കണ്‍മണിയെ അപമാനിച്ചവനെ കൈയ്യേറ്റം ചെയ്ത ദേവ, പാടാത്ത പൈങ്കിളിയിലെ ഫൈറ്റ് ചിത്രീകരിച്ചത് ഇങ്ങനെ

ദേവയും കണ്‍മണിയും

മിനിസ്‌ക്രീന്‍ പ്രേക്ഷകരുടെ പ്രിയപ്പെട്ട താരജോഡികളിലൊന്നായി മാറിയിരിക്കുകയാണ് ദേവയും കണ്‍മണിയും. മധുരിമയെ വിവാഹം ചെയ്യാനായുള്ള തീരുമാനത്തിലായിരുന്നു ദേവ. എന്നാല്‍ അപ്രതീക്ഷിതമായി കണ്‍മണി ദേവയുടെ ഭാര്യയായി മാറുകയായിരുന്നു. തുടക്കത്തിലെ പൊരുത്തക്കേടുകള്‍ മാറ്റിവെച്ച് സ്‌നേഹമുള്ള ഭാര്യയും ഭര്‍ത്താവുമായി മാറിയിരിക്കുകയാണ് ഇരുവരും. ഇവരുടെ റൊമാന്റിക് രംഗങ്ങള്‍ക്കായി കാത്തിരിക്കുകയാണ് ആരാധകര്‍. മനീഷയും സൂരജുമാണ് ദേവയേയും കണ്‍മണിയേയും അവതരിപ്പിക്കുന്നത്.

വീട്ടിലേക്കെത്തിയ അതിഥി

കണ്‍മണിയുടെ പിതാവുമായി തനിക്ക് കടപ്പാടുണ്ടെന്നും പ്രിയപ്പട്ട രാമയ്യന്റെ മകളാണ് കണ്‍മണിയെന്നുമായിരുന്നു ദേവയുടെ അച്ഛന്‍ പറഞ്ഞത്. സ്വന്തം മകളായാണ് അച്ഛനും അമ്മയും കണ്‍മണിയെ കാണുന്നത്. ദേവയും ഇളയ സഹോദരിയും കണ്‍മണിയുമായി സൗഹൃദത്തിലായിരുന്നു. മറ്റുള്ളവരെല്ലാം കണ്‍മണിയെ കണക്കറ്റ് ഉപദ്രവിക്കാറുണ്ട്. പാമ്പ് കടിയേറ്റുവെന്ന് പറഞ്ഞായിരുന്നു കഴിഞ്ഞ ദിവസം ഒരാളെത്തിയത്. കണ്‍മണിയുടെ കാമുകനാണ് താനെന്നായിരുന്നു വന്നയാള്‍ പറഞ്ഞത്.

ചേച്ചിയുടെ പണി

നേരത്തെയും താന്‍ ഇവിടെ വന്നിട്ടുണ്ടെന്നും കണ്‍മണിയെ കാണാറുണ്ടെന്നും വന്നയാള്‍ പറഞ്ഞതോടെ എല്ലാവരും അത് വിശ്വസിക്കുകയായിരുന്നു. വന്നയാളെ തനിക്ക് അറിയില്ലെന്ന് കണ്‍മണി പറഞ്ഞിരുന്നു. ഇത് കേട്ടപ്പോള്‍ ദേവയും അത് ശരിവെച്ചിരുന്നു. ദേവയുടെ സഹോദരിയുടെ കാമുകന്‍ അയച്ചതാണ് തന്നെ, ഇവിടെ വന്നാല്‍ മതിയെന്നും കാര്യങ്ങളെല്ലാം ചേച്ചി നോക്കിക്കോളുമെന്ന് പറഞ്ഞിരുന്നുവെന്നും അദ്ദേഹം പറഞ്ഞിരുന്നു. വന്നയാളെ കണക്കിട്ട് ഉപദ്രവിച്ചിരുന്നു ദേവ.

Recommended Video

2020ൽ പ്രേക്ഷകർ ഏറ്റവും കൂടുതൽ ഗൂഗിളിൽ തിരഞ്ഞ മലയാളി താരങ്ങൾ

ദേവ തിളങ്ങിയ ഫൈറ്റ്

ഭാര്യയെക്കുറിച്ച് ഇത്തരത്തിലുള്ള കാര്യം കേട്ടാല്‍ ഏതൊരു ഭര്‍ത്താവും ചെയ്യുന്നതേ താനും ചെയ്തുള്ളൂവെന്നും ദേവ പറഞ്ഞിരുന്നു. ദേവ തിളങ്ങിയ ഫൈറ്റ് കൂടിയായിരുന്നു ഇത്. ഈ ഫൈറ്റ് ചിത്രീകരിച്ചതിന്റെ വീഡിയോയായിരുന്നു സൂരജ് പോസ്റ്റ് ചെയ്തത്. ഇത്രയും ബുദ്ധിമുട്ടായിരന്നോ ചിത്രീകരണമെന്നായിരുന്നു എല്ലാവരും ചോദിച്ചത്. സ്‌ക്രീനില്‍ കാണാന്‍ എളുപ്പമായിരുന്നുവെന്നും ആരാധകര്‍ പറഞ്ഞിരുന്നു. ദേവയുടെ ഫൈറ്റിന് ഗംഭീര കൈയ്യടിയായിരുന്നു ലഭിച്ചത്.