മമ്മൂട്ടിയോട് റീടേക്കിനാവശ്യപ്പെട്ട രമേഷ് പിഷാരടിക്ക് കിട്ടിയ എട്ടിന്‍റെ പണി! വീഡിയോ വൈറലാവുന്നു!

നീണ്ട നാളത്തെ ഇടവേളയ്ക്ക് ശേഷമായാണ് പിഷാരടി പഴയ തട്ടകത്തിലേക്ക് എത്തിയത്. ബഡായി ബംഗ്ലാവിന്റെ അവിഭാജ്യ ഘടകമായിരുന്നു ആര്യയും പിഷാരടിയും. ആദദ്യ ഭാഗം അവസാനിച്ചതിന് പിന്നാലെയായി രണ്ടാം ഭാഗം തുടങ്ങുന്നുവെന്നറിഞ്ഞപ്പോള്‍ എല്ലാവരും കാത്തിരുന്നത് ഇവരെയായിരുന്നു. എന്നാല്‍ ഇത്തവണ പുതിയ താമസക്കാരായിരുന്നു എത്തിയത്. പരിപാടി മുന്നേറുന്നതിനിടയിലാണ് ആര്യ എത്തിയത്. പതിവില്‍ നിന്നും വ്യത്യസ്തമായി ഇത്തവണ അതിഥിയായാണ് രമേഷ് പിഷാരടി എത്തിയത്. പിഷാരടി എത്തുന്നുവെന്നറിഞ്ഞപ്പോള്‍ മുതല്‍ പ്രേക്ഷകര്‍ സന്തോഷത്തിലായിരുന്നു.

രമേഷ് പിഷാരടി-ആര്യ കോംപിനേഷന് മികച്ച സ്വീകരണമായിരുന്നു ലഭിച്ചിരുന്നത്. ഇവരുടെ കൂടിക്കാഴ്ചയുടെ വീഡിയോ വൈറലായി മാറിയിരുന്നു. നാളുകള്‍ക്ക് ശേഷം പിഷാരടി തിരികെ എത്തിയപ്പോള്‍ മുകേഷും സന്തോഷത്തിലായിരുന്നു. എന്നാല്‍ ഇത്തവണയും തന്നെ വേദനിപ്പിക്കുകയാണ് പിഷാരടി എന്നായിരുന്നു ആര്യയുടെ പരാതി. നൃത്തം ചെയ്യുന്നതിനിടയില്‍ കൈ മുറുകെപ്പിടിച്ചപ്പോള്‍ മോതിരം കുടുങ്ങി വേദനയെടുത്തുവെന്നായിരുന്നു ആര്യ പറഞ്ഞത്. ഇടയ്ക്കിടയ്ക്ക് പരിപാടിയിലേക്ക് വന്നൂടേയെന്നായിരുന്നു ആരാധകരുടെ ചോദ്യം.

ഇതല്ല താനുദ്ദേശിച്ചത്, കുറച്ചൂടെയാവാം അത്തരത്തില്‍ എന്തെങ്കിലും സംഭവം സിനിമയുടെ ചിത്രീകരണത്തിനിടയില്‍ ഉണ്ടായിരുന്നോയെന്നായിരുന്നു മുകേഷ് ചോദിച്ചത്. പാട്ട് ഷൂട്ടിനിടയില്‍ അത്തരമൊരു സംഭവമുണ്ടായിരുന്നു. ഉത്സവപ്പറമ്പില്‍ മമ്മൂക്ക പാടുന്ന സീനാണ്, ഒന്ന് തെറ്റിയത് പോലെ തോന്നി താന്‍ കട്ട് ചെയ്തു, രണ്ടാമതും അത് പോലെ തന്നെ തോന്നിയതിനാല്‍ വീണ്ടും കട്ട് ചെയ്യുകയായിരുന്നു. സ്‌റ്റൈലിനായി മമ്മൂക്കയ്ക്ക് കൂളിങ് ഗ്ലാസ് വെച്ച് കൊടുത്തിരുന്നു. നല്ല ലൈറ്റൊക്കെ അടിക്കുന്നുണ്ട്.

ഏറ്റവും പുറകിലായി ഇരിക്കുന്ന അദ്ദേഹം തന്നെ അരികിലേക്ക് വിളിച്ചു. എന്നിട്ട് കൂളിങ് ഗ്ലാസ് വെച്ച് തന്നു, ലൈറ്റ് ഓണാക്കാന്‍ പറഞ്ഞു, പാട്ട് ബുക്ക് കൈയ്യിലെടുത്തപ്പോള്‍ ഒന്നും കാണാനാവുന്നില്ല. നീയിത് പോലത്തെ ഗ്ലാസും തന്ന് ലൈറ്റും വെച്ച് പാട്ട് ബുക്കും തന്നാല്‍ താനെങ്ങനെ കാണും. വീണ്ടും എടുക്കാന്‍ പറഞ്ഞാല്‍ എങ്ങനെ നടക്കും, ആദ്യം ഇതിനൊരു പരിഹാരമുണ്ടാക്കെന്നും അദ്ദേഹം പറഞ്ഞിരുന്നു.

രമേഷ് പിഷാരടിക്കൊപ്പം ധര്‍മ്മജനും ബംഗ്ലാവിലേക്ക് എത്തിയിരുന്നു. ധര്‍മ്മജനെ എടുത്തായിരുന്നു പിഷാരടി വന്നത്. എപ്പോക്കണ്ടാലും കെട്ടിപ്പിടിക്കുകയും എടുക്കുകയും ചെയ്യാറുണ്ടെന്നും അതിനി എത്ര നാള്‍ കഴിഞ്ഞാലും അങ്ങനെ തന്നെയായിരിക്കുമെന്നും പിഷാരടി പറഞ്ഞിരുന്നു. കഥയുടെ പ്രധാനപ്പെട്ട സ്ഥലത്താണ് ധര്‍മ്മജന്‍ വരുന്നത്. തന്റെ രണ്ട് പടത്തിലും ഇവന് വേഷം നല്‍കിയിരുന്നുവെങ്കിലും അവന്‍ സിനിമ നിര്‍മ്മിച്ചപ്പോള്‍ തന്നെ വിളിച്ചില്ലെന്നും പിഷാരടി പറഞ്ഞിരുന്നു. ഇതേക്കുറിച്ച് ചിലര്‍ ചോദിച്ചപ്പോള്‍ എന്നെ അവന് ആവശ്യമുണ്ടെന്നും എനിക്കവനെ ആവശ്യമില്ലെന്നുമായിരുന്നു ധര്‍മ്മജന്‍രെ മറുപടിയെന്നുമായിരുന്നു മുകേഷ് പറഞ്ഞത്.