താൻ ഒരു നടനാകുമെന്ന് ആ നടി പറഞ്ഞിരുന്നു, ജീവിതം മാറിയതിനെ കുറിച്ച് പാടാത്ത പൈങ്കിളിയിലെ ദേവൻ

പരമ്പരയിൽ എത്തുന്നതിന് മുൻപ് തന്നെ സൂരജ് പ്രേക്ഷകർക്ക് സുപരിചിതനായിരുന്നു. ടിക്ക് ടോക്ക് യൂട്യൂബ് സ്റ്റാറായിരുന്നു താരം. മോട്ടിവേഷൻ വീഡിയോയിലൂടെയാണ് സൂരജ് യൂട്യൂബിൽ പ്രത്യക്ഷപ്പെടുന്നത്. നടന്റെ വിഡിയോ സോഷ്യൽ മീഡിയയിൽ വളരെ ശ്രദ്ധിക്കപ്പെടുകയും ചെയ്തിരുന്നു.

സിനിമ സീരിയൽ താരം അംബിക മോഹൻ വഴിയാണ് സൂരജ് മിനിസ്ക്രീനിൽ എത്തുന്നത്. ഈ പരമ്പരയിൽ സൂരജിന്റെ അമ്മയായി എത്തുന്നത് അംബിക മോഹൻ തന്നെയാണ്. ഇരുവരും ഒന്നിച്ച് ഒരു ഹ്രസ്വചിത്രത്തിൽ അഭിനയിച്ചിട്ടുണ്ട്. സീനിയർ താരങ്ങളുടെ അനുഗ്രഹവും, പ്രാർത്ഥനയും ആണ് താൻ ഇവിടെ വരെ എത്താൻ കാരണം എന്നും സൂരജ് വീഡിയോയിലൂടെ പറയുന്നു. . കുളപ്പുള്ളി ലീല, രഞ്ജു രഞ്ജിമാര്‍ തുടങ്ങി നിരവധിപേരോട് താൻ കടപ്പെട്ടിരിക്കുന്നുവെന്നും സൂരജ് വീഡിയോയിൽ പറയുന്നുണ്ട്.

തന്റെ അമ്മയെ പോലെ തന്നെയാണ് അംബിക മോഹനെന്ന് സൂരജ് പറയുന്നുണ്ട്. ഒരുമിച്ച് പരസ്യ ചിത്രത്തിൽ അഭിനയിക്കുമ്പോൾ , താൻ ഒരു നടനാകുമെന്ന് അവർ പ്രവചിച്ചിരുന്നു. അതാണ് ഇപ്പോൾ സത്യമായിരിക്കുന്നതെന്നും സൂരജ് പറയുന്നു. പനൂർ സ്വദേശിയായ സൂരജ് വിവാഹിതനും ഒരു കുഞ്ഞിന്റെ പിതാവുമാണ്. സൂരജിനോടൊപ്പം തന്നെ പുതുമുഖ താരമാ മനീഷയാണ് പരമ്പരയിൽ നായികയായി എത്തുന്നത്.കണ്മണി എന്ന കഥാപാത്രത്തെയാണ് മനീഷ പാടാത്ത പൈങ്കിളിയിൽ അവതരിപ്പിക്കുന്നത്.

വൻതാരനിരയാണ് പരമ്പരയിൽ അണിനിരക്കുന്നത്. ഒര ഇടവേളയ്ക്ക് ശേഷം അർച്ചന സുശീലനു സീരിയലിൽ പ്രധാന കഥാപാത്രത്തെ അവതരിപ്പിക്കുന്നുണ്ട്. ദിനേഷ് പണിക്കർ,പ്രേം പ്രകാശ്, അ‍ഞ്ജിത, അംബിക മോഹൻ തുടങ്ങിയവാരണ് മറ്റ് താരങ്ങൾ. ദിനേഷ് പള്ളത്തിന്റേതാണ് കഥ. ഏഷ്യാനെറ്റ് സ്റ്റാർ കമ്മ്യൂണിക്കേഷനു വേണ്ടി മേരിലാന്റ് സ്റ്റുഡിയോ ആണ് സീരിയൽ നിർമിക്കുന്നത്.

Recommended Video

സാന്ദ്രയുടെ കുസൃതി കുഞ്ഞുങ്ങളെ കണ്ടോ | FilmiBeat Malayalam

കണ്മണി എന്ന പെൺകുട്ടിയുടെ ജീവിതയാഥാർഥ്യങ്ങളോടുള്ള പോരാട്ടത്തിന്റെ കഥ പറയുന്ന ‘പാടാത്ത പൈങ്കിളി' മക്കളോടുള്ള കരുതലിന്റെയും സ്നേഹത്തിന്റെയും യാഥാർത്ഥമുഖം പ്രേക്ഷകർക്കുമുന്നിൽ വരച്ചുകാട്ടുന്നു. പ്രണയത്തിന്റെ ഊഷ്മളതയും വെറുപ്പിന്റെ തീവ്രതയും എന്തും വെട്ടിപ്പിടിക്കാൻ വെമ്പുന്ന ആസക്തിയും വിവിധ കഥാപാത്രങ്ങളിലൂടെ പ്രേക്ഷകർക്ക് ദർശിക്കുവാൻ കഴിയുമെന്നാണ് സീരിയലിന്റെ അണിയറപ്രവർത്തകർ പറയുന്നത്.