വിവാഹ വാര്‍ഷികം ആഘോഷിച്ച് പേളിയും ശ്രീനിഷും! വൈറലായി ചിത്രങ്ങള്‍

വിവാഹ വാര്‍ഷികത്തില്‍ പേളിയുടെയും ശ്രീനിഷിന്റെതുമായി വന്ന പോസ്റ്റുകളെല്ലാം തന്നെ ആരാധകര്‍ ഏറ്റെടുത്തിരുന്നു. അവളുടേയും എന്റേയും ആത്മാവ് ഒന്നാണെന്നും അന്നും ഇന്നും ഇപ്പോഴും എപ്പോഴും പേളിയെ പ്രണയിക്കുന്നുണ്ടെന്നും ശ്രീനീഷ് കുറിച്ചിരുന്നു. ഇപ്പോഴിതാ വിവാഹ വാര്‍ഷിക ദിനത്തിലെ ആഘോഷ ചിത്രങ്ങള്‍ പേളി മാണി പുറത്തുവിട്ടിരിക്കുകയാണ്.

തന്റെ ഇന്‍സ്റ്റഗ്രാം പേജിലാണ് വിവാഹ വാര്‍ഷികത്തില്‍ എടുത്ത മനോഹര ചിത്രങ്ങള്‍ നടി പങ്കുവെച്ചിരിക്കുന്നത്. ചിത്രങ്ങളില്‍ കേക്ക് മുറിച്ച് പരസ്പരം മുഖത്ത് തേക്കുന്ന പേളിയെയും ശ്രീനിഷിനെയും കാണാം. പേളിഷിന്റെ പുതിയ ചിത്രങ്ങളെല്ലാം ആരാധകര്‍ ഒന്നടങ്കം ഏറ്റെടുത്തിരുന്നു. ബിഗ് ബോസ് കഴിഞ്ഞ ശേഷവും പേളിഷ് ഫാന്‍സ് ഗ്രൂപ്പുകള്‍ സോഷ്യല്‍ മീഡിയയില്‍ സജീവമാണ്.

ലോക് ഡൗണ്‍ സമയത്ത് പേളിയുടെ ആലുവയിലെ വീട്ടിലാണ് ശ്രീനിഷുളളത്. വിവാഹത്തിന് പിന്നാലെ ഇരുവരും കൊച്ചിയില്‍ പുതിയ ഫ്‌ളാറ്റ് എടുത്തിരുന്നു. വിവാഹ ശേഷം തമിഴ് ഡാന്‍സ് റിയാലിറ്റി ഷോയിലൂടെയാണ് പേളി മാണി തിരിച്ചെത്തിയിരുന്നത്. പിന്നാലെ ഫണ്ണി നൈറ്റ്‌സ് വിത്ത് പേളി മാണി എന്ന പരിപാടിയുമായി മലയാളത്തിലും എത്തുകയായിരുന്നു.

പേളിയുടെ ഡിഫോര്‍ ഡാന്‍സ് പോലുളള റിയാലിറ്റി ഷോകള്‍ക്കെല്ലാം മികച്ച പ്രേക്ഷക സ്വീകാര്യതയായിരുന്നു ലഭിച്ചത്. സീരിയലുകളിലൂടെയാണ് ശ്രീനിഷ് അരവിന്ദ് മലയാളി പ്രേക്ഷകരിലേക്ക് എത്താറുളളത്. സീ കേരളത്തിലെ സത്യ എന്ന പെണ്‍കുട്ടി എന്ന പരമ്പരയിലൂടെയായിരുന്നു അടുത്തിടെ താരം എത്തിയത്. പേളിയും ഇതേ ചാനലില്‍ തന്നെയാണ് പുതിയ പരിപാടിയുമായി എത്താറുളളത്.

ലോക് ഡൗണ്‍ കാലത്തും വീട്ടില്‍ നിന്നുളള ചിത്രങ്ങളും വീഡിയോകളുമായി പേളി മാണി എത്താറുണ്ട്. അവതാരക എന്നതിലുപരി മോട്ടിവേഷണല്‍ സ്പീക്കറായും നടി ശ്രദ്ധ നേടിയിരുന്നു. ഇടയ്ക്ക് തന്റെ യൂട്യൂബ് ചാനലിലും പരിപാടികളുമായി നടി എത്താറുണ്ട്. ശ്രീനിഷ് അരവിന്ദിനൊപ്പമുളള നടിയുടെ ടിക്ക് ടോക്ക് വീഡിയോകളും ശ്രദ്ധേയമാവാറുണ്ട്. ശ്രീനിഷിന് പിന്നാലെയാണ് പേളിയും ടിക്ക് ടോക്കില്‍ ആക്ടീവായത്