പാടാത്ത പൈങ്കിളിയിലെ ദേവയെ ഇത്ര ഇഷ്ട്ടാണോ ഈ അമ്മമാർക്ക്, ഒരു തട്ടുദോശ അനുഭവം പങ്കുവെച്ച് നടൻ

പാടാത്ത പൈങ്കിളിയിൽ എത്തുന്നതിന് മുൻപ് തന്നെ അമ്മമാരുടെ പ്രിയങ്കരനായിരുന്നു സൂരജ്. നടന്റെ പല യൂട്യൂബ് വീഡിയോകളും ഏറെ ശ്രദ്ധിക്കപ്പെട്ടിരുന്നു. സമൂഹമാധ്യമങ്ങളിൽ തിളങ്ങി നിൽക്കുമ്പോഴായിരുന്നു സീരിയലിൽ ദേവയായി പ്രത്യക്ഷപ്പെടുന്നത്. ചെറിയ സമയത്തിനുള്ളിൽ തന്നെ അമ്മമാരുടെ പ്രിയപ്പെട്ട ദേവയായി മാറുകയായിരുന്നു.

കുടുംബപ്രേക്ഷകരുടെ സ്നേഹം നേരിട്ട് കാണാൻ കഴിഞ്ഞതിന്റെ സന്തോഷം പങ്കുവെച്ച് സൂരജ് രംഗത്തെത്തിട്ടുണ്ട്. സോഷ്യൽ മീഡിയയിൽ ഒരു ചിത്രം പങ്കുവെച്ച് കൊണ്ടാണ് ആരാധകരുടെ സ്നേഹത്തെ കുറിച്ച് വാചാലനാവുന്നത്. നടന്റെ ആ തട്ടുദോശ അനുഭവം പ്രേക്ഷകരുടെ ഇടയിൽ ചർച്ചയായിട്ടുണ്ട്. തട്ടുകടയിൽ നിന്ന് ഭക്ഷണം കഴിക്കാൻ പോയപ്പോൾ ആരാധകരോടൊപ്പം നിന്ന് പകർത്തിയ സെൽഫി പങ്കുവെച്ചു കൊണ്ടായിരുന്നു നടന്റെ വാക്കുകൾ. '' ദേവയെ ഇത്ര ഇഷ്ട്ടാണോ ഈ അമ്മമാർക്ക്...ആ സ്നേഹം. നേരിൽ കാണാൻ സാധിച്ചു. ഒരു തട്ടുദോശ അനുഭവം''- ചിത്രത്തിനോടൊപ്പം നടൻ കുറിച്ചു. മികച്ച പ്രതികരണമാണ് നടന്റെ വീഡിയോയ്ക്ക് ലഭിക്കുന്നത്. ജാഡയില്ലാത്ത താരമാണ് സൂരജെന്നാണ് അധികം പേരും പറയുന്നത്.

മിനിസ്ക്രീൻ പ്രേക്ഷകരുടെ ഇടയിൽ ഏറ്റവു കൂടുതൽ ചർച്ചയാകുന്ന പേരുകളാണ്
കൺമണിയും ദേവയും. കണ്മണി എന്ന പെൺകുട്ടിയുടെ ജീവിതത്തെ ചുറ്റിപ്പറ്റിയാണ് കഥ മുന്നോട്ട് പോകുന്നത്. ഇവളെ ദേവ വിവാഹം ചെയ്തതോടെ കഥ ആകെ മാറിയിരിക്കുകയാണ്. ഇപ്പോൾ ഇവരുടെ കുടുംബജീവിത്തിലുണ്ടാകുന്ന അപ്രതീക്ഷിത സംഭവങ്ങളിലൂടെയാണ് പാടാത്ത പൈങ്കിളി മുന്നോട്ട് പോകുന്നത്. പ്രേക്ഷകരുടെ പ്രിയപ്പെട്ട പരമ്പരയായ വാനമ്പാടി അവസാനിച്ചതിന് പിന്നാലെയാണ് പാടാത്ത പൈങ്കിളിആരംഭിക്കുന്നത്. തിങ്കൾ മുതൽ ശനി വരെ രാത്രി 8.30 ന് ആണ് പരമ്പര സംപ്രേക്ഷണം ചെയ്യുന്നത്.

എന്റെ മാനസപുത്രി, പരസ്പരം എന്നീ പരമ്പരകൾ ഒരുക്കിയ സുധീഷ് ശങ്കറാണ് പാടാത്ത പൈങ്കിളി സംവിധാനം ചെയ്യുന്നത്. സൂരജിനോടൊപ്പം മിനിസ്ക്രീൻ പ്രേക്ഷകരുടെ പ്രിയപ്പെട്ട താരങ്ങളാണ് പരമ്പരയിൽ അഭിനയിക്കുന്നത്. അർച്ച സുശീലൻ,ദിനേഷ് പണിക്കർ,പ്രേം പ്രകാശ്, അ‍ഞ്ജിത, അംബിക മോഹൻ തുടങ്ങിയവാരണ് മറ്റ് താരങ്ങൾ. പുതുമുഖ താരം മനീഷയാണ് നായിക. ദിനേഷ് പള്ളത്തിന്റേതാണ് കഥ. ഏഷ്യാനെറ്റ് സ്റ്റാർ കമ്മ്യൂണിക്കേഷനു വേണ്ടി മേരിലാന്റ് സ്റ്റുഡിയോ ആണ് സീരിയൽ നിർമിക്കുന്നത്.