റിമിയ്ക്ക് രഞ്ജിനി ഹരിദാസ് കൊടുത്ത ഒരു ഒന്നൊന്നര പണി; റിമി കരയാന്‍ തുടങ്ങി

വാതില്‍ മുട്ടി വിളിച്ചു

രാത്രി ഒരു പത്ത് മണി കഴിഞ്ഞപ്പോള്‍ റിമി ടോമിയുടെ വാതില്‍ ആരോ മുട്ടി. തുറന്ന് നോക്കിയപ്പോള്‍ രഞ്ജിനി ഹരിദാസ്. റിമി, എന്റെ കൂടെ ഒരു സ്ഥലം വരെ വരണമെന്ന് രഞ്ജിനി പറഞ്ഞു. കുറ്റാകൂരിരുട്ടാണ്. രാത്രി പത്ത് മണി കഴിഞ്ഞു കാണും. മമ്മി എവിടെ പോവുകയാണ് എന്ന് ചോദിച്ചപ്പോള്‍ ഇപ്പോള്‍ വരാം എന്ന് പറഞ്ഞ് ഞങ്ങള്‍ ഇറങ്ങി നടന്നു.

മല കയറി കയറി പോയി

ഒരു മുബൈല്‍ ഫോണിന്റെ വെളിച്ചത്തിലാണ് ഞങ്ങള്‍ നടക്കുന്നത്. ഒരു മല കയറുകയാണ്. രഞ്ജിനിയ്ക്ക് പിന്നാലെ ഞാന്‍ പതിയെ പതിയെ കയറി. കയറി കയറി പോകുമ്പോള്‍ മനസ്സിലായി പതിനെട്ടാം പടിയൊന്നും ഒന്നുമല്ല. പെട്ടന്ന് മുബൈല്‍ ഫോണ്‍ ഓഫായപ്പോഴാണ് എവിടെയാണ് ഉള്ളതെന്ന് മനസ്സിലായത്.

കരയാന്‍ തുടങ്ങി

റിമി ടോമി അമ്മേ എന്ന് വിളിച്ച് കരയാന്‍ തുടങ്ങി. വലിയൊരു കുന്നിന് മുകളിലാണ് ഞങ്ങളുള്ളത്. ആകാശത്തെ നക്ഷത്രത്തെ കൈ കൊണ്ട് തൊടാന്‍ പാകത്തിന് ഉയരത്തില്‍. രഞ്ജിനിയ്ക്ക് സ്വര്‍ഗ്ഗം കിട്ടിയ സന്തോഷമായിരുന്നു. ഞാനൊരു അഞ്ച് മിനിട്ട് നക്ഷത്രങ്ങളെ കണ്ട് ആസ്വദിയ്ക്കട്ടെ എന്ന് രഞ്ജിനി പറഞ്ഞു. റിമി ശരിയ്ക്കും കരയാന്‍ തുടങ്ങി. ആരെങ്കിലും ഊതിയാല്‍ താന്‍ പറന്ന് പോകുമെന്ന് റിമിയ്ക്ക് തോന്നി.

മറക്കില്ല ആ അനുഭവം

റിമിയുടെ കൈയ്യും കാലും വിറയ്ക്കുകയായിരുന്നു. അപ്പോള്‍ രഞ്ജിനി, 'ഇതിനെയും കൊണ്ട് വന്നതാണ് ഞാന്‍ ചെയ്ത ഏറ്റവും വലിയ തെറ്റ്' എന്ന്. പാവം റിമി, അവിടെ ഒരു പാറക്കെട്ടില്‍ പിടിച്ചു നിന്നു. ആ അനുഭവം താനൊരിക്കലും മറക്കില്ല എന്ന് റിമി ടോമി പറയുന്നു.