റിയാലിറ്റി ഷോ യ്ക്കിടെ അപകടം! നടി പൂജയുടെ ഓര്‍മ്മ നഷ്ടപ്പെട്ടു, താന്‍ തിരിച്ച് വരുമെന്ന് പറഞ്ഞ് നടി

സ്റ്റേജില്‍ നിന്ന് താഴേക്ക് വീഴുന്നത് പോലെ എനിക്ക് തോന്നി. ആ നിമിഷം മുതല്‍ കടുത്ത വേദനയാണ് അനുഭവപ്പെട്ടത്. പിന്നീട് ഒരു സഹപ്രവര്‍ത്തകന്‍ എന്നെ ഒരു വീഡിയോ കാണിച്ച് തന്നു. ഡാന്‍സ് ചെയ്ത് കൊണ്ടിരുന്ന ഞാന്‍ താഴേക്ക് വീഴുന്നതാണ് അതില്‍. ആ വീഡിയോ കാണുമ്പോള്‍ ഇപ്പോഴും ഞാന്‍ തകര്‍ന്ന് പോകുന്നു. വീണയുടന്‍ സഹപ്രവര്‍ത്തകര്‍ എന്നെ ആംബുലന്‍സില്‍ ആശുപത്രിയിലാക്കി. അപ്പോഴൊന്നും എനിക്ക് ഓര്‍മ്മയില്ലായിരുന്നു. കടുത്ത വേദന സംഹാരികള്‍ കഴിച്ച് വേദന കുറച്ചതിന് ശേഷമാണ് എനിക്ക് കുറച്ചെങ്കിലും ബോധം തിരിച്ച് കിട്ടിയത്.

ശരീരത്തിന്റെ വിവിധ ഭാഗങ്ങളില്‍ സ്‌കാന്‍ ചെയ്ത് നോക്കി. വലിയ കുഴപ്പങ്ങളില്ല. വിശ്രമവും മരുന്നും കൊണ്ട് എനിക്ക് തിരിച്ച് വരാന്‍ കഴിയും. അപകടം കഠിനമായിരുന്നത് കൊണ്ട് ഓര്‍മ്മ നഷ്ടപ്പെടാനുള്ള സാധ്യതയുണ്ടെന്ന് ഡോക്ടര്‍മാര്‍ എന്നോട് പറഞ്ഞു. ശ്രമിച്ചിട്ടും എനിക്ക് ഇപ്പോള്‍ ഒന്നും ഓര്‍മ്മിക്കാന്‍ കഴിയുന്നില്ലെന്നും പൂജ പറയുന്നു. അപകടത്തിന് ശേഷമുള്ള ആശുപത്രിവാസത്തിന് ശേഷമാണ് പൂജ ഇന്‍സ്റ്റാഗ്രാമില്‍ കുറിപ്പെഴുതി ഇട്ടത്.

ആശുപത്രിയില്‍ കിടക്കുമ്പോഴും പിന്നീടും പലവട്ടം എന്നോട് തന്നെ ചോദിച്ചു. എനിക്ക് എന്ത് കൊണ്ട് ഇങ്ങനെ സംഭവിച്ചു എന്ന്. അല്ലെങ്കില്‍ ഈ അപകടത്തിന് എന്നെ തന്നെ തിരഞ്ഞെടുത്തല്ലോ എന്ന്. എന്റെ വിധിയായിരിക്കാമിത്. ഞങ്ങള്‍ കലാകാരന്മാര്‍ എപ്പോഴും പ്രേക്ഷകരെ സന്തോഷിപ്പിക്കാനാണ് ശ്രമിക്കുന്നത്. അതിനിടയില്‍ ഇങ്ങനെ ഒരു അപകടവും. എനിക്കൊന്നേ പറയാനുള്ളു. ഞാന്‍ തിരിച്ച് വരും. ദയവ് ചെയ്ത് വിമര്‍ശനങ്ങള്‍ തൊടുക്കുമ്പോള്‍ എല്ലാവരും കുറച്ച് കൂടി സംയമനം പാലിക്കണം. തീര്‍ത്തും താന്‍ കിടക്കില്‍ തന്നെയാണ്. തനിയെ ഒരു ബ്ലാങ്കറ്റ് ശരീരത്തിലേക്ക് വലിച്ചിടാന്‍ പോലുമുള്ള ശേഷിയില്ലാത്ത അവസ്ഥയിലാണ്. ഫോണ്‍ പോലും കൈയില്‍ പിടിക്കാന്‍ കരുത്തില്ലെന്നും പൂജ പറയുന്നു.

അപകടത്തിന് സാക്ഷിയായവര്‍ക്ക് ഇപ്പോഴും ഞെട്ടല്‍ വിട്ടുമാറിയിട്ടില്ല. ഇതിലും വലിയ ആഘാതമാണ് അവര്‍ പോലും പ്രതീക്ഷിച്ചത്. അങ്ങനെ നോക്കിയാല്‍ ഇപ്പോഴത്തെ അവസ്ഥ ഭാഗ്യം എന്ന് തന്നെ എന്ന് പറയേണ്ടി വരുമെന്നും പൂജ പറയുന്നു. മുഖത്ത് മുറിവുകളൊന്നും സഭവിച്ചില്ല, എന്നതും ആശ്വസകരമാണ്. അല്ലെങ്കില്‍ അപകടത്തോടെ എന്റെ കരിയര്‍ തന്നെ ഇല്ലാതാകുന്ന അവസ്ഥയും ഉണ്ടാകുമായിരുന്നു.

ഒരു കായികതാരം കൂടിയായത് കൊണ്ടാണ് മുഖത്തും തലയിലും വലിയ അപകടമില്ലാതെ രക്ഷപ്പെടാന്‍ പൂജയ്ക്ക് കഴിഞ്ഞത്. സ്വന്തം കാലില്‍ എഴുന്നേറ്റ് നില്‍ക്കണമെങ്കില്‍ ഇനി ഒരു മാസമെങ്കിലും വേണ്ടി വരും. കൈയിലെ പ്ലാസ്റ്റര്‍ എടുക്കണമെങ്കില്‍ ഒരു ആറ് മാസവും. അതിന് ശേഷം ഫിസിയോതെറാപ്പിയിലൂടെ പതുക്കെ ജീവിതത്തിലേക്ക്... കിടക്കയിലും നിങ്ങളുടെ പ്രിയപ്പെട്ട പൂജ ബാനര്‍ജി...