്ങള്‍ക്ക് സൂരജേട്ടനെ ദേവയായി വേണമെന്നാണ്' ഒരു ആരാധിക കുറിച്ചത്. 'ഞങ്ങളുടെ ദേവ അന്നും ഇന്നും എന്നും സൂരജേട്ടന്‍' എന്ന് മറ്റൊരു കമന്റും വന്നു. സൂരജിനെ തിരിച്ചുകൊണ്ടുവരണമെന്ന് സംവിധായകനോട് ആവശ്യപ്പെടുന്നുമുണ്ട് ചിലര്‍.

'ഓര്‍മ്മകള്‍ വേരോടും ഈ നല്ല തീരത്ത്' ഈ പാട്ടു കേള്‍ക്കുമ്പോള്‍ മനസ്സില്‍ ഓടിയെത്തുന്നത് സൂര്‍ഷയുടെ(സൂരജ്-മനീഷ) മുഖമാണ്. എന്താണ് പാടാത്ത പൈങ്കിളി ടീം മറുപടി തരാത്തത്. സൂരജേട്ട്‌ന്‌റെ റീഎന്‍ട്രി പ്രതീക്ഷിക്കാമോ?. ലക്കി ചേട്ടന് വേറെ പ്രോജക്ട് കിട്ടും. ലവ് യൂ സൂര്‍ഷ, മിസ് യൂ എന്ന് മറ്റൊരു ആരാധികയും കുറിച്ചു.

Recommended Video

Bigg Boss Malayalam 3: Kidilam Firoz opens up about Suryas crush on Manikuttan

അതേസമയം പാടാത്ത പൈങ്കിളിയിലേക്ക് ഇനി ഉണ്ടാകില്ലെന്നാണ് സൂരജ് മുന്‍പ് അറിയിച്ചത്. സോഷ്യല്‍ മീഡിയയില്‍ ഉള്‍പ്പെടെ വലിയ ആരാധക പിന്തുണയാണ് താരത്തിനുളളത്. നടന്റെതായി വരാറുളള മിക്ക പോസ്റ്റുകളും സോഷ്യല്‍ മീഡിയയില്‍ വൈറലാകാറുണ്ട്. ഇന്‍സ്റ്റഗ്രാമില്‍ രണ്ട് ലക്ഷത്തിനടുത്ത് ഫോളോവേഴ്‌സുണ്ട് സൂരജിന്. പുതിയൊരു പരമ്പരയിലൂടെ നടന്‍ അടുത്ത് തന്നെ തിരിച്ചെത്തുമെന്ന് പ്രതീക്ഷിക്കുന്ന ആരാധകരും ഏറെയാണ്.