ഗര്‍ഭിണിയായപ്പോഴുള്ള മാനസികാവസ്ഥയെക്കുറിച്ച് പേളി മാണി, എല്ലാത്തിനും കൂട്ടായി ശ്രീനിയുണ്ടായിരുന്നു

പേളി മാണിയുടെ പോസ്റ്റ്

തുടക്കത്തിൽ ഞാൻ കരയുമായിരുന്നു . പിന്നീടത് സങ്കടമായി മാറി. അതൊരു ശീലമായി മാറുകയായിരുന്നു. എന്നാല്‍ അതില്‍ നിന്നും ശക്തയായി മാറുകയായിരുന്നു പിന്നീട്. നിങ്ങൾ ആഗ്രഹിക്കുന്ന രീതിയിൽ ജീവിതം നയിക്കുക. ഈ ലോകത്ത് നിങ്ങൾ കാണാനാഗ്രഹിക്കുന്ന മാറ്റമാകുകയെന്നുമായിരുന്നു പേളി കുറിച്ചത്. പുത്തന്‍ ചിത്രത്തിനൊപ്പമുള്ള കുറിപ്പ് ഇതിനകം തന്നെ വൈറലായി മാറിക്കഴിഞ്ഞിട്ടുണ്ട്.

ശ്രിനിഷിന്‍റെ കമന്‍റ്

പേളിയുടെ പോസ്റ്റിന് കീഴില്‍ ആദ്യം കമന്റുമായെത്തിയത് ശ്രിനിഷായിരുന്നു. ഇത് നിന്റെ ജീവിതമാണ്, മറ്റുള്ളവര്‍ എന്ത് പറയുന്നുവെന്ന് നോക്കേണ്ട കാര്യമില്ലെന്നായിരുന്നു ശ്രീനി പറഞ്ഞത്. ആ പറഞ്ഞത് ശരിയാണെന്നായിരുന്നു ആരാധകര്‍ ശ്രീനിയോട് പറഞ്ഞത്. ഇത് പോലൊരു ഭര്‍ത്താവിനെ കിട്ടിയതില്‍ പേളിക്ക് സന്തോഷിക്കാമെന്നായിരുന്നു ആരാധകരെല്ലാം പറഞ്ഞത്. പേളി എന്താണെന്ന് ശരിക്കും മനസ്സിലാക്കിയാണ് കൂടെക്കൂട്ടിയതെന്ന് നേരത്തെ ശ്രിനിഷ് പറഞ്ഞിരുന്നു.

സോഷ്യല്‍ മീഡിയയില്‍

സോഷ്യല്‍ മീഡിയയിലൂടെ വരുന്ന നെഗറ്റീന് കമന്റുകള്‍ തുടക്കത്തിലൊക്കെ തന്നെ വിഷമിപ്പിച്ചിരുന്നുവെന്ന് താരം പറഞ്ഞിരുന്നു. അത്തരത്തിലുള്ള കാര്യങ്ങളെക്കുറിച്ച് ചിന്തിക്കുകയേ വേണ്ടെന്നായിരുന്നു ശ്രിനിഷ് പറഞ്ഞതെന്നും പേളി പറഞ്ഞിരുന്നു. പേളി മാണിയുടെ ഗര്‍ഭവിശേഷങ്ങള്‍ ഇനിയും തീര്‍ന്നില്ലേയെന്നും ലോകത്തിലെ തന്നെ ആദ്യ സംഭവമാണോ ഇതെന്നുമൊക്കെയുള്ള വിമര്‍ശനങ്ങളായിരുന്നു ചിലര്‍ ഉന്നയിച്ചത്.

പെണ്‍കുഞ്ഞായിരിക്കും

പേളിയെപ്പോലെ തന്നെ സുന്ദരിയായ പെണ്‍കുഞ്ഞായിരിക്കും പിറക്കാനിരിക്കുന്നതെന്നായിരുന്നു ചിലര്‍ പറഞ്ഞത്. പ്രിയ മോഹനും ഇതേക്കുറിച്ച് പറഞ്ഞിരുന്നു. ഇപ്പോഴത്തെ ജീവിതം പരമാവധി ആസ്വദിക്കാനായിരുന്നു സ്‌നേഹ പറഞ്ഞത്. പേളിയെ ഇതുവരെ കണ്ടിട്ടില്ലെന്നും കാണാനായി കാത്തിരിക്കുകയാണെന്നുമായിരുന്നു ദീപ്തി സതി. താരങ്ങളും ആരാധകരുമെല്ലാം കുഞ്ഞതിഥിയെ കാണാനായുള്ള കാത്തിരിപ്പിലാണ്. പേളിയുടെ പോസ്റ്റുകള്‍ക്ക് കീഴില്‍ കമന്റുകളുമായി ഇവരും എത്താറുണ്ട്.