അയാൾ കുറെ അനുഭവിച്ചതല്ലേ? താനും അനുഭവിച്ചതാണ്, പുറത്തു വരാൻ സമയമെടുക്കും, ശ്രീയെ പിന്തുണച്ച് സല്ലു

ഇമോഷണൽ ക്യാരക്ടർ

ശ്രീശാന്തിന്റെ ചൂടൻ സ്വഭാവമാണ് എപ്പോഴും പ്രശ്നങ്ങൾക്ക് വഴിവെയ്ക്കാറുളളത്. നിസ്സാര കാര്യങ്ങൾക്ക് പോലും വേഗം പൊട്ടിത്തെറിയ്ക്കുകയും അതു പോലെ വേഗം ഇമോഷണൽ ആകുന്ന സ്വഭാവക്കാരനാണ് ശ്രീ. ഇത് തന്നെയാണ് ബിഗ് ബോസ് ഹൗസിൽ പ്രശ്നങ്ങൾക്ക് കാരണമാകുന്നതും. ബിഗ്ബോസ് ഹൗസിൽ മാത്രമല്ല ശ്രീയുടെ ദേഷ്യം പല അവസരത്തിലും താരത്തിന് വലിയ പ്രശ്നങ്ങൾ സൃഷ്ടിച്ചിട്ടുണ്ട്.

ബിഗ് ബോസ് ഹൗസിലെ വില്ലൻ

ബിഗ് ബോസ് ഹൗസിലെത്തിയ ആദ്യ ദിവസം മുതൽ ശ്രീയെ ചുറ്റിപ്പറ്റി വിവാദങ്ങൾ ഉടലെടുത്തിരുന്നു. വിവാദങ്ങളിൽ ശ്രീയുടെ പേര് ആദ്യം മുതലെ ഹൗസിൽ ഉയർന്ന് കേട്ടിരുന്നു. ഇപ്പോഴും അതുപ്പോലെ തന്നെയാണ്. ബിഗ് ബോസ് ഹൗസിലെ യഥാർഥ വില്ലൻ എന്ന് വരെ ശ്രീയെ സൽമാൻ വിശേഷിപ്പിക്കുകയുണ്ടായി.

സഹതാരങ്ങൾ ചൊടിപ്പിക്കുന്നു

അതേസമയം ശ്രീയുടെ പെട്ടെന്നുണ്ടാകുന്ന ഈ കോപം മറ്റ് മത്സരാർഥികൾ മുതലെടുക്കാൻ ശ്രമിക്കുന്നുണ്ട്. ക്രിക്കറ്റ് കരിയറിലുണ്ടായ സംഭവ വികാസങ്ങളും ചൂണ്ടിക്കാട്ടി താരത്തെ മറ്റുളള മത്സരാർഥികൾ ആക്രമിക്കാൻ ശ്രമിക്കാറുണ്ട്. ഇത് പല തവണ ബിഗ്ബോസ് ഹൗസിൽ സംഭവിച്ചിട്ടുമുണ്ട്. ഇപ്പോഴിത ശ്രീയെ പിന്തുണച്ച് സൽമാൻ രംഗത്തെത്തിയിരിക്കുകയാണ്. കൂടെ മറ്റ് മത്സരാർഥികൾക്ക് ഒരു ഉപദേശവും നൽകുന്നുണ്ട്.

അദ്ദേഹത്തെ വെറുതെ വിടു

മറ്റ് അംഗങ്ങളുടെ ഭാഗത്ത് നിന്നുളള ഇത്തരത്തിലുളള പൊരുമാറ്റത്തിന്റെ പശ്ചാത്തലത്തിലായിരുന്നു സൽമാൻഖാൻ ഇതിനെ കുറിച്ച് സംസാരിച്ചത്. അദ്ദേഹം ഇതിനോടകം തന്നെ ഒരുപാട് അനുഭവിച്ചു കഴിഞ്ഞു. ഇതിൽ നിന്നെല്ലാം പുറത്തു വരാൻ കുറെ സമയമെടുക്കും. കൂടാതെ നല്ല ധൈര്യവും വേണം. കൂടാതെ താനും ഇതേ അവസ്ഥയിലൂടെ കടന്നു പോയ വ്യക്തിയാണെന്നും സൽമാൻ പറഞ്ഞു.

തല ഇടിച്ചു പൊട്ടിച്ചു

ദേഷ്യം നിയന്ത്രിക്കാൻ കഴിയാതെ വന്നപ്പോൾ ശ്രീ തന്റെ തല ബാത്ത് റൂമിന്റെ ചുവരിൽ ഇടിച്ച് പൊട്ടിച്ചിരുന്നു. സൽമാൻ വഴക്ക് പറഞ്ഞതിന്റെ പശ്ചാത്തലത്തിലായിരുന്നു ശ്രീ ഇത്തരത്തിലുള്ള ഒരു പ്രവർത്തി ചെയ്തതത്. ബിഗ്ബോസ് ഹൗസിലെ സഹ അംഗമായ സുരഭി റാണിയെ ശ്രീ അധിക്ഷേപിച്ചതിനെതിര ശ്രീയെ സൽമാൻ ശാസിച്ചത്. ഇത് ശ്രീശാന്തിനെ വല്ലാതെ വിഷമിപ്പിച്ചിരുന്നു. സൽമാൻ പോയതിനു ശേഷം ബാത്ത് റൂമിനുള്ളിൽ കയറി കരയുകയും, ഒടുവിൽ ദേഷ്യം നിയന്ത്രിക്കാൻ പറ്റാതെ വന്നപ്പോൾ തല ബാത്ത് റൂമിന്റെ ചുമരിൽ ഇടിച്ച് പൊട്ടിക്കുകയുമായിരുന്നു