വിവരവും വിദ്യാഭ്യാസവുമുള്ളവർ എന്നെ ഈ നിമിഷം വരെ ​നെ​ഗറ്റീവ് പറഞ്ഞിട്ടില്ല, അവന് വേണ്ടി ജീവിച്ചേ മതിയാകൂ; രേണു

കിച്ചു സുധിയുമായി ബന്ധപ്പെട്ട വിവാദങ്ങൾക്കിടെ തന്നെ നെ​ഗറ്റീവ് പറയുന്നവർക്കെതിരെ പ്രതികരിച്ച് രേണു സുധി. തന്നെ പിന്തുണയ്ക്കുന്ന രണ്ട് പേരുണ്ടെങ്കിൽ എന്ത് പ്രശ്നം വന്നാലും മുന്നോട്ട് തന്നെ പോകുമെന്ന് രേണു പറയുന്നു. ഇപ്പോൾ എനിക്ക് മക്കളുണ്ട് അവർക്ക് വേണ്ടി ജീവിക്കണം. പ്രായ പൂർത്തിയായ ആർക്കും എന്തും സംസാരിക്കാനുള്ള അവകാശമുണ്ട്. മോൻ കിച്ചുവിന്റെ പേരിൽ ഒരു വിവാദം നടക്കുന്നുണ്ട്. അവൻ ലൈവ് വഴി അവന് പറയാനുള്ളത് പറഞ്ഞു. ഇനി അതായിരിക്കും ചോദ്യങ്ങൾ. അതൊക്കെ നടക്കട്ടെ അവരവരുടെ ഇഷ്ടമാണ് എന്ത് പറയണമെന്നത്. നമ്മുടെ ഇഷ്ടം നമ്മൾ പറയുന്നു. അതുപോലെ അവൻ പ്രായപൂർത്തിയായ കുട്ടിയാണ്.

എന്റെ ഇളയമകൻ ഒരു കൊച്ചുകുട്ടിയാണ്. അവന് വേണ്ടി എനിക്ക് ജീവിച്ചേ മതിയാകൂ. നല്ല ആളുകൾ രേണു സുധി നന്നായിട്ട് തന്നെ മുന്നോട്ട് പോകട്ടെ എന്നാണ് ചിന്തിക്കാറുള്ളത്. ഞാൻ ഇത് പറയുമ്പോൾ രേണു ഉയർന്ന ആൾക്കാരെ പറ്റി മാത്രം സംസാരിക്കുന്നുവെന്ന്. അങ്ങനെയല്ല... വിവരവും വിദ്യാഭ്യാസവും ബുദ്ധിയുമുള്ളവർ എന്നെ ഈ നിമിഷം വരെ ​നെ​ഗറ്റീവ് പറഞ്ഞിട്ടില്ല. വെറുതെ ചൊറിയും കുത്തിയിരുന്ന് ഒരു പണിയുമില്ലാതെ നടക്കുന്ന അലവലാതികൾ മാത്രമാണ് എന്നെ പറ്റി നെ​ഗറ്റീവ് പറയുന്നത്. എന്തെങ്കിലുമൊക്കെ ചെയ്യാൻ കഴിവുണ്ടെങ്കിൽ അവർക്ക് കുറ്റം പറഞ്ഞ് ഇരിക്കേണ്ട ആവശ്യമില്ല. നൂറ് പേര് നെ​ഗറ്റീവ് പറഞ്ഞാലും രണ്ട് പേർ നല്ലത് പറയുന്നുണ്ടെങ്കിൽ അത് മതി എനിക്ക്. എന്റെ മൈന്റ് ഓക്കെയാകും. ഞാൻ മുന്നോട്ട് പോകും. ഇനി ആകാശം ഇടിഞ്ഞ് വീഴുന്ന പ്രശ്നം ഉണ്ടായാലും രേണു സുധി ഇങ്ങനെ തന്നെ മുന്നോട്ട് പോകും.