ഇത് പബ്ലിസിറ്റി സ്റ്റണ്ട് ആണെന്ന് എല്ലാവരും കരുതും; വെറുപ്പ് കാണിക്കുന്ന നമുക്കും ഈ അവസ്ഥ വന്നേക്കാം, സൂരജ് സൺ

നമ്മള്‍ അവരില്‍ ഒരാളാവാന്‍ ശ്രമിച്ചാലും അത് നടക്കില്ല. സാധാരണക്കാരായ അത്യാവശ്യം കഴിക്കാനും ഉടുക്കാനും ഉള്ള നമ്മുക്ക് അവരുടെ അവസ്ഥ അവിടെ ഇരിക്കുമ്പോള്‍ മാത്രമേ മനസ്സിലാകൂ അവരില്‍ ഒരാളകുമ്പോള്‍ മാത്രം. നമ്മളെ ഒക്കെ ദൈവം ഇത്ര ഉയരത്തില്‍ ആണ് നിര്‍ത്തിയിരിക്കുന്നത് എന്ന് മനസ്സിലാവൂ.. ധര്‍മം വാങ്ങാന്‍ അമ്പലത്തിന്റെയും പള്ളികളുടെയും മുന്നില്‍ ഇന്നും ഒരുപാട് ആള്‍കാര്‍ ഉണ്ട്. ആര്‍ക്കും വേണ്ടാതെ നട തള്ളുന്ന ആള്‍ക്കാര്‍ ഉണ്ട്. പല മതങ്ങളിലും അന്നദാനം നടത്തുന്നുണ്ട്. ലക്ഷങ്ങള്‍ മുടക്കി പൂജാകര്‍മ്മങ്ങള്‍ ചെയ്യുന്നതിലും പുണ്യം വിശക്കുന്നവന് ഒരു നേരത്തെ അന്നം കൊടുക്കുമ്പോഴാണ്.

മനസ്സില്ലാമനസ്സോടെ, വെറുപ്പോടെ ചില്ലറ പൈസയും അധികം മൂല്യമില്ലാത്ത നോട്ടുകളും അവര്‍ക്കു നേരെ വലിച്ചെറിയുമ്പോള്‍ ഓര്‍ക്കുക നാളെ ഈ അവസ്ഥ നമുക്കും സംഭവിക്കാം. പണ്ട് പറയുന്ന പോലെ ഭിക്ഷയാചിച്ച് പുണ്യ ക്ഷേത്രങ്ങള്‍ സന്ദര്‍ശിക്കണം എന്ന് പറയുന്നത് എന്തിനാണ് എന്ന് അവിടെ ഇരിക്കുമ്പോള്‍ നമ്മുക്ക് മനസ്സിലാകും. ശബരിമലയില്‍ പോകാന്‍ മാല ഇട്ട ഞാന്‍ ആ പറയുന്നതില്‍ എന്താണ് അര്‍ത്ഥമെന്ന് ആലോചിട്ടുണ്ട്. ഇന്ന് ശബരിമലയ്ക്ക് പോകുന്ന വഴി ഒരു അമ്പലം സന്ദര്‍ശിച്ചപ്പോള്‍ ആ പറഞ്ഞതിന്റെ അര്‍ഥം മനസ്സിലാക്കാം എന്ന് കരുതി....

ഇതൊരു പബ്ലിസിറ്റി സ്റ്റണ്ട് ആണ് എന്നെ എല്ലാവര്‍ക്കും കരുതാന്‍ പറ്റൂ. എന്റെ മുന്നില്‍ ഇതെ പോലെ ഉള്ള ഒരു ചിത്രം വന്നാലും ഞാനും അതെ പോലെ ചിന്തിക്കും. എന്നാല്‍ 'മാളിക മുകളേറിയ മന്നന്റെ തോളില്‍ മാറാപ്പു കേറ്റുന്നതും ഭവാന്‍ രണ്ടു നാലു ദിനം കൊണ്ടൊരുത്തനെ തണ്ടിലേറ്റി നടത്തുന്നതും ഭവാന്‍' നൈമിഷികമായ മനുഷ്യവസ്ഥകളെ കുറിച്ചുള്ള പൂന്താനത്തിന്റെ 'ജ്ഞാനപ്പന'യിലെ ഈ വരികള്‍ എന്നും നിങ്ങളുടെ മനസ്സില്‍ ഉണ്ടാകട്ടെ!.. എന്നുമാണ് സൂരജ് സണ്‍ പറയുന്നത്.

Recommended Video

Churuli' shown on OTT is not the certified version of the film, says CBFC | Filmibeat Malayalam

സൂരജ് നിങ്ങള്‍ ഒരു നല്ല മനുഷ്യനാണ്. അതുകൊണ്ടാണ് നിങ്ങളെ എല്ലാവരും ഇഷ്ടപ്പെടുന്നത്. സാധാരണക്കാരിലേക്ക് ഇറങ്ങി ചെല്ലാന്‍ നിങ്ങള്‍ക്ക് ഒരു മടിയും ഇല്ല. എന്നും ഇത് പോലെ തന്നെ ആയിരിക്കട്ടെ. മനുഷ്യനെന്ന പരിഗണന കൊടുത്തു കൊണ്ട് ഏതൊരു ചുറ്റുപാടിലും ഇറങ്ങി ചെല്ലാനും അവരുടെ അവസ്ഥയെ മനസ്സിലാക്കാനും അതിലൂടെ സമൂഹത്തിനു നല്ലൊരു മെസ്സേജ് കൊടുക്കാനുമുള്ള ഈ മനസ്സിനെ ആരും മറ്റൊരു രീതിയില്‍ കാണാന്‍ ഇടയില്ല. നിങ്ങളെ ഫോളോ ചെയ്യുന്ന ആരും, ഇത് പബ്ലിസിറ്റിക്ക് വേണ്ടി ആണെന്ന് പറയില്ല എന്ന് തുടങ്ങി നിരവധി കമന്റുകളാണ് സൂരജിന്റെ പോസ്റ്റിന് താഴെ വരുന്നത്.