ചേച്ചിയെന്ന് വിളിക്കുന്നത് ആ നടിക്ക് എന്തോ പോലെയാണെന്ന് പറഞ്ഞു, 30 വയസുണ്ട്, സംഭവത്തെ കുറിച്ച് അപ്സര

ഇപ്പോഴിത കല്യാണ വിശേഷങ്ങൾ പങ്കുവെയ്ക്കുകയാണ് ആൽബിയും അപ്സരയും. നടി അനു ജോസഫിന്റെ യൂട്യൂബ് ചാനലിന് നൽകിയ അഭിമുഖത്തിലാണ് വിവാഹ വിശേഷവും തുടർന്നുണ്ടായ വിവാദങ്ങളെ കുറിച്ചും മനസ്സ് തുറന്നത്. ഇവർ മൂന്ന് പേരും അടുത്ത സുഹൃത്തുക്കളാണ്. താരങ്ങളുടെ അഭിമുഖം സോഷ്യൽ മീഡിയയിൽ വൈറലായിട്ടുണ്ട്. രണ്ട് വർഷത്തെ കാത്തിരിപ്പിന് ശേഷമാണ് അപ്സരയും ആൽബിയും വിവാഹം കഴിക്കുന്നത്.

നെഗറ്റീവ് കഥാപാത്രങ്ങളിലൂടെയാണ് അപ്സര പ്രേക്ഷകരുടെ ഇടയിൽ ശ്രദ്ധിക്കപ്പെടുന്നത്. നിലവിൽ ചെയ്യുന്ന സാന്ത്വനത്തിലും വില്ലത്തി വേഷത്തി വേഷമാണ്. കഥാപാത്രത്തിന്റെ പേരിൽ വിവാഹത്തിന് ശേഷവും ചീത്ത കേൾക്കാറുണ്ടെന്ന് വെളിപ്പെടുത്തുകയാണ് അപ്സര. അനുവിന്റെ ചോദ്യത്തിന് മറുപടിയായിട്ടാണ് ഇക്കാര്യം പറഞ്ഞത്. വിവാഹത്തിന് ശേഷം തങ്ങൾ ഒരുമിച്ച് പുറത്ത് പോകുമ്പോൾ ചീത്ത കേൾക്കാറുണ്ട്. നടി സിരിഗയുടെ അമ്മ തന്നെ ആദ്യമായി കണ്ടപ്പോൾ 'മുഖം ടാറിട്ട റോഡിൽ ഉരയ്ക്കാൻ തോന്നിയെന്നും എന്നാൽ നേരിട്ട് കണ്ടപ്പോഴാണ് പാവമാണെന്ന് മനസ്സിലായതെന്നും അമ്മ പറഞ്ഞതായി താരം പറയുന്നു. ആ കുടുംബം കലക്കിയെ ആണോ നീ കല്യാണം കഴിക്കാൻ പോകുന്നതെന്നാണ് തന്റെ നാട്ടിലുളളവർ ചോദിക്കുക എന്നും ആൽബിയും പറഞ്ഞു.

രണ്ട് വീട്ടിലും വിവാഹത്തിന് എതിർപ്പ് ഉണ്ടായിരുന്നുവെന്ന് അപ്സര പറയുന്നു. ചേട്ടന്റെ ഒരു ബന്ധു വന്ന് എന്റെ അമ്മയോട് സംസാരിക്കുകയായിരുന്നു. പിന്നീട് എല്ലാത്തിനും കുറച്ച് സമയം വേണ്ടി വന്നു . പിന്നീട് ചേട്ടന്റെ വീട്ടിൽ പോയി സംസാരിച്ചു. അവരെ പറഞ്ഞ് മനസ്സിലാക്കി വിവാഹം കഴിക്കുകയായിരുന്നു. വിവാഹം കഴിഞ്ഞതോടെ തനിക്ക് ഉത്തരവാദിത്വം കൂടിയെന്നും ആൽബി പറയുന്നു. ഇത്രയും നാൾ നമുക്ക് മുഴുവൻ ഉത്തരവാദിത്വമില്ലായിരുന്നു. ഇപ്പോൾ എന്റെ അമ്മയും ഇവളുടെ അമ്മയും വിളിച്ച് അന്വേഷിക്കുമെന്നും ആൽബി പറയുന്നു.

നേരിടേണ്ടി വന്ന ബോഡിഷെയ്മിങ്ങിനെ കുറിച്ചും അപ്സര പറയുന്നു. സീരിയലിൽ തന്നെ കണ്ടാൽ നേരിൽ കാണുന്നതിനെക്കാൾ പ്രായം തോന്നിക്കും. തനിക്ക് 25 വയസാണ് പ്രായം. തന്റെ വയസ് പറഞ്ഞപ്പോൾ കുറെ ആളുകൾ ചോദിച്ചു. 25 വയസ് ആണോ എന്ന് ! അവളെ കണ്ടാൽ 10, 30 വയസ് വരും. തടിച്ചി എന്നൊക്കൊ... കുറെ കമന്റ്സ് വന്നു. അതൊന്നും കണ്ടപ്പോൾ ആദ്യം എനിക്ക് വിഷമം തോന്നിയില്ല. പിന്നീട് ഒരു ഓൺലൈൻ ചാനലുകാർ വിളിച്ചു. ഇതിനെ കുറച്ചുള്ള പ്രതികരണം ചോദിച്ചിരുന്നു. ബോഡിഷെയിമിംഗിനെ കുറിച്ചുളള വാർത്ത കണ്ടതിനെ കുറിച്ച് ചോദിക്കുമ്പോഴാണ് അപ്സര ഇക്കാര്യം പറയുന്നത്.

ഈ സംഭവം പറയുന്നതിനോടൊപ്പം തന്നെ ഒരു ആർട്ടിസ്റ്റിൽ നിന്നുണ്ടായ സമാനമായ ഒരു സംഭവവും അപ്സര പറയുന്നു. രൂപം നോക്കിയോ സൗന്ദര്യം നോക്കിയോ അല്ല നമ്മൾ ഓരാളെ ചേച്ചി എന്ന് വിളിക്കേണ്ടത്. എന്നാൽ അത്തരത്തിൽ ചില ആളുകളുണ്ടെന്ന് പറഞ്ഞ് കൊണ്ടാണ് ഇക്കാര്യം പറഞ്ഞത് . ''എന്റെ ചേച്ചിയെക്കാളും പ്രായമുളള ഒരു നടിയെ ഞാൻ ചേച്ചി എന്ന് വിളിച്ചു . അവർക്ക് 30 വയസ് വരും. പ്രായം അറിയാവുന്നത് കൊണ്ടാണ് ഞാൻ അവരെ ചേച്ചി എന്ന് വിളിച്ചത്. എന്നാൽ അവർ എന്നോട് ചേച്ചി എന്ന് വിളിക്കരുതെന്ന് എന്ന് പറഞ്ഞു. തനിക്ക് കുറച്ച് തടി തോന്നിക്കുമെന്നും അവരെ ചേച്ചി എന്ന് വിളിക്കുമ്പോൾ എന്തോ പോലെ തോന്നുമെന്നും പറഞ്ഞു. അത് തനിക്ക് അൽപം ഫീൽ ചെയ്തുവെന്നും അപ്സര അഭിമുഖത്തിൽ പറയുന്നു.