ഹണിമൂണിനൊന്നും സമയമില്ല, ആദ്യത്തെ പ്രധാന്യം സീരിയലിന്; വിവാഹശേഷം ആദ്യമായി പ്രതികരിച്ച് സാന്ത്വനത്തിലെ അപ്പു

പുതിയൊരു ചുവടുവെപ്പിലേക്ക് കടക്കുകയാണ്. ഒരുപാട് സന്തോഷം തോന്നുന്നു. സാന്ത്വനം സെറ്റിലെ എല്ലാവരും വലിയ സപ്പോര്‍ട്ടാണ്. അതുകൊണ്ടാണ് ഞാന്‍ ഇത്രയും സന്തോഷത്തോടെ ഇരിക്കുന്നത്. ഭാവി പരിപാടികളൊന്നും തീരുമാനിച്ചിട്ടില്ല. അടുത്ത ആഴ്ച തന്നെ സീരിയലിന്റെ ലൊക്കേഷനില്‍ ജോയിന്‍ ചെയ്യും. കല്യാണം കഴിഞ്ഞു എന്നേയുള്ളു. പക്ഷേ സാന്ത്വനത്തില്‍ നിന്നും പിന്മാറുമോ എന്ന് ചോദിച്ച് ഒരുപാട് പേര്‍ കമന്റിടുന്നത് കണ്ടിരുന്നു. എന്തായാലും ഞാന്‍ സ്വാന്തനത്തില്‍ നിന്ന് മാറില്ലെന്ന് രക്ഷ പറയുകയാണ്.

സാന്ത്വനം ടീം എല്ലാ സപ്പോര്‍ട്ടും തന്നത് കൊണ്ടാണ് ഞങ്ങള്‍ സന്തോഷത്തോടെ വിവാഹ ജീവിതത്തിലേക്ക് കടക്കുന്നത്. പിന്നെ പ്രേക്ഷകരുടെ സപ്പോര്‍ട്ടും സ്‌നേഹവും കൊണ്ടാണ് ഇതുവരെ എത്തിയത്. അവര്‍ക്കെന്താണ് സന്തോഷം. അതാണ് നമ്മളും ചെയ്യുന്നത്. നമ്മുടെ അടുത്ത് ഓരോരുത്തരും കാണിക്കുന്ന സ്‌നേഹം പറഞ്ഞറിയിക്കാന്‍ വാക്കുകള്‍ കിട്ടില്ല. ഞങ്ങളെ ഇഷ്ടപ്പെട്ടതിനും സ്‌നേഹിക്കുന്നതിനുമൊക്കെ ഒരുപാട് നന്ദി. തുടര്‍ന്നും കാണണം. നിങ്ങളുടെ അപ്പുവായി തന്നെ അവിടെ കാണുമെന്നും നടി വ്യക്തമാക്കി.

പ്രണയവിവാഹമാണോ എന്ന ചോദ്യത്തിന് മുന്‍പേ പരിചയമുള്ള ആളുകളാണെന്ന് ഞങ്ങളെന്ന് രക്ഷ സൂചിപ്പിച്ചു. കുറേ വര്‍ഷത്തെ ഫ്രണ്ട്ഷിപ്പ് ആയിരുന്നു. കഴിഞ്ഞ നാല് വര്‍ഷമായി പ്രണയത്തിലായിട്ട്. വീട്ടുകാരോട് കാര്യം പറഞ്ഞപ്പോള്‍ അവരും ഓക്കെ ആയി. ഹണിമൂണിന് പോകണം എന്നൊക്കെ ആഗ്രഹമുണ്ട്. പക്ഷേ എന്ത് ചെയ്യാനാണ് സമയം ഒന്നുമില്ലെന്നാണ് രക്ഷയും ഭര്‍ത്താവ് അര്‍ക്കജും പറയുന്നത്. ആദ്യത്തെ പ്രധാന്യമുള്ള കാര്യം ഷൂട്ടിങ്ങിന് പോവുന്നതിനാണ്. കാരണം അവര്‍ അത്രയും സപ്പോര്‍ട്ട് ചെയ്യുന്നുണ്ടെന്നും നടി സൂചിപ്പിച്ചു.

അതേ സമയം രക്ഷയ്ക്കും ഭര്‍ത്താവിനും ആശംസകള്‍ അറിയിച്ച് കൊണ്ട് ആരാധകരും എത്തിയിരിക്കുകയാണ്. നല്ലൊരു വിവാഹ മംഗളാശംസകള്‍ നേരുന്നു കുടുംബത്തില്‍ ഐശ്വര്യവും സമാധാനവും ഉണ്ടാകട്ടെ. മാത്രമല്ല വിവാഹത്തിന് ഓവര്‍ മേക്കപ്പോ, ജാഡയോ ഒന്നുമില്ല. രക്ഷ പൊളിയാണ്. അപ്പുക്കിളി നല്ല സുന്ദരിയായിട്ടുണ്ട്. സ്വാന്തനത്തില്‍ നിന്ന് പോവില്ല എന്ന് പറഞ്ഞല്ലോ അത് മതി. സീരിയലില്‍ ഇനിയും അഭിനയിക്കും എന്ന് കേട്ടതില്‍ സന്തോഷം. വീണ്ടും സാന്ത്വനത്തിലേക്ക് വരും എന്ന് അറിഞ്ഞതില്‍ വളരെയധികം സന്തോഷം.. തുടങ്ങി നിരവധി കമന്റുകളാണ് രക്ഷയെ തേടി എത്തുന്നത്.