റിമി ടോമിയെ പോലെ മുന്‍ഭര്‍ത്താവും! സ്‌റ്റൈലിഷ് ലുക്കില്‍ റോയിസിന്റെ പുത്തന്‍ ഫോട്ടോസ് വൈറലാവുന്നു

രസകരമായ കാര്യം നേരത്തെ ഉണ്ടായിരുന്നതിലും തടി കുറഞ്ഞിട്ടാണ് റോയിസ് പുതിയ ചിത്രങ്ങളില്‍ പ്രത്യക്ഷപ്പെട്ടിരിക്കുന്നത്. റോയിസിന്റെ ഫോട്ടോയ്ക്ക് ഒരുപാട് പേരാണ് കമന്റുകളുമായി എത്തിയിരിക്കുന്നത്. താന്‍ ജോലിയിലേക്ക് തിരിച്ചെത്തി എന്ന് സൂചിപ്പിച്ച് കൊണ്ടായിരുന്നു റോയിസ് ചിത്രം പങ്കുവെച്ചത്.

സോഫ്റ്റ് വെയര്‍ എന്‍ജിനീയറായ സോണിയ ആണ് റോയിസിന്റെ ഭാര്യ. അടുത്ത കുടുംബാംഗങ്ങള്‍ക്കൊപ്പം ലളിതമായിട്ടായിരുന്നു റോയിസിന്റെ രണ്ടാം വിവാഹം നടന്നത്. വിവാഹത്തിന് തൊട്ട് അടുത്ത ദിവസമാണ് റോയിസിനൊപ്പം നില്‍ക്കുന്ന സോണിയയുടെ ചിത്രങ്ങളും പുറത്ത് വരുന്നത്. പിന്നാലെ വിവാഹവിശേഷങ്ങള്‍ പുറത്ത് വന്നിരുന്നു.

റോയിസിനെ പോലെ തന്നെ ഭാര്യ സോണിയയും ഇപ്പോള്‍ സെലിബ്രിറ്റിയാണ്. സോണിയയുടെ സോഷ്യല്‍ മീഡിയയിലൂടെ പങ്കുവെച്ച് ചിത്രങ്ങളും ചര്‍ച്ചയാവാറുണ്ട്. രാജാരവി വര്‍മ്മയുടെ ചിത്രത്തെ അനുകരിച്ച് നടത്തിയ ഫോട്ടോഷൂട്ട് ആയിരുന്നു നേരത്തെ ഏറ്റവുമധികം ശ്രദ്ധേയമായത്.

ലോക്ഡൗണ്‍ കാലത്ത് വര്‍ക്കൗട്ടിലൂടെ ശരീരഭാരം കുറച്ച് റിമി ടോമിയും ആരാധകരുടെ കൈയടി വാങ്ങിയിരുന്നു. നേരത്തെ തടിച്ചുരുണ്ട് ഇരുന്ന റിമി ഇപ്പോള്‍ മെലിഞ്ഞ് വളരെയധികം സുന്ദരിയായിരിക്കുകയാണ്. താന്‍ വെയിറ്റ് കുറച്ചതിന് പിന്നിലെ രഹസ്യം യൂട്യൂബ് ചാനലിലൂടെ പുറത്ത് വിട്ടിരുന്നു. ഇപ്പോള്‍ ഷൂട്ടിങ് തിരക്കുകളിലേക്ക് പോയിരിക്കുകയാണ് റിമി. മാസങ്ങള്‍ക്ക് ശേഷം ഷൂട്ടിങ്ങിലേക്ക് തിരികെ വന്ന വിശേഷം റിമി പങ്കുവെച്ചിരുന്നു.