ഒരേ ഇന്‍ഡസ്ട്രിയില്‍ നിന്ന് വിവാഹം കഴിക്കുമ്പോള്‍ ഈഗോ ക്ലാഷുകള്‍ ഉണ്ടാകുമെന്ന് പലരും പറഞ്ഞു, തുറന്നുപറഞ്ഞ് യുവ

ആറ് മാസം കഴിഞ്ഞ ശേഷമായിരിക്കും വിവാഹമെന്ന് എന്‍ഗേജ്‌മെന്റ് ദിവസം മൃദുലയും യുവയും പറഞ്ഞിരുന്നു. തുടര്‍ന്ന് ഇപ്പോള്‍ കടുത്ത പ്രണയത്തിലാണ് ഇരുവരും. അടുത്തിടെ വാലന്റൈന്‍സ് ഡേയോട് അനുബന്ധിച്ച് മൃദുലയ്ക്ക് യുവ നല്‍കിയ സര്‍പ്രൈസ് ഗിഫ്‌റ്റ് വാര്‍ത്തകളില്‍ ഇടംപിടിച്ചിരുന്നു. ഒരു വലിയ പാവക്കുട്ടിയെ ആണ് മൃദുലയ്ക്ക് യുവ സമ്മാനിച്ചത്. യുവ തന്നെയായിരുന്നു ഇത് തന്‌റെ വ്‌ളോഗ് വീഡിയോയിലൂടെ പങ്കുവെച്ചത്.

അതേസമയം മൃദുലയുമായുളള വിവാഹത്തെ കുറിച്ച് ടൈംസ് ഓഫ് ഇന്ത്യയ്ക്ക് നല്‍കിയ അഭിമുഖത്തില്‍ യുവ മനസുതുറന്നിരുന്നു. വിവാഹ വാര്‍ത്ത പുറത്തുവന്നപ്പോള്‍ ഒരുപാട് പേര്‍ നെഗറ്റീവ് അഭിപ്രായങ്ങളുമായി വന്നിരുന്നു എന്നും യുവ പറഞ്ഞു. ഒരേ ഇന്‍ഡസ്ട്രയില്‍ നിന്ന് കല്യാണം കഴിച്ചാല്‍ ഈഗോ ക്ലാഷുകള്‍ ഉണ്ടാകുമെന്നാണ് പലരും പറഞ്ഞത്.

അത്തരം വിവാഹങ്ങളില്‍ 90 ശതമാനവും സക്‌സസ് ആകില്ലെന്നും ഉപദേശിച്ചു. എന്നാല്‍ ഞാന്‍ എല്ലാം പോസിറ്റീവ് ആയി എടുക്കുന്ന ആളാണെന്ന് യുവ പറയുന്നു. നിങ്ങളുടെ വര്‍ക്ക് ലൈഫ് എറ്റവും നന്നായി മനസിലാക്കാന്‍ കഴിയുന്ന ഒരു ജീവിത പങ്കാളിയെ കിട്ടുക എന്നത് ഒരു ഭാഗ്യമല്ലെ. എന്റെ തിരക്കുകളെ പറ്റി അവളെ എനിക്ക് ഒരിക്കലും കണ്‍വിന്‍സ് ചെയ്യേണ്ട അവസ്ഥ വരില്ല.

Recommended Video

സീരിയല്‍ നടി മൃദുലയുടെയും യുവകൃഷ്ണയുടെയും വിവാഹം നിശ്ചയിച്ചു

അതുപോലെ മൃദുലക്ക് ജോലി സംബന്ധമായ ഒരു പ്രശ്‌നം വന്നാല്‍ ഒരേസമയം ഭര്‍ത്താവ് എന്ന നിലയിലും സഹപ്രവര്‍ത്തകന്‍ എന്ന നിലയിലും എനിക്ക് അവളെ സപ്പോര്‍ട്ട് ചെയ്യാം. യുവ പറഞ്ഞു. ഞങ്ങളുടെ വിവാഹ വാര്‍ത്ത പുറത്തുവന്നപ്പോള്‍ ഫേക്ക് ന്യൂസ് ആണെന്നാണ് എല്ലാവരും കരുതിയതെന്ന് യുവ പറയുന്നു. എന്നാല്‍ ഇപ്പോള്ഡ ഞങ്ങളുടെ ഒത്തുച്ചേരലില്‍ എറ്റവും സന്തോഷം അവര്‍ക്കുതന്നെയാണെന്നും നടന്‍ പറഞ്ഞു. മൃദുലയ്ക്ക് സുഖമല്ലേ എന്നാണ് എവിടെപ്പോയാലും ഇപ്പോള്‍ എല്ലാവരും ചോദിക്കുന്നത്. അഭിമുഖത്തില്‍ യുവകൃഷ്ണ പറഞ്ഞു