പുതിയ ദേവ വന്നതോടെ മുഴുവനും റൊമാന്‍സാണ്, ഞങ്ങള്‍ക്ക് കാണേണ്ടത് ഇതൊന്നുമല്ല,വിമർശനവുമായി ആരാധകർ

സൂരജ് സീരിയലിൽ നിന്ന് പിൻമാറിയതോടെ പ്രേക്ഷകർ രംഗത്ത് എത്തുകയായിരുന്നു. സൂരജിനെ മടക്കി കൊണ്ടുവരണമെന്നായിരുന്നു ആവശ്യം. എന്നാൽ ദിവസങ്ങൾക്ക് മുൻപ് പുതിയ ദേവ പരമ്പയിൽ എത്തുകയായിരുന്നു. കാസർഗോഡ് സ്വദേശിയായ ലക്ജിത്താണ് പുതിയ ദേവയായി എത്തിയത്. മാസ് എൻട്രിയിലൂടെയാണ് ലക്കിയെ അവതരിപ്പിച്ചത്. എന്നാൽ നടനെ പൂർണ്ണമായി അംഗീകരിക്കാൻ ആരാധകർക്ക് കഴിഞ്ഞിട്ടില്ല.

പുതിയ ദേവ വന്നതോടെ പരമ്പര കൂടുതൽ റൊമാന്റിക് ആയിരിക്കുകയാണ്. കൺമണിയുടേയും ദേവയുടേയും മധുവിധു ആഘോഷവും റൊമാൻസുമാണ് ഇപ്പോൾ പരമ്പരയിൽ കാണിക്കുന്നത്. എന്നാൽ ഇത് അംഗീകരിക്കാൻ പ്രേക്ഷകർക്ക കഴിഞ്ഞിട്ടില്ല. മനീഷയും ലക്ജിതും തമ്മിലുള്ള കെമിസ്ട്രി കൊള്ളാമെങ്കിലും സൂരജിന്റെ അത്ര വരില്ലെന്നാണ് പ്രേക്ഷകർ പറയുന്നത്. പുതിയ ദേവ അത്ര പോരയെന്നും ആരാധകർ പറയുന്നുണ്ട്.

സൂരജ് ദേവയെ അവതരിപ്പിച്ചിരുന്ന സമയത്ത് ഇങ്ങനെയായിരുന്നില്ലല്ലോ കാര്യങ്ങള്‍, എന്നും പ്രശ്‌നങ്ങളായിരുന്നുവല്ലോയെന്നായിരുന്നു ആരാധകര്‍ പറഞ്ഞത്. കണ്‍മണിയും ദേവയും തമ്മിലുള്ള പ്രണയനിമിഷങ്ങള്‍ കാണാന്‍ ഞങ്ങളും ആഗ്രഹിച്ചിരുന്നു. എന്നാല്‍ സൂരജ് മാറിയതിന് ശേഷം അത് കാണാന്‍ ഇഷ്ടമില്ലെന്നുമായിരുന്നു ആരാധകര്‍ പറയുന്നത്. വിമർശനങ്ങൾ ഉയരുന്നുണ്ടെങ്കിലും റേറ്റിങ്ങിൽ ആദ്യസ്ഥാനത്തുണ്ട്

Recommended Video

Chakkappazham Fame Arjun Finally Revealed The Reason For Quitting The Show

ആരോഗ്യ പ്രശ്നം കൊണ്ടാണ് സൂരജ് പരമ്പരയിൽ നിന്ന് പിൻമാറിയത്. നടൻ തന്നെയാണ് ഇക്കാര്യം പ്രേക്ഷകരോട് പറഞ്ഞത്. പരമ്പരയിലേയ്ക്ക് മടങ്ങി എത്തണമെന്നുള്ള പ്രേക്ഷകരുടെ നിരന്തരമായ അഭ്യർഥനയെ തുടർന്നാണ് സൂരജ് ഇക്കാര്യം വെളിപ്പെടുത്തിയത്. എന്നാൽ സൂരജിന്റെ വിശദീകരണത്തില്‍ ആരാധകര്‍ തൃപ്തരല്ല. തങ്ങൾ എത്രകാലം വേണമെങ്കിലും കാത്തിരിക്കാൻ തയ്യാറാണെന്നാണ് പ്രേക്ഷകർ പറയുന്നത്. കൂടാതെ പാടാത്ത പൈങ്കിളി ടീം അംഗങ്ങളോടും സൂരജിനെ മടക്കി കൊണ്ട് വരണമെന്ന് പ്രേക്ഷകർ ആവശ്യം ഉന്നയിക്കുന്നുണ്ട്.