സാന്ത്വനത്തിലെ ശിവന്‍ ആവാന്‍ കാരണം ഷഫ്‌ന, ജീവിതത്തില്‍ വരുത്തിയ മാറ്റത്തെ കുറിച്ച് സജിന്‍

ഷഫ്‌ന തന്റെ ജീവിതത്തിലേയ്ക്ക് വരുന്നത് തന്നെ തന്റെ ജീവിതം മാറ്റി മറിച്ച് കൊണ്ടാണെന്നാണ് സജിന്‍ പറയുന്നത്. ''വിവാഹതിനാകുമ്പോള്‍ എനിക്ക് 24 വയസ്സ്. അവള്‍ക്ക് 23 ഉം. ഞാന്‍ സിനിമയിലേക്ക് കൂടുതല്‍ അവസരങ്ങള്‍ തേടി നടക്കുന്ന സമയം. വിവാഹശേഷം ഒഡിഷനു പോകുന്നതൊക്കെ അവസാനിപ്പിച്ച് മെഡിക്കല്‍ റപ്രസെന്റേറ്റീവ് ആയി ജീവിതം തുടങ്ങി. തന്റെ വീട്ടുകാരുടെ പിന്തുണ ഉണ്ടായിരുന്നതുകൊണ്ട് പിടിച്ചുനില്‍ക്കാന്‍ കഴിഞ്ഞു. എനിക്ക് തരക്കേടില്ലാത്ത വരുമാനം ഉണ്ടായിരുന്നു.

പ്രണയിക്കുമ്പോഴുള്ള ജീവിതം ആയിരിക്കില്ല വിവാഹശേഷം. പൂര്‍ണ്ണമനസ്സോടെ എല്ലാ പ്രശ്‌നങ്ങളും നേരിട്ട്, ഒത്തൊരുമിച്ച് മുന്നോട്ടു പോകാന്‍ രണ്ടു പേര്‍ക്കും കഴിയണം. എങ്കിലേ പ്രണയം നിലനിര്‍ത്താനാവൂ. ഞങ്ങളുടെ കാര്യത്തില്‍ അങ്ങനെ പ്രശ്‌നമൊന്നും ഉണ്ടായില്ല. ഞങ്ങള്‍ പരസ്പരം പിന്തുണയേകി എപ്പോഴും ഒന്നിച്ചുണ്ടായിരുന്നു.

രണ്ടുവര്‍ഷം വീട്ടിലിരുന്ന് മടുത്തപ്പോള്‍ അവള്‍ അഭിനയത്തിലേക്ക് തിരിച്ചു വന്നു. ജീവിതം ഒരുവിധം സ്ഥിരത കൈവരിച്ചപ്പോള്‍ എന്റെ അഭിനയമോഹം വീണ്ടും തലപൊക്കി. ഞാനും ഒഡിഷനുകള്‍ക്ക് പോകാന്‍ തുടങ്ങി. എനിക്കിപ്പോള്‍ സാന്ത്വനത്തില്‍ അഭിനയിക്കാനുള്ള അവസരം ലഭിച്ചതും അവളുടെ പിന്തുണ കൊണ്ടാണ്. അത് എന്റെ ജീവിതം വീണ്ടും മാറ്റിമറിച്ചുവെന്നാണ് സജിന്‍ പറയുന്നത്.

Recommended Video

മധുവിന്റെ ജീവന് പകരംചോദിക്കാൻ മമ്മൂക്ക, കേസ് മമ്മൂട്ടി ഏറ്റെടുത്തു

കുടുംബമാണ് തനിക്ക് പ്രധാനമെന്നും സജിന്‍ പറയുന്നുണ്ട്, ഷൂട്ടിങ് കഴിഞ്ഞാല്‍ ഓടി വീട്ടില്‍ എത്താനാണ് ആഗ്രഹം. ഷഫ്‌ന തെലുങ്കിലും മലയാളത്തിലും ഓരോ സീരിയല്‍ വീതം ചെയ്യുന്നുണ്ട്. മലയാളം ചെയ്തു കഴിഞ്ഞാല്‍ തെലുങ്ക് സീരിയിലിന്റെ ഷൂട്ടിനായി 15 ദിവസം ഹൈദരാബാദിലേക്ക് പോകേണ്ടി വരും. തിരുവനന്തപുരത്ത് ഷൂട്ടിങ് ഉള്ളപ്പോള്‍ അവള്‍ അവളുടെ വീട്ടില്‍പോയി നില്‍ക്കും. ഇപ്പോള്‍ എല്ലാവരും സ്‌നേഹത്തോടെയാണ് ജീവിക്കുന്നത്. ഞാനും ഷഫ്‌നയുടെ വീട്ടില്‍ പോകുകയും പരിപാടികളില്‍ പങ്കെടുക്കുകയും ചെയ്യാറുണ്ട്. ഇപ്പോള്‍ എനിക്ക് തിരുവനന്തപുരത്താണ് ഷൂട്ടിങ്. ഇപ്പോള്‍ തിരുവനന്തപുരത്തെ ഒരു അപ്പാര്‍ട്ട്‌മെന്റിലാണ് തമസമെന്നും വിശേഷം പങ്കുവെച്ച് കൊണ്ട് സജിന്‍ പറഞ്ഞു.

ഭഗവാന്‍ സിനിമയുടെ ഷൂട്ടിംഗ് കാണാന്‍ പോയപ്പോഴാണ് ആദ്യമായി ഷഫ്നയെ കാണുന്നതെന്ന് സജിന്‍ പറഞ്ഞിരുന്നു പിന്നീട് കാണുന്നത് പ്ലസ്ടു സിനിമയുടെ ലൊക്കേഷനില്‍ വെച്ചാണ്. ഷഫ്ന നായികയായ പ്ലസ്ടു എന്ന സിനിമയില്‍ ഒരു വേഷം ചെയ്തു. ആ സമയത്ത് ഞങ്ങള്‍ നല്ല സുഹൃത്തുക്കളായി. എനിക്ക് ഷഫ്നയോട് ഇഷ്ടം തോന്നി. സിനിമയുടെ ഷൂട്ടിങ് അവസാനിക്കുമ്പോഴേക്കും എനിക്ക് അവളോടുള്ള പ്രണയം സീരിയസ് ആയിത്തുടങ്ങിയിരുന്നു. ഞാന്‍ അത് തുറന്നു പറഞ്ഞു. കേട്ടപ്പോള്‍ ഇതൊക്കെ വേണോ എന്ന ഭാവമായിരുന്നു അവള്‍ക്ക്. എന്നാല്‍ ഒടുവില്‍ അവള്‍ക്കും എന്നോട് ഇഷ്ടം തോന്നി.