വാനമ്പാടിയിലെ രുക്കുവിന് ഇതെന്ത് പറ്റിയതാണ്? പെട്ടെന്ന് ഭേദമാവട്ടെയെന്ന് ആരാധകര്‍! നന്ദി പറഞ്ഞ് താരം

മിനിസ്‌ക്രീന്‍ പ്രേക്ഷകരുടെ സ്വന്തം താരമാണ് പ്രിയ മേനോന്‍. വാനമ്പാടിയെന്ന പരമ്പരയിലൂടെയാണ് ഇപ്പോള്‍ താരം പ്രേക്ഷകര്‍ക്ക് മുന്നിലേക്ക് എത്തിക്കൊണ്ടിരിക്കുന്നത്. ഫാഷന്‍രെ കാര്യത്തില്‍ ഈ അമ്മയും മകളും ഒന്നിനൊന്ന് മത്സരമാണ്. കുശുമ്പും ഏഷണിയുമൊക്കെയായി സമാധാന പൂര്‍ണ്ണമായ അന്തരീക്ഷത്തെ ഇല്ലാതാക്കുന്നതില്‍ പ്രത്യേക വൈഭവമുള്ള രുക്മിണിയെയാണ് പ്രിയ മേനോന്‍ അവതരിപ്പിക്കുന്നത്.

സോഷ്യല്‍ മീഡിയയില്‍ ഏറെ സജീവമായ പ്രിയ മേനോന്‍ തന്റെ വിശേഷങ്ങളെല്ലാം പങ്കുവെക്കാറുണ്ട്. വാനമ്പാടിയുടെ ചിത്രീകരണത്തിനിടയിലെ അപകടത്തെക്കുറിച്ച് തുറന്നുപറഞ്ഞായിരുന്നു കഴിഞ്ഞ ദിവസം താരമെത്തിയത്. തെന്നിവീണുണ്ടായ അപകടത്തെത്തുടര്‍ന്ന് കാലിന് പരിക്കേറ്റുവെന്നും വിശ്രമത്തിലാണ് താനെന്നും നിങ്ങളുടെ പ്രാര്‍ത്ഥനകള്‍ക്കും അന്വേഷണങ്ങള്‍ക്കും നന്ദിയെന്നുമറിയിച്ചാണ് പ്രിയ മേനോന്‍ എത്തിയത്.

പെട്ടെന്ന് അസുഖം ഭേദമാവട്ടെയെന്നും പൂര്‍വ്വാധികം ശക്തിയോടെ അഭിനയത്തില്‍ സജീവമാവണമെന്നുമൊക്കെയാണ് ആരാധകരുടെ കമന്റുകള്‍. കമന്‍റുകള്‍ക്ക് മറുപടി നല്‍കി താരവും രംഗത്തെത്തിയിരുന്നു. അപ്രതീക്ഷിതമായാണ് അപകടം സംഭവിച്ചതെന്നും തനിക്കൊപ്പമുണ്ടായിരുന്നവര്‍ക്കും ചികിത്സിച്ച ഡോക്ടര്‍മാര്‍ക്കുമൊക്കെ നന്ദി അറിയിച്ചും താരം എത്തിയിരുന്നു. പ്രിയ മേനോന്‍റെ പോസ്റ്റ് ഇതിനകം തന്നെ വൈറലായി മാറിയിട്ടുണ്ട്.

മിനിസ്‌ക്രീനില്‍ മാത്രമല്ല ബിഗ് സ്‌ക്രീനിലും വരവറിയിച്ചിട്ടുണ്ട് പ്രിയ മേനോന്‍. സമീപകാലത്ത് തിയേറ്ററുകളിലേക്കെത്തിയ സിനിമയായ പട്ടാഭിരാമനില്‍ പ്രധാന വേഷത്തില്‍ താരം എത്തിയിരുന്നു. ഏത് തരത്തിലുള്ള കഥാപാത്രവും തന്നില്‍ ഭദ്രമായിരിക്കുമെന്ന് തെളിയിച്ചാണ് താരം മുന്നേറുന്നത്. സിനിമകളേറെയുണ്ടെങ്കിലും തങ്ങളുടെ രുക്കുവായാണ് പ്രേക്ഷകര്‍ പ്രിയെ വിശേഷിപ്പിക്കുന്നത്.