ചക്കപ്പഴത്തിലെ ശ്രുതിയെ ഉത്തരം മുട്ടിച്ച് ഗായകൻ എംജി ശ്രീകുമാർ, എംജിക്ക് അറിയേണ്ടിയിരുന്നത് ഇതാണ്...

ഇപ്പോൾ സോഷ്യൽ മീഡിയയിൽ വൈറലാകുന്നത് ചോദ്യങ്ങളിലൂടെ വീട്ടുകാരെ ഉത്തരം മുട്ടിക്കുന്ന പൈങ്കിളി റിയൽ ലൈഫിൽ ഉത്തരം മുട്ടി നിൽക്കുന്നതാണ്. ഗായകൻ എംജി ശ്രീകുമാർ അവതാരകനായി എത്തുന്ന പറയാം നേടാം എന്ന പരിപാടിയിലാണ് എംജിയ്ക്ക് മുന്നിൽ ശ്രുതിയ്ക്ക് ഉത്തരം മുട്ടിയത്. ഷോയിൽ പ്രിയഗായകൻ ചോദിച്ച ഒരു കുസൃതി ചോദ്യത്തിന് മുന്നിലാണ് ശ്രുതി കുടുങ്ങിയത്.

'നമ്മുടെ ഒരു സാധനം, പക്ഷെ ഇത് നമുക്ക് കിട്ടണമെങ്കിൽ അത് മറ്റാരെങ്കിലും എടുക്കണം'. ഇതായിരുന്നു എംജി ശ്രീകുമാർ ശ്രുതിയോട് ചോദിച്ച ചോദ്യം. നമ്മുടെ കുഞ്ഞ് എന്നായിരുന്നു നടി നൽകിയ ഉത്തരം. കുഞ്ഞ് നമ്മുടെ ആണെങ്കിലും നെഴ്സ് നമുക്ക് എടുത്തു തരുമ്പോഴല്ലേ കുഞ്ഞു നമ്മുടേത് ആകുവെന്നും ശ്രുതി പറഞ്ഞു. അത് കല്യാണം കഴിക്കാത്തത് കൊണ്ട് തോന്നുന്നതാണെന്നായിരുന്നു എംജിയുടെ മറുപടി. ഒടുവിൽ തോൽവി സമ്മതിക്കുകയായിരുന്നു നടി. ഫോട്ടോ ആയിരുന്നു അതിന്റെ ഉത്തരം.

പിന്നീട് ശ്രുതിയും എംജി ശ്രീകുമാറിനോട് ഒരു കുസൃതി ചോദ്യം ചോദിച്ചു. 'നമ്മൾ ഉപയോഗിക്കുന്ന ഒരു സാധനം, പക്ഷെ അത് വാങ്ങുന്നത് നമ്മൾ അല്ല' എന്നതായിരുന്നു ശ്രുതിയുടെ ചോദ്യം. ഉടൻ തന്നെ 'ഒരു പെട്ടിയല്ലേ എന്നുള്ള ഉത്തരവും ഗായകന്റെ പക്കൽ നിന്ന് എത്തി.

Recommended Video

മലയാളികളുടെ പ്രീയ ഹാസ്യ പരമ്പരകളിലൊന്നാണ് ചക്കപ്പഴം | FilmiBeat Malayalam

ഈ എപ്പിസോഡിൽ ശ്രുതിയ്ക്ക് ഒരു സർപ്രൈസും എംജി ശ്രീകുമാർ നൽകിയിരുന്നു. നടിയുടെ ഓണ്ഡ സ്ക്രീൻ നാത്തൂനായ അശ്വതി ശ്രീകാന്തിനെ പ്രേക്ഷകർക്ക് മുന്നിൽ കൊണ്ട് വരുകയായിരുന്നു. വീഡിയോ കോളിലൂടെയാണ് അശ്വതിയും ഇവർക്കൊപ്പം ചേർന്നത്. ശ്രുതിയുടെ ജീവിത്തിലെ പ്രണയത്തെക്കുറിച്ച് അവതാരകൻ അശ്വതിയോട് ചോദിച്ചിരുന്നു. അവൾക്ക് കഴിക്കാനും ഉറങ്ങാനും പോലും സമയം തികയുന്നില്ല എന്നായിരുന്നു ചോദ്യത്തിന് അശ്വതിയുടെ രസകരമായ മറുപടി.