പാടാത്ത പൈങ്കിളിലേയ്ക്ക് സൂരജേട്ടൻ തിരികെ വരില്ല, ഇതാണ് ഇനിയുള്ള ദേവ, നടനെ പരിചയപ്പെടുത്തി കൺമണി

ലക്ജിത്താണ് പുതിയ ദേവയായി എത്തുന്നത്. രണ്ട് അഭിപ്രായമാണ് നടന് ലഭിക്കുന്നത്. പരമ്പരയുടെ പുതിയ പ്രെമോ വീഡിയോയിലൂടെയായിരുന്നു താരത്തെ ആദ്യം പ്രേക്ഷകരുടെ മുന്നിലേയ്ക്ക് പരിചയപ്പെടുത്തിയത്. സമ്മിശ്ര പ്രതികരണമായിരുന്നു ലഭിച്ചത്. പുതിയ ദേവ നല്ലതാണെന്നും എന്നാൽ തങ്ങൾക്ക് സൂരജിനെ മതിയെന്നായിരുന്നു പ്രേക്ഷകർ പറഞ്ഞത്. ഇപ്പോഴിത പുതിയ ദേവയെ പ്രേക്ഷകരുടെ മുന്നിലേയ്ക്ക് പരിചയപ്പെടുത്തുകയാണ് കൺമണി. ലൈവിൽ എത്തിയാണ് ഇനി മുതൽ ദേവയായി എത്തുന്ന ലക്ജിത്തിനെ നടി പ്രേക്ഷകർക്കായി പരിചയപ്പെടുത്തിയത്.

പുതിയ ദേവയെ പരിചയപ്പെടുത്തുന്നതിനോടൊപ്പം തന്നെ സൂരജിന്റെ പരമ്പരയിൽ നന്നുള്ള പിൻമറ്റത്തെ കുറിച്ചും കൺമണി പറയുന്നുണ്ട്. പുതിയ ദേവ നിങ്ങളുടെ മുന്നിൽ എത്തിയിരിക്കുകയാണ്. ചോദിക്കാനുള്ളതെല്ലാം അങ്ങോട്ട് തന്നെ ചോദിക്കാം.സൂരജിനെ നമ്മളാരും മാറ്റിയതല്ല ആരോഗ്യ പ്രശ്നങ്ങൾ കൊണ്ട് മാറിയതാണ്. മുൻപ് നൽകിയ പ്രേക്ഷക പിന്തുണ ഇനിയും നൽകണമെന്നും മനീഷ പറയുന്നുണ്ട്.

കാഞ്ഞങ്ങാട് സ്വദേശിയായ ലക്ജിത്ത് സൈനയാണ് പുതിയ ദേവയായി എത്തുന്നത്. പല കാരണങ്ങളാല്‍ സിനിമയില്‍ എത്തിപ്പെടാന്‍ കഴിഞ്ഞിട്ടില്ല. ഓഡീഷനിലൂടെയാണ് പാടാത്ത പൈങ്കിളിയിൽ എത്തുന്നത്. എന്റെ ജോലി അഭിനയമാണ്, സിനിമയായാലും സീരിയലായാലും ഞാന്‍ അത് ചെയ്യുന്നു. അത്രേയുള്ളൂ. ആരേയും വെല്ലുവിളിക്കാനല്ല ഞാന്‍ വന്നത്. എന്റേതായ രീതിയില്‍ ഞാന്‍ നിങ്ങളുടെ മുന്നിലേക്ക് വരുന്നുണ്ട്. സ്വപ്‌നങ്ങളും ആഗ്രഹങ്ങളുമൊക്കെയുള്ള ഒരു സാധാരണക്കാരനാണ് ഞാനും. പുതിയ ദേവ താല്‍ക്കാലികമല്ല. സ്ഥിരമായുണ്ടാവുമെന്നു താരം പറഞ്ഞു.

Recommended Video

Chakkappazham Fame Arjun Finally Revealed The Reason For Quitting The Show

ആർക്കും ആരും പകരമാകില്ല. പോസിറ്റീവും നെഗറ്റീവുമായ കമന്റുകൾ ലഭിക്കുന്നുണ്ട്. അത് കുറെ കാലത്തേയ്ക്ക് ഉണ്ടാകും. എന്റെ ഐഡിയ വെച്ചിട്ടാണ ഞാൻ കാര്യങ്ങൾ ചെയ്യുന്നത്. എന്റെ കഴിവിന്റെ പരമാവധി ഞാൻ ചെയ്യാൻ ശ്രമിക്കും ബാക്കിയെല്ലാം നിങ്ങളുടെ കയ്യിലാണ് ലക്ജിത്ത് പറഞ്ഞു,
ആരോഗ്യ പ്രശ്നങ്ങളെ തുടർന്നാണ് സൂരജേട്ടൻ പരമ്പരയിൽ നിന്ന് മാറിയത്. ഇന വരില്ലെന്നും ഇതാണ് ഇനിയുള്ള ദേവയെന്നായിരുന്നു മനീഷ പ്രേക്ഷകരോട് പറഞ്ഞു. ആശംസ അറിയിക്കുന്നതിനോടൊപ്പം പുതിയ ദേവ വിവാഹിതനാണോ എന്നും പ്രേക്ഷകർ ചോദിക്കുന്നുണ്ട്. അല്ല എന്നായിരുന്നു താരത്തിന്റെ മറുപടി.