വിവാഹത്തിനൊരുങ്ങി സീരിയല്‍ നടന്‍ വിഷ്ണു; വധുവായ കാവ്യയുടെ വീട്ടില്‍ വിവാഹത്തിന്റെ തിരക്ക് തുടങ്ങിയെന്ന് താരം

വിഷ്ണുവിന്റെ വിവാഹത്തെ കുറിച്ച് ചോദിക്കുന്നവരോട് അത് ഓഗസ്റ്റ് പതിനെട്ടിനാണെന്നാണ് താരം പറയുന്നത്. താനും വധുവും ചങ്ങനാശ്ശേരി സ്വദേശികളാണെങ്കിലും വീട്ടുകാര്‍ തീരുമാനിച്ച് ഉറപ്പിച്ചത് പ്രകാരമുള്ള അറേഞ്ച്ഡ് മ്യാരേജ് ആണിത്. കൊവിഡ് പ്രതിസന്ധികള്‍ കാരണം വളരെ കുറച്ച് അതിഥികള്‍ മാത്രം പങ്കെടുപ്പിച്ച്, വിവാഹം ലളിതമായി നടത്താനാണ് താരകുടുംബം തീരുമാനിച്ചിരിക്കുന്നത്. വിഷ്ണുവിന്റെ വിവാഹത്തിന് സീരിയല്‍ രംഗത്ത് നിന്നുള്ളവര്‍ വരുമോ എന്നതാണ് ആരാധകര്‍ക്ക് ഇനി അറിയാനുള്ളത്.

ഇന്‍ഡസ്ട്രിയിലുള്ള സുഹൃത്തുക്കളേ ഒക്കെ ഇക്കാര്യം താന്‍ അറിയിച്ചിട്ടുണ്ടെന്നും പലര്‍ക്കും ഷൂട്ടിന്റെ തിരക്കുകള്‍ ആയിരിക്കുമെന്നും വിഷ്ണു പറയുന്നു. താനും ഇപ്പോള്‍ ഷൂട്ടിലാണുള്ളത്. ചേച്ചിമാരുള്ളത് കൊണ്ട് വിവാഹത്തിന്റെ ഒരുക്കങ്ങളെല്ലാം അവര്‍ തന്നെ നടത്തും. വധുവിന്റെ വീട്ടില്‍ വച്ച് ചടങ്ങ് നടത്തുന്നത് കൊണ്ട് കാവ്യയുടെ വീട്ടിലാണ് വിവാഹത്തിന്റെ തിരക്കുള്ളത്. അമ്പലത്തില്‍ വച്ച് താലിക്കെട്ട് നടത്തി, ബാക്കി ചടങ്ങുകള്‍ ഓഡിറ്റേറിയത്തില്‍ നടത്താനാണ് തീരുമാനിച്ചിരിക്കുന്നതെന്നും വിവാഹത്തിനെത്തുന്ന എല്ലാവരും കൊവിഡ് പ്രോട്ടോകോള്‍ പാലിക്കണമെന്നും ഓര്‍മപ്പെടുത്തി ഇരിക്കുകയാണെന്ന് വിഷ്ണു പറയുന്നു.

വിവാഹം ഇത്രയും അടുത്ത് എത്തി നില്‍ക്കുമ്പോഴും അഭിനയിക്കാന്‍ പോവുകയാണോ എന്ന് വിഷ്ണുവിനോട് ചോദിച്ചാല്‍ അതിനും താരം ഉത്തരം പറയുന്നുണ്ട്. പുതിയതായി ആരംഭിക്കുന്ന മനസിനക്കരെ എന്ന സീരിയലിലാണ് താന്‍ അഭിനയിക്കുന്നത്. അത് ഉടനെ തന്നെ ടെലികാസ്റ്റ് ചെയ്യേണ്ടതാണ്. ആയതിനാല്‍ എന്റെ ഭാഗം വേഗം തന്നെ ഷൂട്ട് ചെയ്ത് വെക്കുകയാണെന്നാണ് താരം പറയുന്നത്. കൊവിഡ് കാലം ആയതാണ് ഇതിലേറ്റവും ബുദ്ധിമുട്ട് ഉണ്ടാക്കിയത്. ഷൂട്ടിങ്ങിന് പോകുമ്പോഴും തിരിച്ച് വരുമ്പോഴും വീണ്ടും പോകുമ്പോഴുമെല്ലാം ആര്‍ടിപിസിആര്‍ ടെസ്റ്റ് നടത്തണം. അങ്ങനെ ചെയ്ത് ചെയ്ത് മൂക്ക് ഒരു വഴിക്ക് ആയ അവസ്ഥയാണെന്ന് വിഷ്ണു വ്യക്തമാക്കുന്നു.

Recommended Video

ബഷീർ ബഷിയുടെ ഭാര്യമാർ തമ്മിൽ വഴക്കിടാറുണ്ടോ. രണ്ടാം ഭാര്യയുടെ മറുപടി

സീരിയലില്‍ അഭിനയിക്കുന്ന നടന്‍ എന്നതിലുപരി താന്‍ കുടുംബത്തിനാണ് ഏറ്റവും കൂടുതല്‍ പ്രധാന്യം കൊടുക്കുന്നതെന്നാണ് വിഷ്ണു പറയുന്നത്. താരങ്ങളെല്ലാം തിരക്കിലായിരിക്കും എന്ന് പറയുന്നത് സത്യമാണ്. സീരിയലില്‍ അഭിനയിച്ച് തുടങ്ങിയതില്‍ പിന്നെ വീട്ടുകാരുടെ കൂടെ കാര്യമായി സമയം ചെലവഴിക്കാന്‍ തനിക്ക് സാധിക്കാറില്ല. അത്യാവശ്യ ജോലികള്‍ക്ക് ശേഷം കുടുംബത്തിന് വേണ്ടി സമയം കണ്ടെത്തണമെന്നും യാത്രകള്‍ നടത്തണമെന്നുമൊക്കെയാണ് തന്റെ ആഗ്രഹമെന്ന് അഭിമുഖത്തിലൂടെ താരം പറയുന്നു.