വിവാഹം കഴിഞ്ഞതോടെ മതം മാറി ബഷീറിന്റെ സുഹാനയായി; താരദമ്പതിമാരുടെ പ്രണയ സാഫല്യത്തിന് 12 വര്‍ഷം

ഒരുമിച്ച് വിലപ്പെട്ട ഓര്‍മ്മകള്‍ സൃഷ്ടിക്കാന്‍ ഒരു വര്‍ഷം കൂടി. പരസ്പരം ആസ്വദിക്കാനും പുതിയ കാര്യങ്ങള്‍ കണ്ടെത്താനും ഒരു വര്‍ഷം കൂടി, എന്നന്നേക്കുമായി നിര്‍വചിക്കുന്ന ദാമ്പത്യത്തെ ശക്തിപ്പെടുത്താനും ഒരു വര്‍ഷം കൂടി. അന്ന് നിന്നെ ഞാന്‍ സ്‌നേഹഹിച്ചു. ഇപ്പോഴും സ്‌നേഹിക്കുന്നു, എല്ലായിപ്പോഴും അതുണ്ടാവും. ഹാപ്പി ആനിവേഴ്‌സറി എന്നുമാണ് സുഹാന പങ്കുവെച്ച ഫോട്ടോയ്ക്ക് ക്യാപ്ഷനായി നല്‍കിയത്. എന്റെ സ്‌നേഹിതയായ ഭാര്യയ്ക്ക് വിവാഹ വാര്‍ഷിക ആശംസകള്‍. ഞാന്‍ നിന്നെ സ്്‌നേഹിക്കുന്നു, എല്ലാത്തിനും ഒത്തിരി നന്ദി സോനൂ.. എന്നായിരുന്നു ബഷീറിന്റെ ആശംസ.

ഏറെ കാലത്തെ പ്രണയത്തിനൊടുവില്‍ 2009 ഡിസംബര്‍ 21 നായിരുന്നു ബഷീറും സുഹാനയും വിവാഹിതരാവുന്നത്. അതിന് മുന്‍പ് ഇരുവരും ഒരുമിച്ച് നിരവധി ആല്‍ബങ്ങളില്‍ അഭിനയിക്കുകയും ചെയ്തിരുന്നു. ക്രിസ്ത്യന്‍ കുടുംബത്തില്‍ ജനിച്ച ജോസ്‌വിന്‍ സോണിയാണ് പിന്നീട് സുഹാന ബഷീര്‍ ആവുന്നത്. ബഷീറുമായിട്ടുള്ള വിവാഹം കഴിഞ്ഞതോടെ മുസ്ലിം മതം സ്വീകരിച്ച് പേരും മാറ്റുകയായിരുന്നു. വിവാഹത്തിന് മുന്‍പ് തന്നെ തനിക്ക് താല്‍പര്യമുണ്ടായിരുന്നു എന്നാണ് പിന്നീട് മതം മാറിയതിനെ കുറിച്ച് സുഹാന പറഞ്ഞത്. ആരുടെയും ഇഷ്ടത്തിനായിരുന്നില്ല മതം മാറിയത്.

വിവാഹശേഷം കുറേ ബുദ്ധിമുട്ടുകള്‍ അനുഭവിച്ചാണ് ഇവിടം വരെ എത്തുന്നത്. പിന്നീട് ജീവിതത്തില്‍ മൊത്തത്തില്‍ മാറ്റങ്ങളാണ് ഉണ്ടായതെന്നാണ് താരങ്ങള്‍ പറഞ്ഞത്. എന്ത് കാര്യമാണെങ്കിലും എല്ലാം എന്‍ജോയ് ചെയ്യാറുണ്ട്. പ്രണയിച്ചിരുന്ന സമയത്തെപ്പോലെയല്ല വിവാഹ ശേഷം. പക്ഷേ പ്രണയിച്ച അയാളുടെ തന്നെ ഭാര്യയായ നിമിഷമാണ് ജീവിതത്തിലെ ഏറ്റവും സന്തോഷം നിറഞ്ഞതെന്നാമ് സുഹാന പറയുന്നത്. സ്വന്തം അമ്മച്ചിയുടെ മരണമാണ് ദു:ഖകരമായി ഉണ്ടായത്. എന്തിനും ഏതിനും താന്‍ അമ്മച്ചിയുടെ കൂടെ ആയിരുന്നു ഞാനെന്നും താരപത്‌നി മുന്‍പ് പറഞ്ഞിട്ടുണ്ട്.

Recommended Video

ബഷീർ ബഷിയുടെ ഭാര്യമാർ തമ്മിൽ വഴക്കിടാറുണ്ടോ. രണ്ടാം ഭാര്യയുടെ മറുപടി

നിലവില്‍ താരദമ്പതിമാര്‍ക്ക് ആശംസകള്‍ അറിയിച്ചാണ് പ്രിയപ്പെട്ടവര്‍ എത്തുന്നത്. എല്ലാ കാലത്തും ബഷീറിന്റെ ശക്തി ആദ്യ ഭാര്യ സുഹാന ആയിരിക്കുമെന്നാണ് എല്ലാവരും പറയുന്നത്. ഭര്‍ത്താവിന് രണ്ടാമതും വിവാഹം കഴിക്കാനുള്ള സമ്മതം നല്‍കിയതും ഭര്‍ത്താവിന്റെ എല്ലാ ആഗ്രഹങ്ങള്‍ക്കും വിജയത്തിനും പിന്നില്‍ സുഹാനയാണ്. ഇതുപോലൊരു ഭാര്യയെ ആരും കൊതിച്ച് പോവും എന്ന് തുടങ്ങി നൂറ് കണക്കിന് കമന്റുകളാണ് വരുന്നത്.