ദിലീപ് തന്നെയായിരുന്നു ആ കാരണം.. രാമനുണ്ണി ശരിക്കും തന്റെ വരവ് അറിയിച്ചു!

രാമലീലയില്‍ അഭിനയിക്കാന്‍ കാരണം?

മലയാള സിനിമയിലെ ജനപ്രിയ നായകന്‍ ദിലീപ് തന്നെയായിരുന്നു ഈ ചിത്രം തിരഞ്ഞെടുക്കാന്‍ തന്നെ പ്രേരിപ്പിച്ച ഘടകമെന്ന് പ്രയാഗ മാര്‍ട്ടിന്‍ പറയുന്നു. ദിലീപിന്റെ നായികയായാണ് പ്രയാഗ രാമലീലയില്‍ അഭിനയിച്ചത്. ഇതേ കാരണം തന്നെയായിരുന്നു ഷാജോണും പറഞ്ഞത്.

പുതുമുഖ സംവിധായകനിലുള്ള പ്രതീക്ഷ

അരുണ്‍ ഗോപി എന്ന നവാഗത സംവിധായകന്‍ രാമലീലയിലൂടെ മലയാള സിനിമയിലേക്ക് രംഗപ്രവേശം ചെയ്യുകയാണ്. അഞ്ചു വര്‍ഷത്തെ കഠിനപ്രയ്തനത്തിന് ശേഷമാണ് തന്റെ കന്നിച്ചിത്രവുമായി സംവിധായകന്‍ എത്തുന്നത്.

സച്ചിയുടെ തിരക്കഥ

സച്ചി-സേതു കൂട്ടുകെട്ടില്‍ നിരവധി സിനിമകള്‍ പുറത്തിറങ്ങിയിരുന്നു. ചോക്ലേറ്റ്, റോബിന്‍ഹുഡ്, മേക്കപ് മാന്‍, സീനിയേഴ്‌സ്, ഡബിള്‍സ് തുടങ്ങിയ ചിത്രങ്ങളുടെ തിരക്കഥ ഇരുവരും ഒരുമിച്ച് തയ്യാറാക്കിയതാണ്. റണ്‍ ബേബി റണ്‍, ചേട്ടായീസ്, അനാര്‍ക്കലി, രാമലീല, ഷെര്‍ലക്ക് ടോംസ് തുടങ്ങിയ ചിത്രങ്ങള്‍ക്ക് സച്ചിയാണ് തിരക്കഥ ഒരുക്കിയത്.

ദിലീപിന്റെ ജീവിതവുമായി ബന്ധമില്ല

രാമലീലയും ദിലീപിന്റെ ജീവിതവുമായി ബന്ധമുണ്ടോയെന്ന തരത്തില്‍ നിരവധി ചോദ്യങ്ങള്‍ ഉയര്‍ന്നുവന്നിരുന്നു. സിനിമയിലെ ചില രംഗങ്ങള്‍ ദിലീപിന്റെ ജീവിതത്തിലും ആവര്‍ത്തിച്ചിരുന്നു. എന്നാല്‍ രാമലീലയ്ക്ക് ദിലീപിന്റെ ജീവിതവുമായി ഒരു ബന്ധമില്ലെന്നാണ് ഇവര്‍ പറയുന്നത്. മാസങ്ങള്‍ക്ക് മുന്‍പേ ചിത്രത്തിന്റെ ഷൂട്ടിങ്ങ് പൂര്‍ത്തിയാക്കിയിരുന്നു.

രാമനുണ്ണിയുടെ കഥയാണ്

ദിലീപിന്റെ ജീവിതകഥയല്ല രാമലീല. രാമനുണ്ണിയുടെ ജീവിതത്തെക്കുറിച്ചാണ് ചിത്രം പ്രതിപാദിക്കുന്നത്. രാമനുണ്ണി എന്ന രാഷ്ട്രീയക്കാരനായാണ് ദിലീപ് ചിത്രത്തില്‍ പ്രത്യക്ഷപ്പെടുന്നത്.

പ്രതീക്ഷകള്‍ ഏറെയാണ്

രാമലീല എന്ന ചിത്രത്തെക്കുറിച്ച് ഏറെ പ്രതീക്ഷകളുണ്ടെന്ന് പ്രയാഗ മാര്‍ട്ടിനും ഷാജോണും പറഞ്ഞു. നായകന്റെ പേരില്‍ മാത്രമായി ഒരു സിനിമയും ഇന്നേവരെ വിജയിച്ച ചരിത്രമില്ല. ഈ ചിത്രം വിജയിക്കുമെന്ന് തന്നെയാണ് പ്രതീക്ഷ. ചിത്രത്തെക്കുറിച്ച് പ്രതീക്ഷകളേറെയാണെന്നും താരങ്ങള്‍ വ്യക്തമാക്കി.